قسم الفن (مزيكا - سينما - T.V)

هذا هو التصنيف الطبيعى فى المنتديات الكبرى
وأكيد المنتدى ده مش أقل منهم فى حاجه بل أنه
أصبح منتدى قوى له موضوعاته ومساهماته الجريئة
والفعالة وأنا كمشرف لقسم الفن أطلب من الإدارة ملك
أن تجعل فى قسم الفن 3 أقسام فرعية (مزيكا - سينما - T.V)

وأن تنظر فى هذا الموضوع بعين الأعتبار أن المنتدى
يزيد أعضاؤه وزواره كل يوم عن الذى يسبقه وتزيد
المواضيع والمساهمات وهذا دليل أن المنتدى أصبح
أكثر فاعلية ولا يقل عن المنتديات الكبرى إلا قليلاً ...

أرجو من الأعضاء التصويت بالأيجاب او السلب
مع التعقيب والتعليق على الأختيار ولكم جزيل الشكر Smile

حلو طموحك يا مصطفى

بس مهما كنا بنحب المنتدى لازم نتكلم كلام موضوعى

يعنى ايه ؟ نجنب المنتديات الكبيرة الكلام عنها علشان منظلمش نفسنا

ومهما كان المنتدى بدا يدخل فيه ناس جديدة الا انه منتدى لسه بيحبو

دا حقيقى وبلاش نغالط نفسنا + ان المنتدى مش ظاهر على محركات البحث اساسا حتى وانا بعمل سيرش باسم المنتدى وبيبقى ظاهر النتيجة الخامسة تقريبا فما بالك وانا بعمل سيرش عن موضوع معين والموضوع دا حتى لو موجود عندنا مش هيظهر على محركات البحث للاسف

انا بتكلم بصراحة وعارف ان كلامى هيزعل الكل بس مينفعش اضحك على نفسى واقول اننا منتدى كبير او حتى قربنا نبقى كدة

واما عن اقتراحاتك الجميلة دى يا مصطفى ففعلا مفيش منتدى كبير مش موجود فيه الاقسام دى

بس الاقسام دى يا مصطفى لللى قدها وللى يعرف يعمل شغلها ويقدر عليه

هتقولى ازااااااااااى وهتستغربوا انا عارف بس بردو دى الحقيقة وانا اقولكوا ازاى ؟

اللى بيرفع افلام بيكون محملها من مواقع اجنبية وبتكون حصريا لمنتداه وبيكون فريق عمل من المنتدى هو اللى مترجم الفيلم وبعد كدة الفيلم بيضغط وبتتظغط معاه الترجمة وبيكون الفيلم عليه اسم المنتدى فى شاشة الفيلم وفى روابط التجميل

وبالمناسبة روابط التحميل بتكون حوالى عشرين رابط للتحميل ولوكان الفيلم صغير نسبيا بيكون الى حوالى 15 رابط كمان غير مظغوط rar

المهم يعنى الكلام بتاع نقل الصورة واللينكات بتاعة الفيلم والفيلم كمان بيكون عليه اسم الموقع اللى نقلنا منه دا ميعتبرش رفع اساسا وكمان حرام نقول عليه حصريا اصل حصريا ازاى واحنا نقلينه اساسا

يا جماعة الموضوع اكبر من ان احنا نتكلم فيه اساسا ومنتديات متخصصة هى اللى بتعمل كدة زى ( ماى ايجى - مزيكا تو داى - عرب ليونز - عرب سيد - وغيرها )

اما عن قسم التلفزيون فابيختلف فلازم يكون عندك كارت تىفى وكارت دش وتكون موصلهم بالكمبيوتر وتسجل اللى انت عايزه وبعد كدة بتكتب عليه اسم المنتدى وبترفعه على روابط شايله اسم المنتدى

والمزيكا معروفة القصة السهلة بتاعتها ولونها بردو اى اغنية بتنزل لازم تكون شايلة اسم المنتدى بردو جواها وشايلة اسم المنتدى فى اللينكات ولو البوم كامل بتكون صورة الالبوم او البوستر شايل اسم المنتدى

عايز ايه انا من الكلام دا كله ؟

محدش يفهم انى بقلل من المنتدى بس انا مجرد عايز اتكلم بموضوعية مش اكتر

ولو كنت مش بحب المنتدى ده مكنتش زمانى مكمل فيه

اللى عايز اقوله اننا يانعمل الكلام دا باصوله وزى المنتديات الكبيرة بتعمله يا منعملوش

لكن ( نقل ) اللينكات ودى مجرد تسمية خفيفه لان فعالم النت والمنتديات ليها تسمية تانية

