ازيكوا يا جماعه انا عارفه اني اتأخرت عليكوا
اسيبكوا بقي مع التوبيك
ثالثا العادات ::
1/ لا تشرب ماء بعد الأكل .
2/لا تنام ولا تمشي ولا تقعد بعد الأكل .
3/لا تشرب شاي ولا قهوة بعد الأكل .
يعني احسن حاجه تاكل وتنتحر .....!!
4/ لا تضع الماء في الثلاجه داخل علب بلاستيك لأنها مسرطنه ..
5/لا تضع الماء في الثلاجه داخل علب زجاج لأنه ممكن يتكسر من غير ما تعرف وتشربه وتموت
.
6/لا تضع الماء برة الثلاجه علشان ممكن يتلوث
.
7/لا تشرب من الحنفيه علشان مش نظيفه .
8/ لا تشرب معدنيه علشان معبأة من الحنفيه او مكررة وفيها مواد مسرطنه
9/ لا تتكلم علي الموبايل من غير سماعه علشان الموجات بتقتل خلايا المخ .
10/لا تتكلم عن طريق السماعه علشان الكهربا الساكنه .
11/لا تتكلم برده عن طريق البلوتوث علشان الموجات بتقتل خلايا المخ .
(يعني احنا كده المفروض اننا عايشين كلنا من غير مخ
)
12/ اشرب خل علشان يحرق الدهون ,
ومش تشرب خل علشان يسبب القرحة ......
13/ اطلع في الشمس علشان فيتامين (د) ,,,
ومش تطلع في الشمس علشان الأوزون ..............
حيرتونا
رابعا واخيراااااا الدين ::
الموضوع ده يا جماعه غريب اوي علي الايميلات بس اكيد ده مش تعميم
بتيجي الايميلات أغلبها وتقول ............
1/ ابعت الايميل ده لكل اللي عندك الله يعطيك 25864973 حسنة
(اللي باعت الايميل مكشوف عنه الحجاب )
2/ حارس قبر الرسول (ص)حلم انه الرسول (ص) قاله لازم يبعت الرساله دي ..
3/ والا بقي الايميل اللي يجي مكتوب في أوله قسم انك تبعت الايميل لكل اللي تعرفهم عندك
وبعدين يفكرك في الأخر ويقولك انت أقسمت (ماسك علينا ماسكه مثلا
)
4/كمان الجملة اللطيفه (اذا لم تبعث هذا الايميل لا تستحق أجره )
5/ ايميل يقولك دعاء مرة واحده في العمر (يعني ندعيه ونعمل اللي عاوزينه
)
6/دعاء اللي يقوله يتحققله 100 أمنيه (مصباح سحري هو
)
وبعدين فتوي الرضاعه
وفتوي تحريم البوكيمون
وفتوي تحريم البلايستيشن
يعني احسن حل يا جماعه ......
ان الواحد لا ياكل ولا يشرب ولا يتنفس ولا يتكلم علي التليفون ولا يطلع من بيته وبس يقعد يبعت ايميلات وانتهينا
..
مش قلتلوا طريقنا مسدود مسدود مسدووووووووود
sheroo 
السبت أغسطس 01, 2009 11:37 am
