الحقـــونى

ازيكم ياجماعه،،
انا عندى سؤال كده وبصراحه انا احترت وجربت كل حاجه ومش نافع حاجه خاالص وانتوا اخر امل ليا

انا الجهاز بتاعى الأول كان بيطفى من نفسه ويعمل ريستارت ويفضل على كده كذا مرة بس كنت بسيبه لحد مااا يثبت خالص وبعدها أعمل اللى انا عوزاه وأخلص وانا اللى أطفيه.
دلوقتى بقى مش يعمل ريستارت بقى يفصل خاالص وأكون والله بعمل حاجه مهمه مش بلعب يعنى شغاله فى بحث او بدور على حاجه حد قايلنا دوروا عليها يعنى مشغوله جداا فلما بيعمل كده بضطر أسيبه وأقوم بزهق من كتر المحاولات معاه ومش بيرضى يفتح ويثبت لوحده

لو حد فهم حاجه وعرف انا ممكن أعلم ايه يقولى ، انا قلت أسألكم يمكن يكون فى حد يعرف

شكراااا

بأختصار عشان الموضوع ده حوار اصلا
الجهاز عاوز نسخه نظيفه انا مسطب نسخه اسمها بلاك هورن ماشاء الله عليها
سطبى النسخه ولو فى اى مشكله تانى قولى هنا وانا هساعدك يا ايناس
يارب اكون عرفت افيدك

مهو اكيد لو مش نسخه يبقى بروسيسور
ونصيحه وديه لمهندس كمب احسن م يقعد يطير ف الملفات وانتى شغاله

فعلا الجهاز لما يرستر او يقفل وميرضاش يفتح يبقى من كذا حاجة بس طبعا اولهم ان مروحة البروسيسور بتعلق فالبروسيسور بيسخن

ولازم طبعا الجهاز يطفى والا البروسسور ممكن يتحرق

المهم هى على فكرة مسالة سهله جدا جدا ومش محتاجة مهندس ولا حاجة انتى بس خدى الجهاز لاى سايبر او لاى محل كمبيوتر وهو هيركبلك مروحة جديدة فثوانى واى مروحة جديدة تكلفتها مش بتعدى 25 جنيه

بس اتاكدى الاول ان المشكلة من المروحة يعنى لما تكونى شغالة على الجهاز شوفى المروحة شغاله ولا لا ولو شغاله شوفيها لذل كانت واخده سرعتها الطبيعية ولا بطيئة وكدة تكون بردو محتاجة تتغير

لو بقى الكلام دا كله مطلعش مروحة بروسيسور يبقى يا اما من النسخة يا اما من الباور سبلاى ويكون فيه اسلاك معلقة او ملمسة فبعض

بس هو موضوع سهل فى النهاية اى فنى كمبيوتر هيحله فثوانى