محكمة الحب

محكمة الحب




طبعا كلنا عارفين المحكمة بس محكمتنا انهاردا تختلف شوية محكمتنا انهاردا محكمه الحب

هنـــاأرحـــب بكــم...
فــي :: محكمتـــي::
التـــي سـأكون قـاضيتهــا
ليس منــا من لم يجرب طعم الحـب..
وليس منــامن لم تلسعة شرارته ولذتــــــها...
لــو للحظات إعجــاب ..جنووون...حب
في هـــذا...
سـ أحاكي من ضوفي؛؛ قلوبهم؛؛...
أحاكي ماضيـــهـــم..
وألامس أعمــاقهــم...
؛؛ قلوبكـــم ضيـــوفي؛؛

هي رهنـــآ لمقاضاتي..حتى..تجيب بصدق وبـــ حب..
أملأ الصفحــات بود..
ألونهـا بلون القلبـــــ...
أعطــرهـا بجوريــات العـــشق...
عزيزي الضيف/ غاليتي الضيفة هنــا ع منـــصتي..
لن اطلب الكثيــــــــــر..
كونوا بالقـــــرب..
وأطلقوا صراااح قلوبكــــم..
هي من احــاكم فيكـــــــــم...

همسة لكم وأتمــــنى أن تلقى ((الصدر الرحب منكم))
لن أمــانع في ردودكم وفي عكسية الموضوع عليكم..
أرحب بها وأتطلع لهــــــــا...
أستقبل كل مايجول بأعمـــاقكم..
وعندما ارى ردودكم المميزة وقبولكم بدخول محكمتي
سأتقدم بمحاكمة قلوبكم




فكره الموضوع ان كل مره هنستضيف عضو معانا فى المنتدى وهيدخل معانا فى المحكمه وهيبقا فى قفص الغرام وتتم المحكمه

وعلى الجميع الاتزام بكل قواعد المحكمه الحكم هيكون عادل باذن الله وياريت يكون الاجابه صادقه

قواعد المحكمة



1_أن تكون الاجابات صادقة تماما
2_عدم البعد عن مضمون الموضوع
3_عدم تفويت اى سؤال والاجابة عن الاسئلة كلها
4_عدم الرد على الاسئلة بعبارات (مش عارف) (لا تعليق) والحاجات دى

فى حالة عدم الالتزام بالقوانين سوف يتهم حبس المتهم فى القفص لفترة طوييييييلة انتوا احرار بقى

االاسئلة





1_هل احببت ذات يوم؟
2_كم مرة احببت؟
3_لو كنت انفصلت عن حبيبك مين السبب انت ولا هو ؟
4_هل حاليا انت تحب ؟
صف حبك .. في كلمة واحدة
6_هل يمكن ان يكون الحب من اول نظرة ؟
7_متى احببت لاول مرة ؟
8_مالذى جذبك لحبيبك؟
9_ماالشعور الذى يرافقك طوال وجودك ببالقرب من حبيبك؟
10_اكتب نبذه عن حياتك العاطفية [img][/img]

من دخل هُنا .. لا يخرج الا بعد ’ مقاضاتي ’ ..

رفعت الجلسة

محكمة

يلا رشحوا معايا اول متهم

رشحوا معايا اول متهم

فكرة حلوووووووووة أوى يا ملك بس ربنا يستر ومش عاوزين حد يزعل ومش عاوز أرشح حد معين دلوقت

فكرة جمييييييييييلة بجد يا ملك

بس انا هرشح بقى

برشحك يا روميو لمحكمة الحب طبعا

اصل انت روميو المنتدى ولازم يبقى افتتاح المحكمة معاك حبيبى

ولا ايه يا ملك

اسمحولى ياجماعه مع احترامى ليكو طبعا ولمصطفى اختياركم انا برشح ملك لانها صاحبه الفكرة وهى اللى لازم تبدأ واكيد عارفه القوانين كويس فممكن نجرب فيها

حلوة نجرب فيها ديه
اه صحيح تبقى هى تحكم علينا كلنا واحنا نسيبها فى حالها
على العموم ملك مصطفى كله واحد
وبامانة اللى يدخل الاول منهم
يجاوب بس مين اللى هيكون المحامى

مفيش محامى يانور اللى هيدخل هيجاوب ويتكلم عن نفسه واحنا مش هنظلم حد خااااااااااااالص وكله بحق الله هههههههههه
وبالضبط زى ما قلتى ملك مصطفى المهم ان حد يدخل ونثبته قصدى يدخل ونسأله هههههههه

