تعرفوا حتى لو اليوم بقى الف ساعة برده قصير...
جربوا تغمضوا عنيكو و تسألوا نفسكو سؤال
هو ربنا ليه خلق الدنيا واسعة اوى كده؟؟؟؟؟؟؟
بلاد كتير
لغات كتير
افكار و ديانات
عادات و تقاليد مختلفة
عقول خلقت عالم جوه العالم اللى احنا عايشينو
ناس كل واحد فيهم عنده قدرات مدفونة ممكن يسيطر بيها على الدنيا
الدنيا اللى كلها اصلا اتخلقت علشانه
ليه كل ده؟
علشان نسيب كل ده؟
علشان نحبس نفسنا جوه دايرة اسمها احنا؟
أنا و بابا و ماما واخواتى و اصحابي؟
هى دى الحياة؟؟؟
طب و الباقى؟؟؟؟
بقيت العالم ده المفروض إننا نعمل بيه ايه؟
مهو لو ملهوش لازمة مكنش ربنا خلقهلنا
كان كفاية كل قاره تبقى كيلو و الا اتنين كيلو متر
و كان كفاية يعنى كوكب واحد
و السماوات ليه سبعة
هو احنا مستفدين غير من واحدة
و الحيوانات دى ليه كتير اوى كدة.؟؟؟؟
دحنا بكتير بنشوف منها القطة و الكلب بالصدفة فى الشوارع
و الزهور و الاشجار ليه الوانها دى اللى بتاخد العقل
دى بقت اخر حاجة ممكن حد عادى يفكر فيها انه يشترى وردة لحد بيحبه او يزرع شجرة قدام بيته
بصراحة أنا عقللى بيشت
كل مفكر لمجرد لحظة إنى الطبيعى دلوقت إن الانسان يعيش و يموت فى المكان اللى اتولد فيه
إن الطبيعى إنه ميسمعش و ميعرفش غير اللغة اللى اتربى عليها
إن الطبيعى إنه يكون كل طموحه فى الحياة إنه يشتغل شغلة حلوة ياخد منها قرشين مش عارف هو هيصرفهم على ايه
طب تخيلو لو الطبيعى إن الانسان بيتولد و مطلوب منه إنه يتعرف على اللغات اللى موجوده حوليه
إنه يعرف الشعوب و المجتمعات اللى حوليه
إنه يزور البلاد اللى حوليه
إنه يشوف ابداع ربنا فى المناظر الطبيعية اللى حوليه
إنه يراقب الكائنات اللى ربنا خلقهاله علشان تكون دليل على عظمته سبحانه و تعالى
تفتكروا لو كننا مطالبين بده كله
يبقى الحياة مش تبقى قصيرة قوى
و تبقى الدقيقة الوحدة ليها تمن
طب اسمعوا كده
(يا ايها الناس إنا خلقناكم من ذكر و انثى و جعلناكم شعوبا و قبائل لتعارفوا(
(قل سيروا فى الارض فانظروا (
(و فى خلقه افلا يتفكرون(
على فكرة مش بس المطلوب مننا إننا ناخد شهادة
احنا المطلوب مننا إن احنا نعرف بعض
و نلف العالم و نتعرف عليه
و نتأمل الطبيعة و نتمتع بيها
شوفوا ربنا عايزنا نعيش ازاى، و احنا معيشين نفسنا ازاى
طب بزمتكو مش احنا منستهلش فعلا الدنيا الواسعة دى
يبقى ربنا موسعها علينا اوى كده و احنا نضيقها علينا اوى كده
اقولكم
فعلا اهم حاجه فى الدنيا دى إنك تاخد شهادة تعلقها على الحيطة و تشتغل شغلة تاخد منها قرشين تفكر هتصرفهم على ايه
هى دى بالظبط الحياة
أأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأااه
عجبى
الجمعة مايو 01, 2009 3:01 pm
