من لديه رغبة فى الاشراف فليتفضل

ياريت يا جماعة اى حد شايف انه عنده القدرة انه يشرف على قسم معين يقولى وانا اعينه بس يختار قسم يكون حابه ويقدر يشرف عليه ولو القسم اللى عاوز يشرف عليه مش موجود يقولى وانا اعمله

ايه رايك يا ملك لو يبقي الموضوع ده بالترشيح ..يعني اعضاء المنتدي يدخلوا ويختاروا مشرف لكل قسم بالترشيح ؟؟ والاختيار ده هيكون مثلا علي اساس الخبرة او الموضوعات اللي كتبها العضو واللي بتوضح انه جدير يبقي المشرف علي القسم ده
يعني مثلا ..نبدا بقسم كل مرة والاعضاء يرشحوا عضو يبقي المشرف ..عشان تكون برضا تام واقتناع بين الاعضاء وميكونش ده سبب في وجود غيرة او حد يكون شايف نفسه انه احق ويبقي في زعل ..عايز نحافظ علي حبنا لبعض ..لكن بالترشيح مش هيكون فيه مجال ان حد يغير من حد او يقول انا احسن من ده في القسم ده ..وهكذا
مش عارفه كلامي مظبوط ولا لا ..بس ده مجرد اقتراح

انا بقول كل واحد يختار عشان يبقى قد الاختيار والمسئولية عشان محدش يقول انتوا اجبرتونى اقصد يعنى يكون عن اختيار عشان يعرف يهتم بالقسم مش عارفة ده رايى لو حد عنده رايى يقول

ممكن تتحل برضوا ..يعني العضو اللي الاعضاء اختارته مش حابب يرفض ..ويرشح حد مكانه او الاعضاء يرشحوا حد تاني
يعني مثلا ممكن انا اقولك ابقي المشرفه علي اللغات الشرقية ..عندك دكتر عادل معانا في المنتدي ووارد ميطلوبش انه يبقي مشرف ..بس مش معقوله نتجاهله
وكمان في دكتر ايمان ..بس هي طبعا مش هتقبل لانها مش فاضية ..بس اللي اقصده اني في ناس كبيرة وجديرة بالاشراف وغالبا مش هتطلب ده لانها اكبر من انها تطلب ده
فهمتي قصدي
وممكن اتنين اصحاب بيبقوا بيحبوا نفس القسم وعايزين يبقوا مشرفين ..لو واحد بقي مشرف باسلوب اللي يلحق (اسفه في التعبير) يعني اقصد اللي لحق يكتب الاول ممكن حد يكون مشفش الموضوع وكان يتمني يبقي المشرف وهو برضوا اد المسئولية ..بس لو بالاختيار محدش هيزعل
يارب اكون قدرت اوضح فكرتي
وفي النهاية الراي للاعضاء هما يقولوا برضوا انهي فكرة افضل

شكرا ليكي يا ملك

مرسي ياملك ع الاضافات

بس ياريت تشرحي ايه الميزه الي بتميز المشرف عن باقي الاعضاء

وايه عمله بالظبط

المشرف زى العضو بالظبط بس فى فرق يعنى مثلا انا مشرفة على قسم كلام بنات اقدر انقل موضوع منه احطه فى قسم تانى اقدر احذفه كده هى عملية تنظيم للقسم فهمتى؟؟؟

اه مرسي ع المعلومه ياملك

انا عن نفسي يا ملك ..برشح زينب انها تبقي المشرفه علي المنتدي السياسي والاجتماعي لأنها فعلا عاملة مجهود كبير قوي في الموضوع ده وتستحق الاشراف عليه

وكمان كاسو انا شايفه انه يقدر يكون المشرف علي منتدي الكمبيوتر والانترنت

ده رأيي ..يالا ادخلوا واقولوا ارائكوا

شكرا ياريمو

علي الثقه الغاليه دي

وانشاء الله هكون قد المسئوليه

اولا شكرا جدا يا ملك علي مجهودك الرائع ده

ثانيا انا من رأيي ان زينب هي اللي تكون مشرفه علي القسم السياسي والاجتماعي وده كان بالفعل وربنا يوفقها ومنتظرين جديدها

ثالثا واخيراا انسب عضو يقدر يكون مشرف علي قسم الكمبيوتر هو كاسوو وكنت ممكن اقول ريم لكن ريم نفسها اختارت ان كاسوو هو اللي يكون مشرف لذلك اخترته وموضوعاته في القسم هي الدليل علي انه يكون مشرف ليه

واتمني التوفيق للجميع ان شاء الله









sheroo

انا كمان معاكي يا شروق ان طارق يبقي مشرف قسم الكمبيوتر

واناكمان معاكو برشح طارق

يكون مشرف علي قسم الكمبيوتر

انا برده كنت بفكر اعين كاسو مشرف للكمبيوتر ان شاء الله هعينه بس هو يدخل ويقولنا موافق ولا لاء

والله يا جماعة دى ثقة جميلة جدا منكو فيا وانا سعيد جدا جدا بالثقة دى

ولو بجد انتو شايفين انى انفع لقسم الكمبيوتر فخلاص اوك يا ملك انا تحت امركو وباذن الله هبقى عند حسن الظن بيا

مبروك يا كاسو وان شاء الله انت قدها ..وربنا يوفقك

هاى يا جماعة
بجد أختيارات موفقة للمشرفين مع تمنياتى لكم جميعاً بالنجاح والتميز
وأنا برشح إسراء فؤاد للمنتدى الأسلامى وريم أبو الخير للمنتدى العام
لأنهم بصراحة من الأعضاء الكبار واللى يستحقوا كل الشكر والتقدير
لمجهودهم ومواضيعهم المهمة ومساهمتهم الفعالة فى المنتدى ... وبالتوفيق