كليه الأداب
اهلا وسهلا بك فى منتدى كلية الاداب
كليه الأداب
اهلا وسهلا بك فى منتدى كلية الاداب
كليه الأداب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.




 
الرئيسيةأحدث الصورالتسجيلدخول

 

 ذكرياتنا في رمضان ............

اذهب الى الأسفل 
2 مشترك
كاتب الموضوعرسالة
sasooooo

sasooooo


مشرفة قسم الشعر والخواطر

ذكرياتنا في رمضان ............ 15




انثى الابراج : الميزان الأبراج الصينية : الماعز
عدد الرسائل : 280
العمر : 32
السٌّمعَة : 4
نقاط : 416
تاريخ التسجيل : 25/07/2009

ذكرياتنا في رمضان ............ Empty
مُساهمةموضوع: ذكرياتنا في رمضان ............   ذكرياتنا في رمضان ............ I_icon_minitimeالثلاثاء أغسطس 18, 2009 6:40 am

كل عام وأنتم من الله اقرب

بمناسبة حلول هذا الشهر الكريم ضيفاً غالياً علينا
حبيت أني أسترجع معكم ذكرياتنا أيام رمضان وطفولتنا معاه

ياريت نسترجع الايام دي من خلال شوية أسئله اعتبروها دردشه
نفتكر بيها ايامنا مع رمضان

اتمني الاقي مشاركتكوا وردودكوا واي حاجه تيجي فبالكوا عن رمضان

مثلاً:

متى اول مره صمت/ي؟؟ كم كان عمرك وقتها؟؟

اطرف المواقف فرمضان؟؟


*للبنات امتى أول مره طبختي في رمضان ؟؟

*أفضل وجبه عندك على السفره الرمضانيه ؟؟

*بتتسحروا ايه فرمضان ؟؟


مستنياكواااااااااااا
Very Happy
الرجوع الى أعلى الصفحة اذهب الى الأسفل
Reem abu elkhir

Reem abu elkhir


ذكرياتنا في رمضان ............ 081229103828B6Km

انثى الابراج : السمك الأبراج الصينية : القط
عدد الرسائل : 836
العمر : 37
السٌّمعَة : 0
نقاط : 1377
تاريخ التسجيل : 18/03/2009

ذكرياتنا في رمضان ............ Empty
مُساهمةموضوع: رد: ذكرياتنا في رمضان ............   ذكرياتنا في رمضان ............ I_icon_minitimeالأربعاء أغسطس 19, 2009 7:14 am

