سلام جوانهاى فردا
طبعا كلنا عارفين ان العام الدراسى اقترب بشدة
و ما شاء الله كلنا باذن الله رايحين سنة تانية
لكن فى طلاب جدد لسه سنة اولى اول مرة كلية يعنى
و مين فينا مايفتكرش هو كان لايص ازاى فى بداية السنة
و مش عارف اى حاجة و بيعود يسال ده شوية و ده شوية
وفى ناس بتديله فكرة غلط خالص
من هنا هيجى دورنا بالنسبة للموضوع ده
هنعمل ايه؟ طبعا يا شباب و يا فتيات كلنا عارفين ان الدكاترة ما بيدخلوش اول اسبوع
دورنا هنا احنا اللى هندخل بدل الدكتور
نعرف الطلاب على القسم و اهميته
نعرفه هيدرس ايه فى هذه السنة
نعرفه شعب القسم (امم اسلامية , امم سامية
ندلهم فكرة بسيطة و سهلة عن نظام السنة الاولى و نظام القسم
و ده عشان نوفر عليهم الوقت و المجهود اللى هيبذلوه فى الموضوع ده
و طبعا هنقولهم على المنتدى بتاعنا الرائع ده عشان يشركونا
و كمان هنكون جاهزين لاى رد على اى سؤال
باعتبار ان احنا اكبر سنا و دراسيا
الموضوع ده مش هينحصر على كده و بس لأ ... ده كمان اثناء
عملية التنسيق نكون موجودين فى الكلية عشان الاستفسارات الخاصة بالاقسام و شغلها
على فكرة انا عن نفسى بعمل كده دلوقت
طبعا احنا هنكون طلاب قسم الفارسى هنختار منا حد يتكلم عن تجربته مع اللغات الجديد و ليه عاوز يدخل القسم ده و ده ايضا يطبق على اللى داخلين عبرى نختار حد من زملائنا المتفوقين عشان يادى نفس المهمة ايضا
هنكلمهم عن كل حاجة و نساعد اللى عايز مساعدة فى الدراسة كمان
اتمنى ان الفكرة تعجبكم و عايزة ارائكم فيها عشان نجهز نفسنا و نبتدى مع بداية العم الدراسى ان شاء الرحمن عز و جل
معذرت ميكنم انى طولت عليكم
الإثنين أغسطس 10, 2009 4:17 pm
