فاكرين أغانى رمضان

أنا بقا هفكركوا بأغانى وذكريات رمضان أعظم شهور السنة
ياااااااااااه كانت أيام جامدة الفوانيس والصواريخ والبمب
وساعة الفطار وبكار و......
أنا هسيبكوا تسمعوا الأغانى بس ليا طلب عندكوا
ياريت كل واحد يحكيلنا عن مواقف وذكريات رمضان
أسيبكوا مع السايت http://rapidshare.com/files/263340267/r.CoM_-DJ_PePsI_-_MeGa_MiX_RaMaDaN_SoNg_2009.mp3

رمضان كريم

الله يا مصطفي ..فكرتني بايام جميلة ..للاسف رمضان مبقاش ليه طعم قوي زي زمان ..يعني زمان وانا صغيرة كان ليه طعم تاني خاااااااااالص .. كنا انا واخويا وكل الاطفال جيرنا كنا في سن واحد تقريبا يعني الفروق بسيطه بينا ولكنا في مدرسة واحدة ..كان الشباب بقي اخواتنا يعني كان كل بنت ليها اخ اكبر شويه منها ..هما يعملوا الزينه ويعلقوها واحنا بعقد نتفرج عليهم في امان وهما حوالينا ونلعب بالفوانيس ..كنا بنحس بالامان ونفضل نلعب بالليل وهما يلعبوا كوره وكده
وقبل الفطار نكلم بعض ونتقابل اللي رايح يشتري حاجة اللي بيجيب كنافه واللي بيجيب عصير
للاسف الناس اتغيرت والزمن اتغير ومبقاش فيه امان زي زمان رغم ان زمان ده كانت اكتوبر فاااااضية خالص .غير دلوقتي ورغم كده كنا بنحس بالامان ..لان الناس هي اللي كانت حلوه كل الاسر دي كانت تعرف بعض وفيه ود وكانوا بيبقوا سوا مع بعض في كل حاجة
ياخسارة كله بيتغير

الله يا مصطفي فكرتني بالزمن الجميل مرسي اوي
الاغاني دي بتفكرني بكل حاجه جميلة في الشهر ده
بس باختصار بالنسبه ليا الشهر ده كان احلي شهور السنه في البيت وساعت الفطار وانا صغيره كنت بتفرج علي سلاحف النينجا واللمه الجميله ولما اكون راجعه من الدرس والمغرب بتقول الله واكبر وموائد الرحمن شكلها تحفه بس للأسف دلوقتي مبقاش له طعم زي زمان
مش عارفه والله يا مصطفي هل الزمن فعلا اتغير؟
ولا احنا اللي اتغيرنا ومسؤوليتنا كبرت اوي

ميرسي جدااا ريم وإسراء على الردود الجامدة دى
بس أحب أقولكوا أن الزمان مش بيتغير للأسف أحنا اللى أتغيرنا
والناس بقت همومها كتيييرة وإذا كنا كبرنا شويتين وبقا عندنا بعض المسؤليات
ولكن ده ميمنعش أننا نحس بالأمان والسكينة والفرحة الجميلة وبركة رمضان الشهر الكريم
بس للأسف الشهر الكريم ده مبقاش فيه بركة زى زمان ولا حتى لمة العزومات والعيلة حتى لعب الكورة
الناس أتغيرت بجد ومبقوش طايقين بعض ولا بيكلفوا نفسهم علشان يعيدوا على بعض ويفرحوا سوا ويعملوا عزومات زى زمان
ااااااه على رأيك يا ست أم كلثوم قول للزمان أرجع يا زمان

اولا مرسى جدا على الاغانى بجد حلوا اوى

ثانيا انا عايزة اقولك انى كنت بجد بجد بعشق ايام رمضان

بس صراحة بتاعت زمان دلوقتى موش عارفة مبئاش زى زمان

يمكن عشان كبرنا يمكن عشان الناس مبئتش زى الاول موش عارفة صراحة

بس ياااااا على دى ايام

كان لازم يكون اول يوم عند ماما الحاجة الى هيا تيتا يعنى

واحنا الاطفال كان لينا مكان كدا بنكول فى لوحدنا

وكنا لما نخلص الفطار ننزل جارى نجيب البمب والصواريخ

يااااااااا بجد كانت ايام جميلة اوى اوى

مرسى بجد انك فكرتنى بالايام دى