الموضوع جميل يا ساسو ..وكل سنةوانتي طيبة
اما بقي اول مرة صمت فيها الحقيقة مش فاكرة بالظبط بس انا اتعودت علي الصيام من وانا صغيرة يعني تقريبا بدأت الصوم وانا في ابتدائي في الأول كنت بصوم صوم رأس العصفورة ههههههههه "ده موجود في ايران لتعويد الاطفال علي الصوم بيجي الطفل عند الضهر ياكل حاجه خفيفه عشان يقدر يكمل لحد المغرب"اما بقي صيامي مش بالضبط كده يعني كنت بفطر في الضهر او العصر ههههههههه كنت بصوم نص يوم يعني
بس اللي متاكدة منه اني في خامسة ابتدائي كنت بصوم اليوم كامل وكمان لبست الحجاب برغبتي من غير اي ضغط في البيت حتي بابا وماما حذروني اني لو لبسته مش هاقلعه والحمد لله ده حصل
اما بقي اطرف المواقف اللي دايما بتحصلي في رمضان كتير من وانا صغيرة لحد مكبرت اني اوقات كتير بنسي اني صايمة وممكن اشرب او اكل حاجة وانا ناسية تماااااااااااما وفجاه افتكر اما بعد ماكون شبعت هههههههههه او اكون شربت كتير وبعدين افتكر وافضل اضحك ويضحكوا عليا ..من المواقف دي كنت مرة مع والدي بزور عمة والدي وكنت صغيرة تقريبا كنت في اول الاعدادي او في خامسة مش فاكرة بالظبط وهو عشان عجوزه قوي ومريضة مكنتش صايمة وافتكرت اني عشان صغيرة اني مش بصوم فخلت بنتها عملتلي عصير فراولة "بيني وبينكوا انا بحب الفراولة " والاجمل كمان اني بابا كمان نسي وانا كنت مكسوفه اشرب عادي يعني مؤدبة بقي ههههههههه ونسيت اني صايمة وبابا كمان نسي وفضل يقولي خدي واشربي وهو نااااسي طبعا عيني كانت فيه شربته ههههههههههه بعد مخلصت وبيقولوا انتوا تفطروا معانا النهاردة وهما بيحضروا الفطار طبعا بابا فضل يضحك وافتكر وانا تنحت وفضلنا نضحككك وجدتي كمان فضلت تضحك وقالتلي ان ده مش حرام وانی اکمل صیامی عادی لانی كنت ناسية وكلنا نسينا
الموقف التاني بقی وانا كبيرة وكنت راجعة من الجامعة وهموووووووووت من العطش ولاني متعودة اني بدخل جري علي التلاجة اشرب ..عملت كده ولاني بحب المية جدا بشرب كميات رهيبة ..رحت داخلة ومسكت ازازة لتر هههههههههه وشربت تقريبا نصها او بعد النص وبقفل التلاجة لقيت ماما بتبصلي ايه ده قالتلي انتي مش صايمة قلتلها اها بثقة قوي بصلتي كده وانا طبعا فهمت فضلت ااااااااااضحك وكنت ناسية خااااااااااااااالص ..وبكمل اليوم صيام لاني اعرف ان كده مبقاش فاطرة لاني كنت ناسية
بس المواقف دي غالبا بتحصلي في اول رمضان
اما الطبخ مش فاكرة بالظبط كالعادة لاني متعودة اقف في المطبخ اساعد يعني اعمل اي حاجة ممكن اطبخ حاجة اعمل سلطة خشاف يعني انا ونصيبي كده
بس واضح ان اول يوم رمضان ده انا اللي هطبخ فيه لوحدي لان ماما مازالت تعبانه ..ربنا يشفيها
افضل وجبة بقي بفرح كده لما بشوفها محشي ورق العنب حتي لما بنعمله في الايام العاديه بحس كاني في رمضان معرفش ليه وكمان الرقاق باللحمة المفرومه " اكيد جعتي يا ساسو " Wink
بتسحر ايه ..ميه هههههههههههه انا مش بحب اتسحر من وانا صغيرة ودايما بتهزأ بسبب الموضوع ده طبعا من بابا وسعات كتير كان بيدخل يجرني من السرير بالعافية ..ودايما يقولي السحور سنه عن الرسول وان فی السحور برکه قومي كلي اي حاجة او حتي اشربي مايه طبعا بشرب ميه واقوم اجري ههههههههههه
كل سنة وانتوا طيبين Smile
الرجوع الى أعلى الصفحة اذهب الى الأسفل
sasooooo

sasooooo


مشرفة قسم الشعر والخواطر

ذكرياتنا في رمضان ............ 15




انثى الابراج : الميزان الأبراج الصينية : الماعز
عدد الرسائل : 280
العمر : 32
السٌّمعَة : 4
نقاط : 416
تاريخ التسجيل : 25/07/2009

ذكرياتنا في رمضان ............ Empty
مُساهمةموضوع: رد: ذكرياتنا في رمضان ............   ذكرياتنا في رمضان ............ I_icon_minitimeالثلاثاء أغسطس 25, 2009 12:47 pm

ميرسي اوي علي ردك ومرورك يا ريم Very Happy Very Happy Very Happy

ومستنيه رد بقيه الاعضاء Very Happy
الرجوع الى أعلى الصفحة اذهب الى الأسفل
 
ذكرياتنا في رمضان ............
الرجوع الى أعلى الصفحة 
صفحة 1 من اصل 1
 مواضيع مماثلة
-
» استايل رمضان
» فاكرين أغانى رمضان
» أشعار عن رمضان
» رمضان فی ایران
» جدول رمضان

صلاحيات هذا المنتدى:لاتستطيع الرد على المواضيع في هذا المنتدى
كليه الأداب :: المنتدى العام-
انتقل الى: