حب من اول نظرة!!!

هل انت مؤمنون بالحب من أول نظرة؟؟؟
هل هو حقيقه ام وهم؟؟؟
وهل الحب من أول نظرة أفضل أم الحب الذى يأتى مع العشرة؟؟؟
هل هو حقيقه أم خيال أم تجسده فقط الأفلام ؟؟؟

وعلشان الموضوع مهم يا جماعه وموضع جدال من ناس كتير وكلنا محتارين فيه فده كان رأى العلم :

توصلت دراسة علمية حديثة إلى أن الرجال يحتاجون 8.2 ثوانٍ ليقعوا في الحب من أول نظرة .

ونقلت صحيفة ديلي تيليغراف البريطانية عن الدراسة قولها "إن استمرت النظرة الأولى للرجل 8.2 ثوانٍ فهذا يعني أنه أعجب بالمرأة وإن طالت النظرة عن هذه المدة فهذا يدل على أن الرجل وقع في حب المرأة " .

وشملت الدراسة أكثر من 115 متطوعاً ومتطوعة تمت مراقبة نظراتهم عند لقائهم بممثلين وفنانين مشهورين ووجدت أن نظرات الشباب للممثلات الجميلات زادت عن 8.2 ثوان بينما انخفضت لأقل من 4.5 ثوان لغير الجميلات.

ولفتت الدراسة إلى أن الفتيات يتحكمن بنظراتهن أكثر من الرجال لذا فإن الدراسة لا تنطبق إلا على الرجال والشباب.

وده طبعا لأن البنات ألطف وأرق الكائنات اللى ربنا خلقها فده أقل واجب بصراحه ههههههه

هههههههه
حلوة الكلمة الاخيرة ...بصى احنا نرفع عليهم السلاح بقى

الاول نفكر ونتامل فى الحب وايه هو الحب واسبابه واحداثه ونتائجه
فما عتقدش ان الجمال و الاشياء ديه كلها قائمة فى الاول على نظرة
ممكن النظرة تكون سبب فى اعجاب ...التقاء روحى
انما حب وسرحان وعدم تملك النفس فى البعد عن الحبيب
ده ناتج عن معرفة لنفس الحبيب ذاته وده عن طريق المعاشرة والكلام والتقارب
انا متفقة ان النظرة قوية جدا لكن قوة وعاطفة الحب اعلى من انها تنزل لمستوى النظرة

ممكن انا اكون مخطئة وممكن انتو تكونوا فاهمين كلمة نظرة غلط
لكن النظرة زى ما قلت ممكن تكون السبب فى ارتياح نفسى ...التقاء روحى.. اعجاب
لكن الحب اعظم من انه تكون السبب فيه مجرد نظرة
وانتى هنا يا انوس قلتى كلام هستغلوا هو علمى ومثبت وما ينفعش نقول فيه حاجة
النظرة للجميلات اطول من النظرة لغير الجميلات الضعف تقريبا
لكن الحب مش جمال وجه والنظرة هنا ركزت اوى اوى على جمال الوجه
وده ماسمهوش حب لان الحب مش جمال وجه جمال نفس و جمال خصائص في طبيعة الحبيب او المحب

استنى يا بنتى ميرسى ايه بس هههههههه
هتاكلى بعقلى حلاوة ههههههههههه
انا عايزة مناقشة للرد