علمتنى الحياة ..!

■ علمتنى الحياة.. أن أتسابق الخير قبل الشر وأن أبدى آرائى فى بعض الظروف التى تستحق التضحية من أجلها!!

■ علمتنى الحياة.. أن أسعى دوما لزرع الابتسامة فى وجه الناس، لكى يذكرونى بعد رحيلى بكل الخير والمحبة!!

■ علمتنى الحياة.. أن الصداقة هى التى تدوم.. وأن الحب قد يزول خلال لحظات.. فأقدم الصداقة على الحب مهما كلفنى ذلك.. ولكنى دوما أعشق الحب فى رومانسيته!!

■ علمتنى الحياة.... أن توحيد الله هو نقطة البداية فى حياة المؤمن والمسلم، وأن التوحيد هو كذلك نقطة النهاية فى حياة المؤمن والمسلم!!

■ علمتنى الحياة.. أن بلسم الجراحات هو الإيمان بالقضاء والقدر..

■ علمتنى الحياة.. أن من حفظ الله حفظه الله ومن وقف عند أوامر الله بالامتثال ونواهيه بالاجتناب وحدوده بعدم التجاوز حفظه الله.

■ علمتنى الحياة.. أن الظلم مرتعه وخيم وأن الظلم يفضى إلى الندم وأن الله لا يغفل عما يعمل الظالمون لكن يؤخرهم ليوم تشخص فيه الأبصار!!

■ علمتنى الحياة.. أن من علامة حسن الأخلاق أن أكون فى بيتى أحسن الناس أخلاقاً وتعاملا مع زوجى وأولادى!!

■ علمتنى الحياة.. أن أكون قنوعة مع اعتزازى بنفسى وكرامتى.. وأحترم وأقدر جذورى وأعتز بها!!

■ علمتنى الحياة.. أن الحزن لا يدوم والفرح لا يدوم، الدنيا بين هذا وذاك!!

■ علمتنى الحياة.. أن أعطى طالما كان فى إمكانى ذلك ولا أنتظر المقابل لأن الله سيعطينى حتى أرضى!!

■ علمتنى الحياة.. أن أكون بئر أسرار لأصدقائى هذا يقربنا من بعض أكثر ويخلق حالة جميلة من الثقة المتبادلة!!

■ علمتنى الحياة.. أن أطالب بحقى إذا ما أخذ منى، وألا أطمع فى حق غيرى!!

■ علمتنى الحياة.. أن الطريق إلى قلوب الأطفال يبدأ بابتسامة صافية نابعة من القلب!!

■ علمتنى الحياة.. أن لسانى قد يكسبنى محبة كل العالم وقد يجعلنى منبوذا يكرهنى كل العالم وقديما قالوا لسانك حصانك!!

■ علمتنى الحياة.. أنه مهما تعالى وتكبر الإنسان على الناس، ففى النهاية سوف يكون تحت تراب قبره!!

■ علمتنى الحياة.. أن أهدى روح الحنان والعطف والدعم لكل شخص محتاج لها، مهما كانت الظروف، ومهما كانت الأسباب، حتى لو كان من أشد أعدائى!!

■ علمتنى الحياة.. أن أتسامح وأن أعفو عن الآخرين، وأن أترك الباب مواربا، وأن أغفر أخطاء الآخرين، حتى يغفروا خطئى إذا ما أخطأت، فيكون مبدأ الغفران شاملا!!

■ علمتنى الحياة.. أن مفتاح النفوس.. طيب كلمة.. وصدق حديث.. ونقاء سريرة.. وابتسامة مشرقة.. وجمال لقاء.. وسؤال يسير عن حال من لم يعهد منك السؤال وأن النفوس بهذه تفتح.. وهو ما لم تقدر على فتحه مئات الفلوس.. فالأول باق والآخر ماض!!

■ علمتنى الحياة.. ألا أحتقر أحداً.. مهما كان صغيراً فلربما أدركت منه حكمة لم أدركها طيلة حياتى!!

■ علمتنى الحياة.. أن الإعاقة هى إعاقة الضمير والفكر لا الجسد.. وأن الذاكرة السيئة هى التى تحفظ لك مساوئ زمنك فقط.. وأن الابتسامة الصادقة أجمل هدية يقدمها لى إنسان!!

■ علمتنى الحياة.. أن من ينقل لك حديث الناس فيك هو سرطان يقتل طيبة قلبك مع مرور الأيام!!

■ علمتنى الحياة.. أننى إذا كرهت شخصاً فعلى أن أعامله كإنسان!!

■ علمتنى الحياة.. أن الإرادة ليست فكرة فى ذاتها بل هى إنسان يتجسد على هذه الأرض ومن هنا يكون النجاح!!

■ علمتنى الحياة.. أن أتعامل مع أقرب المقربين بالشك مع نصف اليقين!!

منقول للأفادة ...