على فكرة يا جماعة أنا مش فارقة معايا لأنى جاوبت ع الأسئلة دى أمبارح مع نفسي
وبعدين المفروض أن ملكـ أول واحدة تتحاكم لأن ملكـ هى اللى عامله التوبيك وكمان (طباخ السم يدوقه)

انتوا كلكوا عليا ولا ايه ههههههههه انا القاضى هنا خلى بالكم ممكن احبس اى حد

هههههههه
لا بجد يا ملك
جاوبى ودافعى عن نفسك
وكمان احكمى بس بمنتهى الحيادية
واحنا كمان كلنا هنحكم عليكى

يللا يا ملك احنا خلاص قررنا ههههههههه وكلنا موجودين يللا المحاكمه هتبدأ يللاااااااااااااااااااااااا
رفعت الجلسه

اوك ملك تبدا علشان نجرب فيها هههههههههههه وبعد كدة ندخل على مصطفى ايه رايكوا هههههههه

ماهو التوبيك مش هيطير وكله هيشرب من نفس الكااااااااس

لااااااااااااا مصطفى هو اللى هيجاوب الاول سبونى اخد فرصتى كاقاضية

طيب خلاص يا ملك زى ما تحبى احنا مش هنغصب عليكى يللا ابدأى وبعدين مصطفى هههههههههه قصدى يللا يامصطفى وبعدين ملك هتدخل بعدك يلا يا شباب اللى موافق على مصطفى يرفع ايده
اللى موافق فيكم على مصطفى يرفع ايده بسرعه علشان يلحق يجاوب على كل الاسئله ول فى حد عنده اسئله تانيه يقول عليها بسرعه يلللا

هى بقت كده يعنى .. ماشي ... وبعدين يا نور أسمها أنت مش أنتى
يلا يا جماعة اللى عنده أسئلة يقولها ويخلصنى وأنا هجاوب ع الأسئلة كلها مرة واحدة
وأبقو أتوصوا بيا فى الأسئلة أنا عارف أنكوا ما صدقتوا أنا أبقى أول واحد عم طارق بيقول يا حبيبي وإيناس بتقول اللى موافق يرفع أيده .. هههههه ... يلا بسرعة علشان مش بحب أنتظر فى الحبس كتير .. مستنيكوا

سورى والله يا مصطفى انتوا عارفين السرعة بتخل الواحد يضغط على زرار غلط
انا عن نفسى مكتفية بأسئلة ملك جدا لكن هحط سؤال كمان
عندما تحب تسطتيع ان تفرق بين الحب والعواطف المشابهة له

جاوووب عشان محكمش عليك بخمسة وعشرين سنه سجن

يللا ياجماعه اى حد يبدأ بس خلصونا هههههههههههه
متخافوش من اى حاجه
زى ما قلتلكم كله بحق الله ههههههههههه

مانا مستني لما تخلصوا أسئلة واللى عنده سؤال يقوله علشان أجاوب مرة واحدة

ياعم مصطفى قوانين اللعبة انك ترد على الاسئلة الاساسية بتاعت التوبيك والاعضاء لو حد عاوز يسأل يسأل من خلال الاجوبة بتاعتك

معلش يا جماعة أتأخرت شوية فى الرد بس مكنتش لسه عارف القوانين وأستنيت الأسئلة منكوا .. يلا نبدأ والأجابة بصراحه والله وتلقائيه ...

1_هل احببت ذات يوم؟
بصراحه حبيت مرة واحدة وحسيت أنى أختارت غلط أو بمعنى أصح هى مش فهمتنى
ومش ناوى أحب تانى لأنى بجد حاسس أن مفيش أنسانة فى الزمن ده بتقدر الحب بكل معانيه أو حتى تستاهل حبى

2_كم مرة احببت؟
مرة واحدة

3_لو كنت انفصلت عن حبيبك مين السبب انت ولا هو ؟
حصل شبه أنفصال بس هى السبب لأنك لما تلاقى واحدة بتقولك كلام حلو طول الوقت وكلامكوا كله مش مجرد أصحاب يعنى بتقولك على كل حاجه فى يومها وبتستأذن منك أنها تنزل فى حته وبتقولك أنك أول ولد تكلمه فى حياتها ومش تعرف غير قرايبها وأنت وبس أظن بعد ده كله وأكتر لازم تفهم أن في حاجه من ناحيتها أعجاب أن لم يكن حب وإلا تبقى مش بتحس أو مش عندك دم ولكن بجد هى الغلطانة وأنا أكيد سبب فى شبه الأنفصال بس مش اللوم عليا لأ على براءتها وطيبتها اللى مش شفت زيها

