كلمة حق دون خوف

القرضاوي : الجدار الفولاذي حرام شرعاً

December, 2009 10:02:00

كلمة حق دون خوف Thumbnail.php?file=10_224857711

الشيخ يوسف القرضاوي

أفتى الشيخ يوسف القرضاوي رئيس الاتحاد العالمي لعلماء المسلمين بأن الجدار الفولاذي الذي تقيمه مصر هذه الأيام على

الحدود بينها وبين غزَّة عمل محرَّم شرعاً المقصود به سد كل المنافذ على غزَّة، للزيادة في حصارهم وتجويعهم وإذلالهم

والضغط عليهم، حتى يركعوا ويستسلموا لما تريده إسرائيل ]ونقلت صحيفة "الراية" عن بيان للقرضاوي أصدره أمس إن

مصر ليست حرَّة في المساعدة على قتل قومها وإخوانها وجيرانها من الفلسطينيين بدعوة السيادة الوطنية على أراضيها

وتأتي فتوى القرضاوي في الوقت تصاعدت فيه ردود الأفعال على المستويات الفلسطيني والعربي والدولي المنددة بالخطوة التي

اتخذتها القيادة المصرية والقاضية ببناء جدار من الفولاذ على الحدود بين الأراضي الفلسطينية ومصر وتمحورت ردود الأفعال

حول استنكار هذه الخطوة التي اعتبر عددٌ كبيرٌ من المتابعين والمحللين أنها تأتي كخطوةٍ إضافيةٍ تهدف إلى تشديد الحصار

على أكثر من مليون ونصف المليون فلسطيني مُحاصَرين في قطاع غزة منذ أكثر من ثلاثة أعوام متواصلة

حيث اعتبر أستاذ العلوم السياسية ومنسق الحركة المصرية لمواجهة التوريث، الدكتور حسن نافعة، الجدار الفولاذي بأنه عار

لاسيما مع دخول وخروج الإسرائيليين من مصر وهو ما يشير إلي عجز فاضح في موازين القوي، علي حد قوله

ونقلت صحيفة "الدستور" المصرية المستقلة عن نافعة قوله: "الخارجية المصرية قالت إنه جدار من أجل أمن مصر وسيادتها

دون أن تفسر ما الفائدة التي ستعود علي الشعب المصري من الناحية الأمنية من ورائه فلا أحد ضد أمن مصر وسيادتها، ولكن

عليهم شرح الأمر للناس

وأعرب نافعة عن اعتقاده بأن مشروع الجدار سيستمر رغم الرفض الشعبي، لأن السلطة لا تقيم اعتباراً لرأي الشعب المصري

ولا تعتبره موجوداً من الأساس،

مضيفاً أن هناك خلطاً بين أمن مصر وأمن نظام الحكم الذي يري أن الأهم بالنسبة له هو مشروع التوريث لذلك فإنه يقيم مثل هذه

المشروعات الغريبة

أما عضو البرلمان المصري سعد عبود، فأكد أن هذا الجدار العار معناه ببساطة أن مصر تتساوي مع إسرائيل في حصار

الفلسطينيين، مضيفاً أن الشعب الفلسطيني حتي إذا كان لا ينتمي إلي الأمة العربية فإن المفروض علينا مساعدته من الناحية

الإنسانية لا أن نحاصره، كما تفعل إسرائيل

وأضاف: "أن التكنولوجيا المستخدمة في بناء هذا الجدار معناها أنها إملاءات إسرائيلية أمريكية علي الجانب المصري الذي لا

يملك هذه التكنولوجيا أصلاً، قائلاً: النظام لابد أن يطيع أمريكا وإسرائيل حتي يمرر مشروع التوريث الذي يحلم به

وتأتي فتوى القرضاوي أيضا بعد ساعات من كشف صحيفة "الوفد" المصرية المعارضة في عددها الصادر الاحد الحصول على

مستندات تؤكد، ان الجدار الفولاذي الذي يقام حاليا على الحدود بين مصر وقطاع غزة، يتم بناؤه على نفقة الحكومة المصرية.