حلو قوى يا مصطفى

جميل اوى التوبيك
مليان حكم واخلاق وتواضع وايمان
لكن
علمتنى الحياة.. أن أتعامل مع أقرب المقربين بالشك مع نصف اليقين!!
مش مهضومة
بس بجد بجد افادكم الله فعلا يجنن

مرسي قوي يا مصطفي ..الموضوع راااااااااائع
تسلم ايدك حقيقي
اما بقي يانور مقولة"أن أتعامل مع أقرب المقربين بالشك مع نصف اليقين!!" فهو ده عين العقل ..بكرا الحياة تعلمهالك عملي هههههههه متستعجليش
وبعدين متنسيش اننا في النهاية بشر ..والنفس اماره بالسوء

ايوة
لكن مش مع اقرب المقربين امال فين الامان والامانة
ميرسى ليكى يا ريمة
وبجد يا مصطفى التوبيك تحفة تحفة تحفة

على فكرة انا مع ريم وبكرة والله تتعلمى يا نور

يا عم انت يالى عندك خبرة فى الحياة ههههههههههه

يا عم انت يالى عندك خبرة فى الحياة ههههههههههه
اوكى عايدة

طبعا يا بنتى انتى فاكرانا قليلين ولا اية هههههههههههههه

ميرسي بجد قوووووووووووووى ريم ونور وعايدة
بس أحب أقولك يا نور أن الخاطرة دى نصيحة حقيقية
ومش هقولك خبرة وكده بس صدقينى التجارب والمواقف بتجيب خبرة وأسألى اللافف
والدليل على ذلك أنك لو فرضتى الوحش وحصل ... مش هتصدمى أو هتتخدعى
لكن بقى لو فرضتى الكويس مع أصدقائك المقربين وحصل غدر أو خيانة لا قدر الله ..
وده اللى بيحصل كتير اليومين دول ... تخيلى منظرك هيبقى ايه وأثر الصدمة ممكن يعمل ايه فى حياتك !
بجد يا جماعة حاولوا متبقوش طيبين زيادة عن اللزوم خلي عندك مع صفة الطيبة صفة اللئم بمعنى أصح خلى عنك أنياب !!

ايه يا مصطفى انت بتهدىء النفوس ولا ايه انت بتحر ضنا على بعض
هههههههههههههههههههه
الموضوع مش انى اتخدع او ما تخدعش الموضوع ان احنا كدة بننفى وجود الامان او الاطمئنان او الامانة
ومع ذلك يا سيدى ممكن نقول يكون عندنا نوع من انواع الحرص اخلى بالى شوية
لكن مش اشكك حتى مع المقربين ويكون عندى لئم

ههههههههههههه
لالالالا والله مش بحرضكوا على بعض ولا حاجه خالص
بس خلاصة الكلام ده كله زى ما قلتى الحرص ضرورى جدا
وكمان حكاية اللئم دى مش قصدى معناها السلبى بالعكس
أنا قصدى أنك تكونى لماحه ذكيه تفهمى الحوارات بتاعت الصحاب
وربنا يخليلك أصحاب يا ست نور ومتحصلش مشاكل مابينكم أن شاء الله .. وشكرا على تفاعلكم البناء  

ميرسى انت يا مصطفى على الموضوع اللى كله حكم ومواعظ ده

ايه يا جماعة الشكر والمدح ده .. كده هتغر .. بهزر

أولاً / أنا مش السادات فى حكمته أو أسامه منير فى حل المشاكل
بس ع الأقل أنا والحمد لله عندى مواقف وتجارب فى حياتى بشكل عام
خلتنى أنمى شخصيتى وأكتسب خبرة وعقول الناس الكبيرة خاصة فوق الــ 40 سنه
اللى بقعد معاهم وأفهم الحياة وعقول الناس ........ والحمد لله دى نعمة من عند ربنا

ثانياً / حكاية أنك بتحبى حد قوى يا أنوس دى كويسه ولكن لازم تحكمى عليه كويس قوى
من تصرفاته ومواقفه وخوفه عليكى إذا كان بيحبك بجد أو بيتسلى بيكى أوبيكدب على نفسه
حتى لو واحده صحبتك بتحبيها أوى وهى نفس الكلام أعملى أى حاجه علشان خاطرها بس ..
خد بالك أنك زى مابتديها حب وحنان وخوف ولهفه و.... حاجات تانيه >> هل هى بتديكى نفس الحوار وبتبادلك نفس الشعور ........ ولا ؟!!!
والسؤال ده هتعرفى من أجابته سؤالك .. وبس

بس يارب أكون أديتك نصيحه كويسه وتيجى بفايدة
وعلى فكره فى 150 جنيه أستشارة أدفعيهم فى الخزنة بره

عندك حق اوك وانا عارفه اللى انت تقوله ده بس...
المشكله فى انى مش بعرف احدد اذا كان اللى هى بتعمله بجد ,يعنى هى فعلا من قلبها خايفه عليا ولا ده...... (على فكره انا كل الحاجات اللى حصلتلى كلها مع بنات لانى مش بعرف ولاد غير اللى ف المنتدى)
لانه برده فى عيب جامد اوى فيا وهو انه لو انا زعلانه من حد اوى وشفته وابتسم فى وشى هنسى كل حاجه عملها لى
وده انا اكتشفت انه عيب فى الزمن اللى احنا فيه ده
(بعيدا بقى عن الموضوع تماما انا فخوره جدا انى عندى صديق زيك وزميل كمان لما عرفت اننا دفعه واحده )
شكرا يامصطفى

ميرسي يا أنوس على متابعتك الرائعة للموضوع
وبجد ده شرف ليا أننا نبقى أصحاب وزمايل
وبالنسبة للفكه خلاص المسامح كريم لأنى كنت لسه بدور على فكه 8.5 ..هههههههه

ماشي يا باشا ونورتي التوبيك