4_هل حاليا انت تحب ؟
الموقف مش يسمح أنى أحب دلوقت لأنى بجد أتخدعت لأول مرة فى حياتى بس يلا الواحد مش بيتعلم ببلاش
وكمان جتلى كذا فرصة أنى أرتبط والحمد لله أنا مش وسيم أوى بس محبوب وكان فى واحدة صاحبتى وصلت لصاحبتها وصاحبى الأنتيم أنها معجبة بيا ولكن أنا مكنتش حاسسها لأنى مش بحب أجرح إحساس بنت لأنهم بجد أرق مخلوقات الكون (رغم اللى بيعملوه بس من جواهم أبيض بجد) وحاولت أوصلها أنى مش حاسس بيها وأنى ممكن أظلمها معايا بس مش وش طبعاً (بالعقل) وقلتلها أنى ممكن أخدها على هواها وأقولها وأنا كمان بس حرام لأنى لو عملت كده مش هبقى مصطفى لأنى واخد مبدأ يا أنا أرتبط أرتباط إيجابى (مش سلبى بتاع اليومين دول) يا أما بلاش وطبعاً هتسألونى يعنى ايه أيجابى وسلبي .. الأيجابى هو الأرتباط الذى يحافظ على كرامة الرجل وأخلاق البنت ويحترمها ويقدر أنوثتها وأنها ممكن تبقى فى يوم من الأيام مراته .. أما السلبى فهو الأرتباط المؤقت زى ماتقوله أحتياج للحب وخلاص وتسلية ويعيشوا اللحظة وبعد كده يقولها سورى يا ماما ظروفى وعلاقتنا غلط م الأول .. طب ليه ما أحنا عندنا أخوات بنات مش بلاستيك وكما تدين تدان ولو بعد حين فى مراتك فى بناتك .. نفسي بجد أى حد يحط نفسه فى الموقف ده .. مش هيبقى في بنت واحدة مش محترمة ولا تحرش ولا حاجه وحشه فى البنات وبعدين لما يجي يتجوز يشك فى مراته مهو من اللى بيعمله .. معلش طولت عليكوا بس الموضوع ده بجد بيحتل تفكيرى

5_صف حبك .. في كلمة واحدة
ممكن كلمتين .. مقدرتش حبى

6_هل يمكن ان يكون الحب من اول نظرة ؟
اه في بس بداية حب وليس حب حب

7_متى احببت لاول مرة ؟
وأنا فى خامسة إبتدائى بس مش القصة اللى حكيتها ده حواااااااار تانى

8_مالذى جذبك لحبيبك؟
أدبها وأخلاقها وتفكيرها وطيبتها وتقديرها لشخصيتي وجمالها وخاصة عينيها

9_ماالشعور الذى يرافقك طوال وجودك ببالقرب من حبيبك؟
منتهى منتهى السعادة والإحساس وكل معانى الحب

10_اكتب نبذه عن حياتك العاطفية
حياتى العاطفية مليئة بالأسرار مينفعش أقولها هقول اللى ينفع يتقال
أنا أعجبت ببنات كتير من اللى أعرفهم وده لأنى لقيت فيهم صفات من فتاة أحلامى
ولكن كحب أنا لم أحب سوى مرة واحدة وهى المرة التى من الممكن أن أبالغ فيها وأقول حب بس بجد نفسي ألاقى البنت اللى فى دماغى بجد هعيش وأعيشها دنيا تانية تنتهى النهاية الإيجابية بالزواج .. وتكون بتحب الحب للحب

ورداً على سؤال نور : عندما تحب تسطتيع ان تفرق بين الحب والعواطف المشابهة له
طبعاً لازم تفرق بين الحب والأعجاب والأشتياق والتعلق بأنسان لأن كل واحدة فيهم مرحلة لوحدها وده بيختلف من شخص لأخر بس أكيد الحب بيتفهم أنه حب غير الصداقة والصحوبية لأن العواطف المشابهة للحب ممكن تكون فى أطار الصداقة بس على حسب العقلية والفكر للأنسان اللى قدامك

وأخيراً أتمنى أن أكون أجبت على المطلوب منى كاملاً وأن أكون عند حسن طنكم وفهمكم
وربنا يستر أما نشوف ملك هتحكم عليا بأيه بس بليز يا ملك بلاش مؤبد أنا عندى عيااااااال .. ههههههه

طيب يا مصطفى انتظر حكمى عليك واى حد عنده سؤال يتفضل بيه عقبال ما انظر فى هذه القضية واحقق فيها
رفعت الجلسة
محكمة