كليه الأداب
اهلا وسهلا بك فى منتدى كلية الاداب




 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 غض بصرک یا خویا...

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبير









عدد الرسائل : 401
السٌّمعَة : 0
نقاط : 557
تاريخ التسجيل : 04/03/2009

مُساهمةموضوع: غض بصرک یا خویا...   السبت أبريل 25, 2009 3:04 am

و آنا طالبة كان ليه صديقة عزيزة و كانت مسيحية
البنت كانت جميلة و كان اي حاجة بتلبسها بتبقى تحفة عليها
و فى يوم واحد زميلنا قلها يا شيخه حرام عليكي اللى بتعمليه فينا ده
كان ردها طلقائي و زى العسل لما قلتله
ماتغض بصرك يا خويا....
lol!
الحقيقة أنا الموقف ده عمرى مبنساه عارفين ليه؟؟؟؟
لأن الشعب المصرى فيه عادة غربية قوى يا رب متكونش عندكم انتو
العاده دى هي إن المصريين دايما شاغلين نفسهم بغيرهم
أنا بتشل من الموضوع ده بصراحة
طول عمرى ليا اصحاب اجانب كتير
لما بخرج مع حد منهم بحس بالموضوع ده قوى
دايما بلاقى ودان مرمية معانا
و عيون متسمرة علينا و ده طبعا اضعف الايمان
لان فى احيان كتير بلاقى برشوتات هجمت علينا و اسئلة غريبة بقى من اللى قلبكو يحبها
إنتي مصرية.؟ طب انتى بتتكلمي بأي لغة؟ و مين اللى معاكى دول؟؟؟؟
ماذا تفعل لو كنت مكاني ايها الاخ الكريم lol! lol! lol! ؟
هو دى بقه طيبة و الا تخلف؟؟؟؟؟؟؟ و الله ماعرف
يا ريت على قد كده
أنا من عادتي انى بلبس شال على كتفى
لقيت وحده مرة فى المترو بتقولى على فكرة استخدمي الشال ده كايشارب و حطي الايشارب بداله هيبقى احلي
و اللى دايما بيحصل اوى بقى العيون اللى متسمرة على مفتاح الحياة اللى أنا لبساه
يعنى لازم كده كل يوم مرتين تلاته حد يسألني إنتى مسيحية؟؟؟
و افرضوا إني مسيحية يعنى ده يخصكوا انتو فى ايه؟؟؟
الحقيقة لو قعدت اوصفلكو مواقف التناحة اللى الواحد بيتعرضلها مش هنخلص
المشكلة الحقيقية إنى نفسى افهم أحنا بنجيب التصرفات دي منين
الغرب بيحرموا التصرفات دي على نفسهم و بيعتبروها ضد المدنية و التحضر و الانسانية كلها
بالنسبالهم إن حد يتدخل فى تصرفات غيره دي جريمة مش مجرد تخلف
و قبل اي حركات تمدن و تحضر ربنا أمرنا إن احنا نغض من ابصارنا
كتير من الناس بيفتكروا إن غض البصر هو إن الولد ميبصش على بنت او العكس
بس الحقيقة إن الموضع اعم و اشمل
غض البصر هنا يعنى كل واحد يبقى فى حاله يعنى احرتم خصوصيات الناس و متطفلش عليهم
و مفيش احسن من الحديث ده اختم بيه
من حسن اسلام المرء تركه مالا يعنيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زينب












انثى الابراج : الدلو الأبراج الصينية : الحصان
عدد الرسائل : 1008
العمر : 25
العمل/الترفيه : طالبة
السٌّمعَة : 0
نقاط : 1546
تاريخ التسجيل : 28/03/2009

مُساهمةموضوع: رد: غض بصرک یا خویا...   السبت أبريل 25, 2009 7:01 am

الله عليكي يادكتور عبير وعلي كلامك اصلي انا لما بتحكي قصادي اي موقف مايخصنيش بقول واحنا مالنا شاغلين نفسكم بالناس لية ماكل واحد يعمل الي عايزة بيبسولي باستغراب جدا وكاني بقولهم حاجة عيب مثلا والله لو كل وحد خلاة في نفسة البلد دي اكيد هتتغير I love you
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
adel ahmed









ذكر الابراج : العقرب الأبراج الصينية : القط
عدد الرسائل : 66
العمر : 41
السٌّمعَة : 0
نقاط : 113
تاريخ التسجيل : 15/04/2009

