اسكتش.. فى رمضان ...من مؤلفاتى الخاصة

فى رمضان

المقدمه غنائية:
فى رمضان نصلى نصوم ونقوم طول الليل
فى رمضان نصلى نصوم ونقوم طول الليل
ابدا ابدا لا نكذب.... ابدا ابدا لا نظلم ..
لا نكتفى بالتلفزيون فلنبعد عنه لنقوم
فى رمضان نصلى نصوم وزكاه الفطر نقدم
لنقلل فى ساعات النوم ونفعل خيرا للقوم
نسأل على اهل واصحاب ونبدأ نقرا كده فى كتاب
يلا نشوف الصح فى ايه نعمل ايه ونبعد عن ايه
يلا يلا يلا يلاااااااااااااا يلا

المشهد الاول:
(رجل عجوز يجلس على سجادته وعلى وجهه نظره حزينه)
(فتأتى له حفيدته تمسك فانوسها بيديها وتغنى وحوى يا وحوى وتحتضنها الفرحه وتنادى جدها: جدو يا جدو يا أحلى جد)
فلم يجيبها الجد وظل فى صمته
الحفيده اعادت ندئها جدو جدو أنت مش سمعنى
الجد: نعم يا مى يا بنتى
الحفيده: ماللك يا جدو زعلان ليه؟
يتنهد الجد ويقول:أنا حزين على اللى بيحصل الايام ديه يا مى يا بنتى..
الحفيده: ليه يا جدو!حتى الايام ديه رمضان يعنى شهر جميل وكريم..
الجد:صح يا بنتى بس اللى الناس بتعمله غلط وعكس اللى اللى مفروض يعملهوه.. يعنى مثلا تلا قى التلفزيون 24 ساعه مفتوح والناس أعده قدامه ويا ريتهم فاتحين قناه دينيه ولا قرأن ألا تلاءى......

( تنتقل الصوره الى الجانب الخر من المسرح حيث يوجد شخص نائم وزوجته تو قظه)
الزوجه: محسن أصحى يا محسن
يستيقظ الزوج مفزوع ويقول: أيه أيه ده الفطار ولا السحور؟
الزوجه: ده لا فطار ولا سحور قوم يأخويا ده المسلسل بدأ.
الزوج:يقول فرحا المسلسل بدأ ويرتدى نظارته ويقول ياه ده العار كمان.. ويتنهد مطمأنا ياااااااااه الواحد مش عارف من غير المسلسلات ديه كان هيستحمل الصيام ده إزاى!!
..............
المشهد الثانى:
الجد وهو كده مش عارف انه لا صايم ولا حاجه هو بس حارم نفسه من الاكل والشرب..
الحفيده : ليه يا جدو .. هى المسلسلات حرام؟
الجد: كل ما يلهى عن عبادة الله فهو حرام.....يتنهد الجد ويكمل كلامه زماان كان زمان تلاقى الاب يرجع من شغله وأول ما العصر يأذن يأخد ولاده يصلى بيهم جماعه وبعدين بعدين يقرآوا قرآن لحد المغربويدعو ويسبحواووقت العشاء ينزلوا يصلوا الترويحلكن دلوقتى الناس بتستقل الصلاه ومنهم اللى مبيصليش الظهر أل ايه علشان الجو حربقى ده مش حرام....
( تنتقل الصوره الى الجانب الاخر من المسرح مره اخرىالى فتى يجلش اما م التلفزيون ويأتى صديقه يدعوه للصلاه)
مصطفى:ازيك يا مروان
مروان: أهلا ازيك يا درش
مصطفى : الحمد لله ايه يا بنى انت مش هتيجى تصلى الظهر..
مروان: ياعم الجو حرأوى وانا صايم وبعدين ولاد الايه شويه وجاى ،اناغ هبقى اصلى فى البيت..
مصطفى: مسلسل ايه وجو حر ايه..أنت اكيد بتهزر ..بقى ده كلام حد يقول كده فى رمضان..
مروان: أنا تعبان ولو مشيت هعطش ..ولو عطشت هفطر وانا مشعاوز افطر.
مصطفى : خلاص براحتك بس بجد حرام عليك.
....................................
المشهد الثالث:
الحفيده: صح يا جدو بس المفروض لو أحنا بعدنا رمضان برجعنا..
الجد: أنتى صح يا مى بس الناس مش شا يفه حد كل اللى شايفينه فىرمضان انه وأكل ومسلسلات وزينه وبس مش شهر رحمه وغفران الناس زمان كانوا بيحبوا الصيام يطول لكن دلوقتى......

( ننتقل الى الجهه الاخرى من المسرح هناك أسره جالسه على مائده الطعام- ومع أذان العصر – يجلس الاب يجلس على المائده ويدعو:اللهم لك صمت وعلى رزقك أفطرت ذهب الظماء وابتلت العروق.. ا
وابنه يوقفه بصوتا ملول: لسه يا بابا ده العصر.

المشهد الرابع:
الجد: وتجدى الام طوال فى مطبخها تجهز الافطار زى ميكون الجيش هو اللى هياكل...
وتعمل سفره كبيره وتقول رمضان جى بخيره وهما بيضيعوا خير البلد كله... ولا موضه النص حجاب اللى ارتبطت برمضان..
(ساره تزور ملك)
ملك :أزيك يا ساره أنتى لبستى الحجاب.
ساره: احنا فى رمضان أنتى مش عايزانى من البس الحجاب ولا ايه؟
ملك:الحجاب مش بس فى رمضان ده لو أنتى معتبره أن ده حجاب أصلا.
ساره: أمال ده ايه!
ملك:الحجاب مش أنك تغطى شعرك بس الحجاب أنك تغطى كل حاجه تلفت نظر الناس ليكى.
..........
الجد يا مريم يا بنتى الناس فاكره ان رمضان شهر فى عام بس رمضان طريقه لحياه الانسان.

وهنا تدخل النهايه بقصيده :
رمضان مش شهر فى عام
رمضان مش شهر في عام رمضان حياة المؤمن يعني طريق امان .......شهر بيفوقنا . بيخلينا نرجع تاني نعيش بقلوبنا .......بيحمينا من صراع المادة وحرب الانسان.........الصوم مش انك ماتكلش ولا تشربش وتنام ماتقومش .... الصوم مش كده خالص .. انك تصوم يعني تصون لسانك ومتغلطش...... تقول الحق وماتكذبش ..تعلي صوتك ومتزعجش.....تعبد وماتنافقش....تسجد وماترسمش...وتطهر قلبك وتعلم نفسك ازاي هتعيش لحد اخر يوم في عمرك.................
يتابع

[b]

جمييييييييييييييله جداااااااااااااا يا ميران وكلها حكم ومواعظ بطريقه ادبيه رائعه
نورتيييييييينا واستمرى واهلا بيكي فى منتدانا ويارب يكون عجبك

ميرسى يا مصطفى على الراى اللى بجد اعتز بيه جدا وشكرا على التشجيع والترحيب وانا سعيد انى بقيت من اسرة المنتدى وبجد المنتدى رائع احيكم كلكم على مجهزدكم الرائع....وعليكم السلام ورحمه الله وبركاته " الفن اخلاق" واكيد ده نورك وبجد شكرا جدا على الترحيب بيا داخل المنتدى مطولش عليكم لا اله الا الله