ذكريات المدرسه

انا حبيت ان كل واحد فينا يتكلم عن الذكريات والقصص الجميله اللي كانت في المدسه بتاعته وايه المواقف الجميله اللي كانت بتحصل بين المدرس والطالب
وايه اكتر مدرس كنتوا بتحبوه في المدرسه
وايه اكتر الامنيات اللي كنتوا بتتمنوها وانتوا في المدرسه
وايه اكتر المواد اللي كنتوا بتتمتعوا بيها
وايه اكتر مجال كان نفسكوا تشتغلوا فيه لما تكبروا
وايه هي امتع الذكريات اللي كانت بينكوا وبين زمايلكم في المدرسه

وهل انتوا فعلا كنتوا مجتهدين في المدرسه ولا لا


والحقيقه اللي خلاني اكتب الموضوع ده النهارده اني شفت مدرس كان بيدينا في ثانوي بس كان مدرس رائع قدوه بجد

انا كنت بحب المدرسه جداجدا ومازلت لانها كان فيها اجمل ايام عمري لاننا كنا بنحب بعض بجد في المدرسه واجمل مافينا كانت البراءه وكنا بنهزر ونضحك ونلعب واكتر الامنيات اللي كنت بتمناها وانا في المدرسه وانا صغيره في ابتدائي اني اكبر وكان اكتر مجال نفسي اشتغل فيه كان مجال الهندسه لكني مدخلتش علمي والسبب في كده اني كنت خايفه مش عارفه ليه وطبعا لما كنا في المدرسه كنا دايما نهزر ونرش علي بعض مايه وكانت اكتر واحده بتحب ترش المايه هي تؤامي طبعا وكانت المواد في المدرسه سهله كنت بحبها اوووووي وكنت بذاكر بس مش عارفه ليه لما طلعت الجامعه مبقتش اذاكر بقيت فاشله في المذاكره وكانت احلي ماده بحبها وبستمتع بيها هي ماده الفرنساوي لان كان المدرس اللي بيدينا كان محببنا في الماده فعلا وكان مسمينا اسامي غريبه جدا منها يونس دي طبعا كانت تؤامي لانها كانت بتتكلم 100 كلمه في الدقيقه ومحو اميه دي كانت واحده صحبتنا لانها كانت بتتظاهر انها مش فاهمه حاجه وبتحب تهزر كتير جدا وكان في واحده صحبتنا المدرس كان مسميها فريز لانها كانت بتحمر زي الفراوله .

الحقيقة ايام المدرسة كانت من احلي ايام حياتي بس للاسف مكنش لية حظ في اختيار اصحابي لانهم كانو بيعتبروني عاقلة جدا وكانوا بيستغربو ازاي انا بكون صدقات مع المدرسات انا مكسبتش اصحاب من سني دائما اصحابي اكبر مني وغالبا بيبقوا المدرسين بتوعي انا لسة علاقتي بمدرسين ابتدائي واعدادي وثانوي مستمرة بكلمهم وبيكلموني وبزرهم وبيزوروني انا بعتبر نفسي محظوظة بيهم لانهم فعلا اصحابي بجد طبعا كان نفسي يكون ليا اصحاب في سني بس للاسف كلها فشلت ونفسي اعرف ايه السبب مع اني كنت بحبهم اوي وكنت بفضل مصلحتهم عن مصلحتي هو انا كده ابقي غلطانة

كنت شاطرة في المدرسه وكنت بذاكر

وكان نفسي اكون مترجمه او دكتوره في الجامعة

الحقيقة يا مني مش عارفه اعمل فيكي ايه وده لاني كنت ناوية اكتب موضوع زي ده كنت هسميه ذكريات الطفولة عن طفولتنا عموما ..عموما انتي عارفه طبعا ان ذكرياتي كتيرة في المدرسة وصعب احكيها كلها لان اللي يعرفني عارف طبعا قد ايه انا بحب الهزار واللعب وطبعا ممكن يتخيل ذكرياتي هتكون عاملة ازاي ..انا عن نفسي بحب قوي مرحلة ثانوي عام كانت مدرستنا بنات بس وكانت جديده حتي مكنش ليها اسم في الاول
واحنا كنا قليلين جداااااا والمدرسة كبيييييييييرة وده كان بينفعنا خصوصا في الفسحة مكنوش بيعرفوا يلقونا عشان الحصة الرابعة ..كانوا بيلفوا علينا المدرسة كلها يكونوا تعبوا هههههه
الاجمل بقي اني كنت امينة المدرسة يعني الكل في الكل محدش كان بيعملي حاجة ماانا الامينه بقي ..وكان دايما يحصلي مواقف كتيره مضحكه بسبب كده يعني اي مصيبه يجبوني ..اي حاجة يدوروا عليا
والحمد لله لسه علي علاقه باساتذتي ولسه بروح المدرسة واقعد معاهم وبيتصلوا بيا وبيعرفوا اخباري دايما
,وكمان كرموني بعد ما دخلت الجامعه واخدت شهاده اني الطالبه المثاليه وده لاني كنت اول امينه للمدرسة لاننا اول دفعه خرجنا منها
والذكريات كتيييييره ..كفايه عليكوا كده

ذكريات المدرسة من أروع الذكريات فى حياتى
ولكننى هختصرها فى عدة كلمات لأنها لا تعد ولا تحصى
إبتدائى مرحلة الطفولة والبراءة والتفوق والذكاء والحب الصادق
إعدادى مرحلة الفساد والنجاح والشطارة والنضوج والخروج للحياة والأيام الحلوة
ثانوى مرحلة حسم ونهاية الصراع والمذاكرة والخروجات والرحلات والكورة و......
بس بجد نفسي أرجع تانى صغير أعيش حياتى بدون قيود
أجرى وألعب وأنزل الشارع وأروح هنا وهنا و.......
بس الواحد وصل لمرحلة الجامعة يعنى النضوج العقلى والعلمى والعملى
وأنا عن نفسي لازم أخد بالى من تصرفاتى طول الوقت لأنى طالب جامعى