مُساهمةموضوع: رد: غض بصرک یا خویا...   الأحد أبريل 26, 2009 8:18 am

السلام عليكم
الموضوع فعلا جميل لكن حب الفضول أصبح من خصائص المصريين باعتبار ان إحنا شعب عشري وبنحن ان نكون عشريين لكن للأسف تحولنا إلى حشريين لازم نحشر أنوفنا في كل حاجة حتى لو حاجة إحنا نجهلها لكن إزاي أشوف حاجة وأنا مش عارفها من غير ما أقول رأيي أو تعليقي أحسن الناس تقول عليا جاهل ، يا خبر معقول أبقي جاهل أو حد يسألني سؤال وأنا ما أعرفش أرد طبعا لازم أفتي واللي يحصل يحصل أو حد يسألني عن عنوان أيا كان اللي بيسأل دا مصري ولا أجنبي والمشكلة إني برضه ما أعرفش العنوان دا بس لازم أدله حتى لو تاه بس ما أطلعش مش عارف ويا سلام لو اتكلمت مع الأجنبي دا كلمتين انجليزي عشان يعرف اني باعرف انجليزي وادله على عنوان غلط بس انا باتكلم انجليزي لبلب مع الأجانب.أنا كل دا ولسه بعيد عن غض البصر اللي هو مقدم على حفظ الفرج أو الاحتشام ولكن هاتناوله من منظور تاني بعدين لكن أنا حبيت أرصد ظاهرة متعلقة بحب البص على اللي حوالينا وحب الفتي من غير حجة او معرفة . الموضوع دا اللي ممكن نكون بنعمله بحسن نية أو بفهلوة وتكون عواقبه وخيمة زي مثلا ما أقول لحد على علاج ما ينفعش معاه والله أعلم بالعواقب أو فتوى دينية أخلي صاحبها يكون جاهل زيي او اضره بفتوتي. في عهد الرسول صلى الله عليه وسلم وأثناء إحدى الغزوات نام أحد الصحابة واستيقظ وكان يجب عليه أن يغتسل( يستحم) وكانت به إصابة في رأسه (به شج في رأسه) وكانت هذه الغزوة في الشتاء وكان الطقس باردا والمياه باردة. فسأل من معه فأجابوه بأنه يجب أن يستحم ولا يتمم يستحم بهذا الماء البارد في هذا الطقس البارد فاستمع الى فتواهم فمات متأثرا بذلك فلما عادوا من الغزوة عرف الرسول صلى الله عليم وسلم بهذه القصة فقال قتلوه قاتلهم الله. بفتوى عن غير علم فقد أحد الصحابة والمقاتلين حياته. فما بالكم بفتوانا نحن؟؟؟؟؟؟؟؟؟ وشكرا. عادل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
إسراء فؤاد




مشرفة مكتبة المنتدى








انثى الابراج : العذراء الأبراج الصينية : النمر
عدد الرسائل : 425
العمر : 30
السٌّمعَة : 0
نقاط : 576
تاريخ التسجيل : 14/03/2009

مُساهمةموضوع: رد: غض بصرک یا خویا...   الأحد أبريل 26, 2009 11:21 am

فعلا دی صفه اصبحت موجوده فی الشعب المصری
شعب فضولی اوووووووووووووووی .
وده مش کلامی لوحدی ده کلام الاخرین کمان , اعرف واحده ایرانیه عایشه فی مصر کانت کاتبه موضوع فی الوبلاگ بتاعها عن موقف حصلها فی مصر بسبب الفضول ومسمیاه (فضولی مصری)......... ما علینا
لکن موضوع مفتاح الحیاة اللی بیفتکروه صلیب , وایه یعنی لما یکون صلیب كل واحد حر في دينه يا أخي , وکمان معلش ده اسمه جهههههههههههههههل
ازای یا جماعه منعرفش مفتاح الحیاة بتاع قدمائنا المصرین ، دی مصیبه
لیه الشعب ده ابتعد عن تاریخه ؛ لیه مش متمسک بهویته
نفسی نبطل اللی احنا فیه ده ونعرف جذورنا قبل فوات الاوان
المصریین مش عرب , اللی میعرفش کده یقرأ تاریخه کویس , ویعرف مین هما العرب اللی فرحنین بیهم وبنتشبه بیهم .
لدرجة اننا حتی نسینا شکل مفتاح الحیاة !!!!!!!!!!!!!!!
تبقی دی ناس تستاهل الحیاة؟؟؟؟؟؟؟؟؟؟؟؟؟؟؟؟؟؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mai osama









انثى الابراج : السمك الأبراج الصينية : الماعز
عدد الرسائل : 35
العمر : 25
السٌّمعَة : 0
نقاط : 31
تاريخ التسجيل : 09/04/2009

مُساهمةموضوع: رد: غض بصرک یا خویا...   الإثنين أبريل 27, 2009 8:28 am

موضوع جميل جدا يا دكتور عبير
فعلا ده بقى شئ يخنق الناس بقت بتتدخل فى حياة غيرهم بطريقه غير طبيعيه مثلا موضوع اللبس بالنسبه للبنات البنت تلبس ضيق وقصير ميسبوهاش فى حالها تيجى تلبس طويل وواسع ومحتشم مفيش فايده برضه مش عارفه ايه اللى ممكن نعمله علشان محدش يفتح بقه انا بالنسبه للموضوع ده وصلت لحل واحد انى البس اللى يعجبنى انا واللى يريحنى انا واللى عايز يتكلم يتكلم طالما الناس كده هتتكلم وكده هتتكلم
اما بالنسبه بقى لمفتاح الحياه بتاع حضرتك يا دكتور عبير ده دليل على ذكاء الشعب المصرى منين حضرتك مسيحيه ومنين محجبه ؟؟؟؟؟ افهمها دى بقى lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
غض بصرک یا خویا...
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كليه الأداب :: قسم جوان هاى فردا (شباب الغد)-
انتقل الى: