أحدى مؤلفاتى الشخصية .. قلبي مستنيكي

حلو اوى يا مصطفى كالعاده طبعا
بس انت المرة دى مقولتش يعنى دى عن تجربه ولا خواطر عاديه

MOSTAFA ROMIO كتب:

اهلا بيكو يا شباب دى قصيده جديده يارب تعجبكم
هدخل ع القصيده ع طووول من غير جو القصيده
وعيشوا انتو الاحساس والجو فى داخلكم .. جاهزين


القصيده :

خساره أعاتبك وأنا مجروح

سيبيني أمشي ولا أروح

لمكان ترتاح فيه الروح

وأفتكر أد ايه كنت مدبوح

والحلم راح ويا الطموح

وذكرياتى بتوجعنى كل ما أبوح

وأرجع تانى أشتاق لعنيكي

وتوحشني أيام بتحلى بيكي

ولهفة قلبي بلمسة إيديكي

كل ما أحلم وأدوب فيكي

فجأة أفوق على صوت بيناديكي

ويقول كفايه هرجع أمتى ليكي

وليه الظروف منعتنى أنى ألاقيكي

وأكون معاكى وأسلم عليكي

متعذبنيش وأرجعي قلبي مستنيكي




أتمنى أن تكون القصيدة قد نالت أعجابكم وأن أكون قد وفقت فى تناول مضمون القصيدة
وأقسم بالله أن هذا النص من مجهودى كتابة وشعر وعرض وأرجو أن من ينقله يذكر الكاتب
ومنتظر ردودكم وتعليقكم ..والسلام ختام .. الكاتب والشاعر / مصطفى محمد عبد الرازق

جميل جدا يا مصطفى فى تقدم يا كبير

Anoooooos كتب:

حلو اوى يا مصطفى كالعاده طبعا
بس انت المرة دى مقولتش يعنى دى عن تجربه ولا خواطر عاديه

ميرسي يا انوووووووس ده بس من ذوقك













لا عن تجربه بجد

eng.mody كتب:

جميل جدا يا مصطفى فى تقدم يا كبير

مرورك هو الاجمل يا مودى مشكور يا بوب

جميله اوي اوي اوي يا مصطفي

مرورك هو الأجمل يا ساسوووووووو بجد نورتى القصيده وانتظروا منى المزيد ف الفترة القادمه
بس لما نشوف الردود عشان بجد اخر قصائدى ردودها قليله واحبطتنى وبأذن الله هستمرررررر

ليه بس كده يا مصطفى ده احنا ما صدقنا الشعرا اللى فى المنتدى يزيدوا بسم الله ما شاء الله
بليز تكمل واحنا معاك اهو ولا احنا مش كفايه؟؟؟؟؟؟؟

متقلقيش يا ايناس هكمل ان شاء الله وانا عارف ان الردود القليله دى اللى فى القصائد السابقه مش مقياس اصلا
والحمد لله انا واثق من موهبتى ومقتنع باللى بكتبه لأنى حاسو
وانتو والله على راسي من فوق وبجد كل واحد رد على قصيده ليا بعتبرها وسام ع صدرى ميرسي ليكو وبيكو هكمل