Al0ne :(( :((

إيه ياجدعان هو القسم ده ليا انا لوحدى ولا إيه، ده مفيش غيرى هنا بيكتب موضوعات وانا بردو اللى برد عليه، ليه مفيش تفاعل هنا، هو كل حد همه بس القسم بتاعه والباقى لأ، كده مش هينفع على فكرة، ولو انتوا بتذاكروا انا كمان عندى مذاكرة بس بدخل علشان أجيب موضوعات وتردوا عليها ونتناقش، ولو على اللغه مش شرط يعنى تكتب بالإنجليزى لو انت مش كويس فيه، انت ممكن تكتب باللغه اللى انت بتحبها او اتعلمتها فى السنين اللى فاتت او الناس اللى بتدرس لغات ممكن يكتبوا موضوعات باللغات موضع دراستهم على الأقل هتلاقى حد رد عليك ويناقشك فى اللى انت كاتبه، مهو معنى ان مفيش حد بيدخل القسم ده يعنى مش عاجبكم، طب لما هو مش عاجبكم وافقتوا ليه على الاقتراح من الاول انه يتعمل، انا مش بقول كده علشان القسم بتاعى والله لأ بس انا شايفه انه ماشاء الله الأقسام كلها شغاله ماعدا ده واول قسم خالص، مبقاش فى حد بيدخل زى الأول يكتب حاجه ولا حد يرد على موضوع قديم وده بجد مش هينفع
عموما انتوا حرين
بليز محدش يزعل منى ولو فى حد عنده كلام تانى ياريت تقولوه وانا على أتم إستعداد أرد عليه ومرة تانيه محدش يزعل بليز انا بكلمكم علشان احنا صحاب قبل اى حاجه

معلش ياانوس حقك عليا وهنشوفى وعد القسم دةكلنا هنشتغل فيه
بس هى المشكلة ان اصلا محدش بيتفاعل غير كام عضو بس والباقى مش عرفة ودىة مشكلة كل الاقسام مش دة بس
بس معلش هتشوفى احلى شغل اوعدك ياقطتى.....

مالك بس يا قطه استهدى بالله يا بنتى شكلك اتحسدتى

ع فكره قلة التفاعل دى مننا لو كل واحد فينا بيدخل ويعمل موضوعات فى كل الأقسام وينبه الناس اللى مش بتدخل صحابنا .. المنتدى ده هيبقى حاجه تانيه وانا والله بحاول اعمل كده ونشرت قبل كده فى القسم ده بس ملاقيتش اهتمام وردود وفى اقسام ابيض فله برضك زى القسم الرياضي لكن لو كل واحد يعمل اللى عليه زى ما قلت بجد موضوع التفاعل هيتحسن كتيييييييييييير

وانتظريني ROMIO0O0O0O0O0O0O0O0O0O0 >> SOON

روميساء كتب:

معلش ياانوس حقك عليا وهنشوفى وعد القسم دةكلنا هنشتغل فيه
بس هى المشكلة ان اصلا محدش بيتفاعل غير كام عضو بس والباقى مش عرفة ودىة مشكلة كل الاقسام مش دة بس
بس معلش هتشوفى احلى شغل اوعدك ياقطتى.....

لا ياحبى مش حقى عليكى انتى ولا على حد فيكم، انا كنت لسه بتكلم انا وملك فى حته ان فى ناس اصلا مش بيدخلوا وهما مشرفين وهما اصلا مش موجودين اليومين دول ولا حتى اليومين اللى فاتوا ومبررهم انهم بيذاكروا، طب ما احنا كمان بنذاكر ياجماعه وعندنا امتحانات بردو بس بندخل المنتدى بردو نكلم صحابنا ونضحك ونتناقش سوا علشان نفك عن نفسنا شويه من زهق الامتحانات
متزعليش يارورو منى والله اصلا الكلام مش موجه للناس اللى بتتعب وبتجيب مواضيع وترد وتضيع من وقت مذاكرتها علشان يشوفوا شغلهم فى المنتدى وبجد ربنا يعلم الكلام اللى بقوله عليكى وانتى مش موجوده
فمتزعليش منى بالله عليكى

MOSTAFA ROMIO كتب:

مالك بس يا قطه استهدى بالله يا بنتى شكلك اتحسدتى

ع فكره قلة التفاعل دى مننا لو كل واحد فينا بيدخل ويعمل موضوعات فى كل الأقسام وينبه الناس اللى مش بتدخل صحابنا .. المنتدى ده هيبقى حاجه تانيه وانا والله بحاول اعمل كده ونشرت قبل كده فى القسم ده بس ملاقيتش اهتمام وردود وفى اقسام ابيض فله برضك زى القسم الرياضي لكن لو كل واحد يعمل اللى عليه زى ما قلت بجد موضوع التفاعل هيتحسن كتيييييييييييير

وانتظريني ROMIO0O0O0O0O0O0O0O0O0O0 >> SOON

الله!! ياابنى مهو انا بتكلم على الأقسام الأبيض دى ومقلتش قسم اللغات ده بس قلت زى أقسام الكليه والمكتبه ده اهم حاجه المكتبه والكمبيوتر والانترنت وأهم حاجه بقى فى كل دول، قسم الإقتراحات ده بيتنشر اقتراح كل سنتين مرة
وانا متأكده ان ملك معندهاش اى اعتراض على اى اقتراح اى حد هيقوله مادام فى صالح المنتدى، معلش ياجماعه متزعلوش منى بالله عليكم، ولتانى مرة انا والله مش قصدى على الناس اللى بتتعب وتجيب مواضيع وبتدخل كل يوم وتضيع من وقت مذاكرتها علشان المنتدى ويارب مش أكون طولت عليكم واوووكيه ياروميووووووووو

WaiTinG

معلش يا اينو وانا والله بعترف انى اول وحده مقصرة معاكم بس ان شاء الله المنتدى هيبقى كويس بيكوا كلكم بس شوية اهتمام مننا كلنا وهنبقى حاجه تانية خالص