أدخل عرفنا بنفسكـ

ازايكم يا جماعه
انا بقي ريم ابو الخير
لغات شرقيه -فارسي
انا في تمهيدي (مش حضانه) تمهيدي ماجستير
اتخرجت السنه اللي فاتت
انا بقي دخلت القسم ده عشان معرفش يعني ايه فارسي
ولا كنت اعرف ايران (تخيلوا)
بس انا اللي اخترته ،انا مكنتش اعرف ايران ولا الفارسي
بس كان حصل معايا حاجه زمااااااااان وكنت ناسياها وبعدين لما دخلت القسم افتكرتها
ايه هي بقي
ان انا من زمان بقرا مجله العربي الكويتيه
وهي كل شهر بتتكلم عن دوله ، فكانت مره كتبت عن ايران وشفتها وقريت عنها وعجبتني جدا وعجبي الصور اللي فيها كانت تحفه واعجبت جدا بيها ،بس وشيلتها ونستها
وجيت دخلت الجامعه واخترت القسم وبدات اعرف ان الفارسي لغة ايران ،فجأه افتكرت العدد بتاع العربي رحت فتحته لاقيتها هي فعلا اللي حبيتها زمان بس وفرحت قوي وكل فترة افتح العدد وابص فيه واضحك وانا مستغربه علي اللي حصل
يعني انا حبيت ايران من قبل مااعرفهاوالعدد لسه عندي طبعا.
اما بقي عن حبي للقسم فانا بعشقه وبعشق دراسته ، ولو لم اكن لغات شرقيه لو ددت ان اكون لغات شرقيه
اما اقرب الناس ليا فهي اسراء وهي معايا في نفس السنه واحنا توأم في افكارنا وحبنا للفارسي ولكل حاجه
واقرب حد ليا في عائلتي هي امي هي صديقتي قبل ما تكون امي كل حاجه تعرفها عني ،ودايما بتشجعني في دراستي في كل حاجه ،ولما بيجيلي احباط ،
،دايما بتقويني
وفيه حد كمان في نفس منزلة امي وبتعمل معايا نفس اللي بتعمله ماما في البيت ،هي دكتر (ايمان) وهي كمان تعرف عني كل حاجه ومقدرش اعمل اي حاجه الا لما اقولها الاول ،حتي ماما لازم تقولي خدي راي دكتر ايمان وكلمتها بتمشي عليا زي ماما بالضبط وده بيحصل كتير وفي امور مصيريه كمان
يعني انا الحمد لله عندي امين
اما البلد اللي عايزه اسافرها فهي طبعا ايران وبعدين الهند
وبس يا ملوكه

انا اسمي مها قسم عربي
الأسم المستعار ميما واخترته علشان اغلبية اصحابي بيقوللي يا ميما
عندي 21 سنة في سنة 3 دبلرت سنة ثلنية بس علشان كنت مسافرة ورجعت ملحقتش الم المنهج
كنت ادبي ودرسة برة مصر
معنديش حد قريب ليا في المنتدى بس اتمنى يكون ليا اصحاب كثير لانه معديش صحاب في الجامعة معرفش حد خالص بسبب سفري الكثير
دخلت القسم ده علشان اقدر اطلع صحفية لانه ملحقتش اعلام وبحب القسم بتاعي بس في مواد فيه مبحبهاش
نفسي اسافر تركيا والف في مصر
بحب القراءة والرسم وتربية الكلاب وخصوصا كلبتي
اقرب حد ليا في البيت ممكن اخويا بس اقرب حد ليا في الدنيا توفى ومبقاش ليا حد قريب مني كلهم اصحاب عادي يعني
وبس مش عارفة ايه ثاني اكتب يله انا عاوزة صحاب كثير قوي
وجعت دماغكم بس لازم اطلع من المنتدى ده بصحاب باي
اه بعشق اللون البنفسجي