النقل دا بيخلى صورتنا وحشة وبصراحة مينفعش ناخد تعب الناس دى وننسبه لنفسنا واحنا حتى لما بننقل مش بننقله بالجمال والتناسق اللى الموضوع الاساسى معمول بيه

دا كان راى ودا مجرد رأى لعضو واحد فى المنتدى واحنا اتعودنا ان القرار للاغلبية

فابالتوفيق طبعا وهنستنى نشوف التصويت والاراء الاخرى

معلش يا مصطفى انا مش موافقة
ومش هقول مع انى مع كلام طارق اوى

لكن لو قولنا زى ما طارق ما بيقول
اننا يانعمل الكلام دا باصوله وزى المنتديات الكبيرة بتعمله يا منعملوش
احنا ناس بتدخل المنتدى تثقف نفسها وتتعلم حاجة صح وتوعى نفسها اجتمعايا ودينيا وثقافيا
لكن اننا نعمل زى المنتديات الكبيرة ..هيبقى ضياع وقت وكمان كشكل عام انا مابحبش التعمق فى الحاجات ديه عشان فى قيمة فى تواصلنا مع بعض اكبر من كدة هى الاستفادة والافادة وتكوين الشخصية والتوعية

على الاقل انا بدخل المنتدى عشان الحاجات ديه
فانا مش هكون متقبلة القسم ده

ميرسي طارق ونور على الردود ويا جماعة دى أراء وحرية شخصية
والطبيعي أنى لما أعمل أقتراح يا أما يتقبل أو يترفض وده لمصلحة المنتدى والأعضاء فى النهاية
ورداً على نور : على فكرة الفن زى مافى الحلو فيه الوحش وفى النهاية (الفن رسالة) وكون أنك مش بتحبى الفن أو مش متقبله القسم ده رأيك الشخصي و(أختلاف الرأى لا يفسد للود قضية) وبعدين أزاى "ضياع وقت" ده تسهيل ع الأعضاء أنه يدخل القسم اللى حابه وكمان دانتى لسه طالبه منى فيلم رعب أجنبى يبقى أزاى مش متقبله القسم

وعلى فكره يا جماعة الأستفتاء مستمر لأجل غير مسمى
منتظر باقى الأراء والردود وفى الأول والأخر ده مجرد أقتراح كباقى الأقتراحات التى أقترحتها ونجحت من قبل..

مصطفى انا مش مابحبش الفن
وانا اقصد عدم تقبل التعمق فيه ..على الاقل دلوقتى
واكيد طبعا انا متفقة معاك ان الفن زى ما فيه الوحش فيه الحلو اللى اقول عليه بيقدم رسالة
لكن مع الاسف الحلو ده قليل جدا جدا يعنى مش هيبقى فيه شغل كتير لان اساسا الحاجات اللى بتقدم رسالة مش كتيرة
فانا شايفة ان قسم الفن كافى للحاجات ديه
ولو الاقتراح تم مافيش مشكلة نبقى ندعبش شوية على الاعمال اللى بتقدم رسالة

ومتشكرين يا مصطفى على الفيلم
ذلونا بقى

لا والله مش موضوع ذل انا بفكرك بس Wink

وبجد نورتى التوبيك برأيك المحترم وميرسي ليكي

انا مش مع الفكرة بس ليا راى مختلف عن الاراء اللى فاتت مع انى متقبلها بس رايي ان الموقع بتاعنا اسمه منتدى كلية اداب يعنى الاهتمام الاكتر فيه هيبقى لاقسام الكلية اللى محدش تقريبا بيخشها فا احنا ياجماعة لازم نركز عالاقسام دى اهم حاجه ولو كان المنتدى بتاعنا منتدى عام كانت هتبقى فكرة مصطفى حلوة اوى فيه وكانت هتبقى مناسبة يعنى مش عاوزين المنتدى ينحرف عن هدفه بالنسبة لكونه منتدى كلية حد فاهمنى ؟؟؟؟؟؟

مرسي يا مصطفى على اقتراحاتك واهتمامك بالمنتدى منتظريين المزيد

عندك حق والله يا ملك احنا عايزين فعلا نهتم بالاقسام الدراسية
وانا هبدأ بنفسى

قسم الفن (مزيكا - سينما - T.V) Lmssat-0ea8fe0550

ميرسي يا ملك وردك واقعى ووجهة نظر مفهومة أكيد
وعلى فكرة قريب أوووووى أنتظروا فكرة لأول مرة وحصريه ع المنتدى هتكسر الدنيا بجد سبق بكل المقاييس ..
أنتظرووووووووووووووووووووووووووووووووووووووووووووووووووووووووووووووووووووووووووونى وأدعولى !

فى الانتظار ...........