أوعي تقول و أنا مالى...

فى حياتنا مشاكل كتيرة و ألام ناس ملهاش حد
لكن للأسف الناس مبتحسش ببعضها الا لو أصابها نفس المشكلة
كام واحد فينا متابع الاحداث اللى بتحصل حولينا
كام واحد فينا حاسس بالفلسطنين و معانتهم
كام واحد فينا بيزعل لما يسمع عن الازمة فى افغانستان
ليه نسينا ان العراق بتتقطع كل يوم
مين فينا يعرف ايه اللى وصلتله دارفور
مين مهتم بوضعنا مع جيراننا العرب
مين حاسس بالظلم اللى واقع على ايران
و الحصار النفسي اللى عملاه عليها امريكا
كل الناس دي مسلمين
يا تري احنا فعلا ملناش دعوه باللى بيحصلهم؟
لا
اوعي تقول و انا مالى
اضعف الايمان و اقل شي ممكن نعمله ان احنا نتكلم
و نحكي المعاناه دي لكل اللى نعرفه
لان اللحظة اللى هيموت فيها الكلام
هتموت فيها الحقيقة
تاريخنا هيموت داخل كتب محدش هيقراها
حقيقتنا اللى هيا وجدنا هينهار
مش هيفضل لينا غير صورة مشوهه
يمكن فى يوم نبص فى المرايا منعرفش احنا مين
فكر فى الكلام ده
و اوعي تقول و انا مالى

بس حتى لو اتكلمنا يا دكتر مين هيسمعنا حتى الكلام دلوقتى فايدته ايه مين بقه يحس من كلمه جارحه او حتى نظره شزراءلازم نحب بعض بجد ونحس ببعض بجد مش بالكلام بس بالفعل ونبقى ايد واحده مظنش ان العرب هيتقدمو اوالغرب هيقف عند حده وحنا واقفين كلنا متفرجين بس كل يوم كام واحد بيموت؟؟؟؟ بسبب الانفجارات الغربيه على البلاد العربيه او العرب انفسهم حتى العرب بيقتلو فى بعض بسبب فتنه طائفيه او غيره او غيره هنتقدم ازاى واحنا بنقطع فى بعض
هنقدر نواجه ظلمهم ازاى واحنا متفرقين متمزقين
ده ربنا بيقول(واعدو لهم ما استطعتم من قوه) هنهزمهم ازاى واحنا مش بنعد القوه دى علشان نحاربهم بيها لا ده علشان نحارب بيها بعض