انا عايزة اقول ان احلى احلى و اجمل و امتع ايام عمرى ايام المدرسة بحبها بجنون
كنت فى تالتة ثانوى ماكنتش راضية ادخل الجامعة
و لحد النهاردة عايزة ارجع تانى
كنت بحب كل مدرسينى و مازلت و كمان بكلمهم و بسال عليهم كلهم
و خاصة مدرس math بتاع ثانوى عشان ابنه السنة دى فى تالتة ثانوى و خلاص داخل الجامعة اما النتيجة تظهر
و مش هو بس لا و مدرس chemistry and english رجال و سيدات

انا زعلانة انى سبت المدرسة
بس دخلت فى حاجة تانية انا بحبها و بموت فيها
اه ه ه ه ه ه ه ه ه ه ه رجعتونى للذى مضى

المدرسة!!!!!
كانت سنة خمسة ابتدائي نقلة فى حياتي
قبل كده كنت فى مدرسة لغات و مكنتش شطرة اوي كنت بذاكر المذاكرة العادية و فى يوم فى حصة قراءة كنت بقرا نص
و كان المستر واقف قدامي و مع كل غلطة كان بيضربني على ضهر ايدي و زمايلي كانو بيضحكوا عليا
من ساعتها قررت اني مضربش تاني
حولت من المدرسة اللغات لمدرسة خاصة لاننا عزلنا
و من ساعتها الحمد لله معرفتش يعني ايه فشل
كنت دايما اشطر واحدة فى الفصل و كان عيون الفصل كلها عليا
عن كل زمايلي يتمنوا يصحبوني
عشت فترة خمسة ابتدائي و اعدادي من اجمل الفترات و اشقي الفترات
كنت حاسة اني اسعد انسانة فى الدنيا
اما فترة ثنوي كانت منغلقة جدا لاني مكنتش باخد دروس
و المدرسة علشان حكومة مكنتش بقدر انسجم مع زمايلي
لاني اسلوبي مكنش مناسب ليهم
و هما كمان كانوا جايين معظمهم من مدارس اعدادي واحدة فكانوا اصحاب مع بعض
لكنها كانت فرصة كويسة اني قلاقي صاحب تاني هو الكتاب
كانت فرصة حلوة اوي اني ابتدي اقرا
فى الفترة دي دخلت الحياة العملية عن طريق قرايت قصص احسان عبد القدوس
و نجيب محفوظ و كتب انيس منصور
مش هبالغ لو قلتكم ان احسان عبد القدوس كان بمثابة ابويا
هاهاههاهاها
طبعا بكتباته لاني كنت بتعلم منه اكتر مبتعلم من اهلى
عشت معاه فى كتبه حكايات كتيرة و خرجت منها بمبادئ عايشة بيها لحد دلوقت
و دخلت الجامعة و رجعت لايام الشقاوة من تاني
عشتها بالطول و العرض
مذاكرة و نشاط فى اتحاد الطلبة
اصحاب و خروج
شغل و مناكفة مع اهلى
و حب كمان
بصراحة ابقي مفترية لو قلت اني معشتش سعيدة فى كل فتره من فترات حياتي الحمد لله
و دلوقت كمان
انا بعيش معاكم احلي فترات حياتي
ربنا يسعدكم دايما

ااااااااااااة فكرتينى بالذى مضى
ايام المدرسة هترجيعنى لاحلى اايام عمرى بجد
كنا اطفال مفيش فى دمغنا غير اللعب و بس
و لما دخلنا اعدادى و ثانوى احلام المراهقة بقى و دى احلى و احلى
و نقلد المدرسين و نهزر و نضحك و نعمل كل حاجة
اللللللله بجد كانت ايام صعب تتنسى
خصوصا لمتنا مع اصحبنا و الدروس مع بعض و كل حاجة
و الرحلات و السفر اةةةةةةةةةةةةةة
كفاية كدة بقى علشان هعيط
يلا كله يقول ذكريات المدرسة

ياه ايام المدرسه دى احلى ايام كنت بعمل كل اللى انا عايزاه
مكنتش شيله هم حاجه كانت حياتى المدرسه والواجب واللعب الغايت متعب وبعدين النوم
سوال ليه منفضلش صغيرين علطوووووولولما دخلت اعدادى كنت انا الرائده يعنى اى حاجه فى الفصل المدرسين
يكلفونى انا بيها وكنت علطول الحمد لله من الاوائل حتى البحث الوحيد اللى عملته فى اعدادىجبت الركز الاول فيه
على مستوى الجمهوريهبس لما دخلت ثانوى بقت كل خطوه بحساب
مش بالجبر بس انا اللى بقيت اعمل حساب لكل خطوه يعنى كنت حتى بكسف اهزر مع المدرسين
مش عارفه كنت حتى عندى قاعده ان المدرس اللى بيهزر مه تلاميذه بيفقداحترامهم ليه بس القاعده دى اتغيرت
لان الحياه بسيطه ليه نخليها كلها جد وكمان ليه نخليها كلها هزار لازم فى وقت الجد ابقى جد ووقت الهزار اهزر
بس لما دخلت الجامعه حياتى اتلخصت فى كلمتين من البيت للمدرج(مش للجامعه)ومن المدرج للبيت يعنى كانت مذاكره وبيت وبس معلش انا طولت عليكو