وقالت الصحيفة انها حصلت على شهادات تفيد بقيام جهة مصرية باستيراد الحديد المستخدم في البناء ، ومجموعة الفولاذ

عبارة عن 3 قطع يبلغ وزنها 16 طنا

كما تبين استيراد الفولاذ المستخدم من روسيا، حيث تم انتاجه في أكبر شركات الحديد في العالم " المجموعة الروسية للفولاذ-

ايفراز"، والتي تقوم بتوريد الحديد لالولايات المتحدة الامريكية ويمتلكها المياردير الروسي ابراموفيتش صالحب نادي تشيلسي

الانجليزي.

يذكر ان صحيفة "الشروق" المصرية المستقلة كانت قد ذكرت في عدد سابق لها أن الألواح المستخدمة في إنشاء الجدار صنعت

فى الولايات المتحدة ووصلت عبر أحد الموانئ المصرية، وهى من الصلب المعالج الذى تم اختبار تفجيره بالديناميت

وقالت ان هذه الألواح يتم دقها عبر آلات ضخمة تحدد مقاييسها بالليزر، ثم سيتم لصقها معا بطريقة "العاشق والمعشوق" على

غرار الجدار الحديدى الذى أنشأته إسرائيل على الحدود بين قطاع غزة ومصر وقامت الفصائل الفلسطينية بهدمه فى يناير

2008 ولم تتمكن الفصائل الفلسطينية حينها من تدميره بالمتفجرات وقاموا بقصه من أسفل بلهيب أنابيب الأكسجين

في هذه الأثناء، دعا رئيس الحكومة الفلسطينية المقالة في غزة إسماعيل هنية الرئيس المصري حسني مبارك إلى وقف بناء

الجدار الفولاذي على الحدود

وجدد هنية دعوته في خطاب له مساء أمس بمناسبة الذكرى السنوية الاولى لحرب غزة الى المصالحة والوفاق والاتفاق، مشيراً

الى انه لايوجد طريق آخر أمام الفلسطينيين سوى طريق المصالحة والشراكة السياسية

والله والله والله تسلم القيادة المصرية على الخطوة دى وعلى فكرة بناء الجدار

دا أمننا وسيادتنا واحنا حرين فيه

و كلام الناس دى عندنا ميسواش

ميرسى نور على الخبر

يا استاذ طارق......0
احنا حرين ازاى ومين الناس دول
دول اخواتنا الفلسطنين اللى بيموت ومات منهم العشرات والمئات والالفات المؤلفة غدر وظلم وخيانة واستهتار بدمهم
اللى استشهد منهم اطفالنا ونسائنا وشبابنا ورجالنا حتى شيوخنا
اللى عاشوا 60سنة مستنين لحظة ما نبقى امة واحدة وندافع عن بعض
تقوم تقولى احنا حرين
ماننساش ان مصرهى المنفذ الوحيد ليهم حرام نقفل الباب الوحد المفتوح فى وشهم
امال مصريين ازاى وخير جنود الارض ازاى وايه هيكون الفرق اللى بينا وبين الصهاينة واحنا بنعتبر بنحط اخواتنا فى حصار مسدود وضغط اكبر تحت السفاحين
ايوة احنا عارفين اننا متضررين من مهربين الاسلحة وبتوع القاعدة يارب لا تخدهم لا تهديهم
نشدد الامن شويتين تلاتة نعمل كل الاحتياطات
مش نقفل باب مفتوح فى وش صرخة طفل بيستغيث بينا
ماتبقاش مصر قلعة العالم الاسلامى باكمله
وانا مع فضيلة الشيخ يوسف القرضاوى وهو بيتكلم باسم الدين ولا كلمة تعلو فوق كلمة الدين حتى ولو الرياسة العالم كله
واذا كنا قدمنا مساعدات فده مش فضول اخلاقى او اسانى لا ده واجب علينا كلنا مصريين عرب مسلمين
فاحنا مش حريين احنا مصريين والاهم مسلمين
واذا كان بعض الاخوة العرب حطين اديهم فى الماية الباردة ومش شايلين هم اخواتنا
فانا عن نفسى محبش ولا احب انى اتساوى بيهم

