سلام
الحقيقة أنا مصدومة
تتصوروا إن الكاتب هشام محمد كاتب كتاب عن نابليون وواصف نابليون إنه كان
قصير و رفيع و اصلع و وشه مليان دمامل و ريحته وحشه لأنه مكنش بيستحمه
يععععععععععععععععععععععع
يعنى نابليون كان امبراطور معفن
الصدمة الحقيقية إن طول عمرى بتخيل نابليون ده جميل جمال ملوش مثال
بس تعرفوا بقى ايه الصدمة الاكبر؟؟؟؟؟
إنى اكتشفت حاجة مهمة جدا
إن كل انسان مننا عايش بموروث فكرى و ثقافى و عقائدى متخيل إن هو ده الحقيقة الكاملة
و إن اى حد مختلف معاه فى الرأى فيه حاجة غلط
بس الحقيقة إنه مع الايام بيكتشف إنه مش ضرورى يكون هو الصح
و الحقيقة دى مبيكتشفهاش الا الانسان اللى مش مغرور
و اللى عنده استعداد يكتشف الاخر و اللى يهمه فعلا الحقيقة مش إنه يحافظ على موروث ثقافى ميعرفش اصله ايه
يا جماعة
المعرفة ثم المعرفة ثم المعرفة ثم المعرفة....................
طبعا الموضوع مش إن نابليون كان معفن و الا لا
الموضوع اهم من كده بكتير
ده مجرد مثال
ازاى أنا كونت صورة وهمية عن نابليون من موروثى الثقافى
و ازاى مع الاطلاع اكتشفت إن الصورة دى ملهاش اساس من الصحة
الحمد لله إنها جت على قد كده
يا رب الموضوع ميبقاش اوسع من كده
و قدام شوية اكتشف إن فيه حجات كتير فهماها غلط
الإثنين أبريل 27, 2009 10:54 am
