هههههههههه ..معقولة يا كاسو ..ميصحش برضوا ..ده حتي طباخ السم بيدوقه
كويس والله انك فكرتني اكتب رأيي هههههههه كل ما افتكر اكتبه انسي تاني ..خايفه بعد كده لانسي اسمي ههههههه
بص يا سيدي رأيي
ممكن اقبل الزواج بشاب اصغر مني بس الفرق ميكنش كبير يعني ممكن سنه..الا اني مش بفضل ده لان زي زينب مقالت بحس ان البنات بتكون اعقل من الشباب فبتكون محتاجة لشخص اكبر عشان يكون فيه توافق في التفكير
اقبل ارتبط بحد علي مذهب مختلف زی التشیع خصوصا لاني اعرف كتير عن التشيع ومش شايفه انه ممكن يبقي ازمة ..بس مستحيل اقبل انه يكون علي دين مختلف طبعا
اها اقبل الزواج من اجنبي بس مش اي دولة ..المهم اني اكون فاهمه كوويس قوي تقاليد الدولة دي او فاهمه تكوين الشخصية دي ..وكمان اللغة لازم اكون اعرف اللغة كويس قوي عشان اقدر افهم الانسان ده كويس
وكمان مش هاقبل لمجرد انه اجنبي او اني عايزه اتجوز اجنبي وخلاص ..لا انا هقبل لو انا قابلت حد وحصل تفاهم بينا وانا اعجبت بشخصيته وحسيت انه اد المسئولية فعلا .. يعني المهم الانسان مش الجنسية ...وده مش معناه اني بدور علي اجنبي ههههههههههه هاقبل لو قابلت حد فعلا كويس ويكون فيه الامور اللي انا عايزاها سواء في مصري او غير مصري يعني مش هتنازل عن مبادئ ليا او اسس انا حطاها في اختيار الزوج عشان هو اجنبي
الزواج من مطلق او ارمل ليه ناس مناسبة يعني يكون في نفس ظروفه ...مع ذلک ممكن افكر لو اتقدملي حد مطلق ممكن ..ده برضوا علي حسب الانسان واسباب الطلاق وهحاول اقابل طليقته واعرف منها اسباب الطلاق
وده كله متوقف علي شخصية الانسان نفسه وعلي السن انه يكون قريب طبعا من سني....الا اني لا افضل الزواج ده ..بس ممكن افكر علي حسب حالة المريض "قصدي حالة المتقدم"
ممكن اقبل الزواج من رجل سبق له الانجاب واربي اولاده " بكتير طفل مش هفتح حضانه انا " بس اذا كان سنه قريب من سني وفي حالة واحدة بس ان زوجته تكون متوفية ....وده برضوا علي حسب شخصية الانسان ده هل هو يستحق ده ولا لا ..اما بالنسبة للطفل فلو الطفل حس بحنية معتقدش انه هيكره الام الجديدة وفي حالات كتير قوي الام الجديدة ربت وكبرت والاولاد بيحبوا الام الجديدة او زوجة الاب كانها والدتهم
الزوجة التانية .... الموضوع ده يااما فكرت فيه ..في الاول كنت بقول مستحيل
بس رجعت افكر تاني ..طب لو واحد اتجوز وزوجته اصيبت بمرض شديد يعني مش بتقدر تقوم بواجباتها وهو مثلا شاب وكويس جدا يعني شخصيته كويسه قوي ده هيكون مصيره ايه ؟؟؟
او واحد زوجته مش بتنجب وهو برضوا شاب ومحترم
فكرت ان ممكن اقبل بس في الحالتين دول ...بس بموافقة الزوجة الاولي وبشرط انه يعدل يعني انا لو في الموقف ده عمري مهحاول انه يهملها او يهدر حقوقها او يطلقها
اما بقي زوجة تانية لان البيه عايز ينوع وعينه فارغه فطبعا لا
لا مقبلش اتجوز حد اكبر مني في سن والدي لان ده هيكون مستحيل
اولا فرق عمر كبير جدااااااااااااااااا ..فرق في التفكير ..فرق في الشخصية ..هو من جيل وانا من جيل..هو اتربي في زمن غير الزمن اللي احنا نشئنا فيه..غير انه دايما هيعاملني علي اني بنته ..طفلة هيخاف عليا من اي واحد
ممكن يشك في اي حد ..هيشك فيا لو شافني بتكلم مع اي شاب ..ممكن لانه هيعتقد اني مش راضية بيه واني هدور علي شاب
وحجات كتير قووووووووووووووي
اما بقي اسباب التحرش فهي بالتاكيد البعد عن الله سبحانه وتعالي
وثانيا الانحلال اللي بنشوفه في التليفزيون اللي بيكون سبب في تحريك رغبات الشباب بالاضافة انه مش قادر يتجوز