كان نفسى لما تيجى تردى عليا تبعدى عن الكلام من الناحية العاطفية وجانب المشاعر والاحاسيس

لان السياسة الدولية مفيهاش الكلام دا خالص

المفروض يبقى الكلام بلسان حال الواقع

بس انا ممكن ارد عليكى نقطة نقطة

اقتباس :: احنا حرين ازاى ومين الناس دول
دول اخواتنا الفلسطنين اللى بيموت ومات منهم العشرات والمئات والالفات المؤلفة غدر وظلم وخيانة واستهتار بدمهم
اللى استشهد منهم اطفالنا ونسائنا وشبابنا ورجالنا حتى شيوخنا
اللى عاشوا 60سنة مستنين لحظة ما نبقى امة واحدة وندافع عن بعض

اه طبعا احنا حرين علشان دى سيادتنا على ارضنا ومفيش دولة فى العلم ليها الحق انها تمس السيادة المصرية

بتقولى اخواتنا اللى ماتوا غدر وظلم وخيانة واستهتار

والله معاكى حق : حركة حماس غدرت بيهم وظلمتهم وخانة ثقتهم او خانتهم كليا وكمان استهترت بدمهم

طبعا الكلام مش كلام وخلاص لان محدش قال لحماس تضرب صواريخ على الفاضى

محدش قال لحماس تخطف جندى

محدش قال لحماس تنفصل بغزة

حماس اللى لما سألو قادتها قالو احنا انتصرنا فى الحصار وفى ضرب غزة

ازاى انتصرتوا ؟ اصل احنا مات من عندنا عدد قليل اقل من اللى مات من عند اسرائيل

ينهار اسود طيب والالاف من الناس اللى ماتت دى ؟ لا دول ماتوا ضريبة الانتصار وكمان هما ناس من الشعب مش جنود عندنا فى الحركة

هههههههههههه شوفتى الاستهتار ( على فكرة دا كان تصريح من احد قادة حماش وانا مش بفترى على حد بانه قال الكلام دا علشان دا فعلا كان تصريح حمساوى )

بتقولى اللى عاشوا ستين سنة يحلموا بالوحدة . صح ؟

الله يرحمك يا سادات

الراجل كان هيجبلهم اراضيهم اللى اتاخدت فى 67

قالوا لآ دا السادات خاين ومصر خاينة وباعت القضية

عارفة هما دلوقتى بقالهم سنين ولسه كمان هيقعدوا سنين تانى يتفاوضوا على ايه ؟

بيتفاوضوا على حدود 67 ( ماهو الطمع قل ما جمع ) يعنى شوفى من كام سنة مرضيوش بالحدود دى ودلوقتى مش طايلينها

طبعا مش عايز اقول عليهم ميستاهلوش غير التراب !!!! لكن ما علينا

اقتباس :: ماننساش ان مصرهى المنفذ الوحيد ليهم حرام نقفل الباب الوحد المفتوح فى وشهم
امال مصريين ازاى وخير جنود الارض ازاى وايه هيكون الفرق اللى بينا وبين الصهاينة واحنا بنعتبر بنحط اخواتنا فى حصار مسدود وضغط اكبر تحت السفاحين
ايوة احنا عارفين اننا متضررين من مهربين الاسلحة وبتوع القاعدة يارب لا تخدهم لا تهديهم
نشدد الامن شويتين تلاتة نعمل كل الاحتياطات

