مين هيدخل عبرى ؟؟؟؟

ana da5laaaaaaaaa w f3ln ya ret dc. 3adel y3rfna akter 3n el hebrew w tare5o w ykon mshkor gdnnnnn 3la mos3dt w tskef 3'laba sana 2ola ely tl3en tanya isa

إن شاء الله أنا هدخل عبري لأني حاسس أني ممكن أعمل حاجه فى المجال ده
وإيدك معانا يا دكتور عادل بجد محتاجينك معانا فى الموضوع ده بعد ربنا
وبالله التوفيق

السلام عليكم: أنا أكون سعيد جدا إني أتواصل معاكم لحد ما تتخرجوا إن شاء الله وأطمئن إن كل واحد فيكم اشتغل بالعبري لأنه ثمرة مجهودنا في الدراسة لازم تكون نتيجتها إني أشتغل بالتخصص . وطبعا عشان نشتغل بالتخصص لازم نكون متميزين عشان لما نروح نشتغل في مكان بالعبري ما حدش يتكلم عننا بصورة وحشة. وكمان يكون إنتاجنا متميز. وعلى فكرة القسم بيوفر تدريب على الشغل بالعبرية في أجازة تالتة وفي أجازة رابعة يعني بالنسبة لكم من الصيف اللي جاي. لكن هل أنتم عندك استعداد في الصيف دا تبدأوا تشتغلوا على العبري؟ اللي عنده استعداد ممكن يروح مركز الدراسات الشرقية ويصور من الجرايد في قاعة العبري ويستعين بالأستاذ سعد في مكتبة العبري ويروح مكتبة مدبولي يشتري قاموس عبري عربي اسمه دافيد سجيف ( مكتبة مدبولي موجود في شارع سليمان باشا في وسط البلد وعند سور نادي الزمالك وفي شارع البطل أحمد عبد العزيز. واللي مكسل ينزل المركز ممكن يدخل على موقع عبري بسيط جدا اسمه www.walla.co.il وبعد كده يشوف أخبار بسيطة ولو سياسية في البداية ويطبعها ويترجمها بمساعدة القاموس واللي تقف حاجة أدامه يبعت لي وأنا أرد عليه. بس شجعوا نفسكم وأنا معاكم وكلمة أخبار بالعبري اسمها חדשות
عادل

ميرسى جدااا يا دكتور عادل
انا بدات فى ترجمة الاخبار زى ما حضرتك قلت بس حاسة بصعوبة جداااا وانا بترجم
اظن لان الكلمات دى فى المجال السياسى واحنا فى الكلية خدنا كلمات فى الحياة العامية والعهد القديم بس فياريت حضرتك تقولنا طريقة نبدا بيها فى ترجمة الاخبار السياسية
واظن ان اللى بينقصنا ان احنا مش عارفين نبدا منين فاكيد حضرتك هتسهلنا وتعرفنا نبدا ازاى ومنين وشكرا جدااا لمجهودك معانا يا دكتور