عاندي فكرة بسيطة يا ريت كلنا نشارك فيها
الحقيقة أنا واحدة من الناس بتخم جدا فى الاسعار
يعني مرة كنت نازلة أشتري شنطة سفر و كان معايا واحدة صحبتي
وقفت قدام واحد و عجبتني شنطة صغيرة سأله على السعر قالى 150 جنية
أنا بصراحة كنت هدفع
لقيت صحبتي قامت عليه و قلتله أيه؟
دي متسويش أكتر من ستين جنية
طبعا أنا صعقت و قلتلها فى ودنا أنتي مجنونه؟
الواحد يوم ميفاصل يفاصل فى عشرة أو عشرين جنيه
الاغرب بقي إن بعد مباحثات كتير و شد و جزب بينهم
وافق على الستين جنيه
هاههاهاههاهها
من هنا جتلى الفكرة و هي إننا نحاول نوعي بعض بالاسعار لان ده مهم جدا فى حياتنا و خصوصا فى الايام دي
يعني أي حد مهتم بسلعة معينة و بينزل بتفرج فى الاسواق يبقي ينزلنا فى المنتدي الاسعار اللى شافها
و يا ريت لو قدر ينزل صورة المنتج
من ناحية هنعرف كلنا اخر الاسعار
و من ناحية تانية لو حد شاف اسعار أفضل فى مكان تاني ينبه عليها
يا رب تكون فكرة ظريفة و نقدر من خلالها نساعد بعض
الجمعة أغسطس 14, 2009 1:34 am