لا مش حرام نقفله دا اولا

ثانيا احنا مش بنقفل المنفذ

لان يوميا مرضى و افراد فلسطينيين يمرون الى داخل مصر والى داخل غزة

واحنا طبعا خير جنود الارض لكن ايه علاقة دا بالمعبر

اقتباس :: مش نقفل باب مفتوح فى وش صرخة طفل بيستغيث بينا
ماتبقاش مصر قلعة العالم الاسلامى باكمله

مقفلناش المعبر فى وش حد محتاج العبور

لكن مش هنفتحه على البحرى ابدا

ومازالت مصر قلعة العالم الاسلامى وستبقى ودا مش منحة من حد دا حقنا بلا منازع

اقتباس :: وانا مع فضيلة الشيخ يوسف القرضاوى وهو بيتكلم باسم الدين ولا كلمة تعلو فوق كلمة الدين حتى ولو الرياسة العالم كله

هههههههههههههههههههههههههههههه

والله اول ما سمعت تصريح القرضاوى ضحكت اوى

مين القرضاوى غير واحد مطرود من البلد من زمان دا اولا

طيب ما انا نفسى ممكن اقول الجدار حرام والجدار حلال ( هو الكلام بفلوس يعنى)

طبعا الفتوى دى فتوى ساذجة للغاية وملهاش علاقة بالدين اساسا

او حتى ليها علاقة بالدين والقرضاوى متأكد انه حرام وايه المشكلة

واحنا ناخد برأى القرضاوى ليه ما احنا لينا دار للافتاء منسمعش لحد غير ليها

ثم ان ايه علاقة الجدار بالدين

على فكرة انا مش بحترم القرضاى دا نهائيا لانه كدة بيتاجر باسم الدين

دا حتى مقلناش ايه حيثيات فتوته دى

ولا صحيح هو دا يفهم الكلام دا ... بردو ما علينا

اقتباس :: واذا كنا قدمنا مساعدات فده مش فضول اخلاقى او اسانى لا ده واجب علينا كلنا مصريين عرب مسلمين

والله العظيم ما فى حد ساعد الوطن العربى كاملا زى مصر

والواجب دا المفروض يبقاله حدود بقى

اقتباس :: فاحنا مش حريين احنا مصريين والاهم مسلمين
واذا كان بعض الاخوة العرب حطين اديهم فى الماية الباردة ومش شايلين هم اخواتنا
فانا عن نفسى محبش ولا احب انى اتساوى بيهم

احنا مش زى حد وطول عمرنا مع القضية الفلسطينية وقضايا العالم العربى كله

حاجة اخيرة

الجدار دا معمول لحماية الحدود المصرية

الجدار معمول لمنع الافارقة من الهروب عبر حدودنا والتسلل الى اسرائيل

الجدار معمول لاهداف استراتيجية منها ان حماس واسرائيل نفسها عايزين اهل غزة يخرجوا من القطاع ويستعمرو ارض سيناء

ميرسى جدا جدا يا طارق على المناقشة واكيد استفدت
لكن بالنسبة للقرضاوىانا مش بحبه اوى لكن ليه بعض الفتاوى اللى بتعجبنى جدا
وكمان بيحاول بقدر المستطاع انه يجمع مابين الدين والعصر
وكمان هو من المفتيين اللى بيقولوا فتاوى وما بيهمهوش حد اقرأ عنه كويس
وكمان ليه شوية انتقادات للعالم العربى
وانا كشكل عام بحترمه
وانت شايف انى بتكلم من الناحية العاطفية
ليه ماتقولش من الناحية القومية
لان احنا اولا واخيرا مهما كانت حكم السياسيات بيربطنا صلات قوية مهما ضعفت
وبجد شكرا جدا

كلمة حق دون خوف Qq-249

http://ar.wikipedia.org/wiki/%D9%8A%D9%88%D8%B3%D9%81_%D8%A7%D9%84%D9%82%D8%B1%D8%B6%D8%A7%D9%88%D9%89