ثالثا الجرأة الشديدة للبنات حاليا ..يعني الجرأة في اللبس ..في الكلام مع الشباب ..في بنات بتتعمد تدلع مع
الشباب ..وفيه بنات معندهاش حدود في الكلام ..ده غير اللبس الفظيييييييييع والحاجات الغريبة اللي انا نفسي كبنت بتلفت نظري لما بشوفها فمابالك بالشاب ؟؟؟
وكمان الشاب عليه مسئولية وهو انه سايب نفسه يبص لدي ولدي مبقاش في حد بيغض بصره الا قليلين قوي يعني المفروض يحاول يغض بصره ..غير ان الشباب بيشجعوا البنات علي كده لما البنت بتلبس كده او بتتصرف تصرف غير لائق وبتلاقي انها موضع اهتمام من الشباب بتفرح وتحس انها صح وملكة جمال وانها احسن بنت اما لو الشاب حسس البنت اللي بتتصرف كده انها ولا حاجة وان اللي بتعمله ده مش كويس ومش صح ..اعتقد انها هتتكسف من نفسها ..لكن السائد بين الشباب انهم يقوله هي اللي عايزه كده ..اعملها ايه
اما الحلول بقي .. ان الناس ترجع لربنا
والاهالي يتقوا ربنا في بناتهم واولادهم ..يعني يصاحبوا بناتهم واولادهم ..يفهموهم
واذا تطلب الامر الشدة ..يشدوا عليهم طالما في صالحهم
يعني انا بستغرب قوي من البنات اللي بتكون ماشية وهي کآنها مش لابسه حاجه وتبقي لابسه ايشارب وايه هي كده محجبة ..بستغرب وهي خارجة من بيتها اهلها شوفها ومتكلموش ازاي ..يعني الاب محسش بغيره علي بنته وهي بالمنظر ده
ولا الام ازاي تقبل ده ...اوقات كتير بشوف حاجات غررررررررريبه جدا ..مثلا شفت ام ماشية محجبة ومحتشمة وبنتها جنبها لابسه بادي كت وبنطلون برمودا وبشعرها وطبعا اللبس ضيق جدا وماشية في الشارع اقسم بالله ما في راجل كان واقف الا بص عليها ..الصراحة انا كمان بصيت وبصيت للام ..كان نفسي اعرف احساسها ايه دلوقتي ..كنت عايزه اقولها انتي كده يعني فرحانه ببنتك ؟؟؟
ومرة وانا رايحة الجامعة ركبت واحدة منتقبة ومعاها بنتها وماشاء الله بنتها كانت لابسه بدي ضيق وبنطلون برضوا ضيق ولابسه طرحه صغیره ..وطبعا وهي بتركب جسمها بان من البدي وكان فيه شباب قاعدين وراها كلهم ضحكوا وبصوا لبعض وبداوا يغمزوا البعض ..راحت الام مزعقه للشباب ..طبعا فضلوا يضحكوا وقالولها بدل ما تزعقي لبسي بنتك زيك ..طبعا انا كنت مكسوفالها قووووووووووي
وكمان الشباب لو حس ان فيه بنت بتدلع او بتتصرف عشان تلفت او كانت جريئة معاه وكسفها افتكر انهم هيحسوا شوية
واكيد الاعلام والصحافة لو بقي في رقابة علي المشاهد واللبس الجرئ ..اكيد الوضع هيختلف
اما بقي العنوسة ..فالمسئولية اولا علي البنات انهم ميتشددوش في اختيار شريك حياتهم ويكون اهم شرط هو الاخلاق والشخصية والتوافق طبعا مش الفلوس والشقة والمظاهر ..وكمان الاهل المطالب الكتيره اللي بطلبوها وانها فعلا مستنية اللي هيامنلها مستقبلها ..وانها عايزه واحد كامل من كله
حل مشكلة البطالة ..كمان اي واحد وليه جار مثلا شاب ولسه في بداية طريقة وهو عنده القدرة علي مساعدته يحاول يساعده بانه يبدا حياته
يعني مش لازم دايما نطالب رجال الاعمال بده ممكن مساعدة الشباب تكون علي النطاق الضيق ..يعني الجيران ..الاقارب ..طبعا والد البنت كمان يساعد الشاب لو يقدر ..وهكذا
عایزه اقول کلمه اخیره وهی اننا حطینا قوانین ورفضنا امور ربنا حللها واعتقد ان ده اتسبب فی مشکلات کتیره احنا بنعانی منها حالیا ... یعنی علی الاقل بنرفض من غیر اسباب او من غیر ما نفکر وممکن تختلف الظروف ویکون مفیش سبب حقیقی للرفض بس بنرفض للشکل العام .. لازم تعید ترتیب امورنا ونعید النظر فی افکارنا واعتقادتنا اللی نشاءنا علیها جایز تکون خطأ
الأحد أغسطس 09, 2009 8:30 pm
