احلم معانا

انا حلمى الوحيد دلوقتى انى ادخل سنة تانية

بازن الله تدخلى
ان الله لا يضيع اجر من احسن عملا
و انتى تعبتى و ذاكرتى و بازن الله تنجحى
و ربنا معانا كلنا

انا نفسي اكون دكتوره في الجامعه

زي د\ عبير

او مترجمه زي ريم واسراء لانهم بجد ناس جميله في كل حاجه

وربنا يوفقهم

مرسى على التوبيك الهايل ده يا تقى وانا نفسى ر بنا يشفى ماما وحاجات تانية بس ش هقولكم عليها غلاسة بقى

بازن الله تكونى دكتورة او مترجمة و ربنا يحققلك كل الى بتحلمى بيه بس دة مش بيجى كدة لازم تتعبى و تذاكرى كويس وربنا يوفقك يا قمر
و مرسى على ردك يا زينب و يا رب التوبيك يكون عاجبك

ملوكة حبيبى هنا و انا اقول التوبيك منور ليه
ربنا يشفيلك ولدتك و يخليهالك يا رب
بس انا غلسة بقى و عايزة اعرف باقى الاحلام
ها ايه هى ها ها لازن اعرف
ربنا يحققلك كل الى بتتمنية يا قمر
و مرسى على ردك يا قمر

أنا بقا أحلامى كتييييييير
حلمى الكبير أنى أبقى رئيس جمهورية
وحلمى الصغير أنى أطلع أعلامى
وعندى 3 أمانى نفسى أحققهم
أنط من على كوبرى الجامعة
وأشتغل مصفف شعر وستايلش
وألعب جيتار
وبس

والله يا زينب مش عارفة اقولك ايه علي كلامك الجميل ..دايما بتشكري فينا ..اما حلمي انا فانا مش بحلم بمناصب كبيرة او بالشهرة او الصيت ..كل حلمي هو اني اشرف اهلي وارفع راسهم يعني لما بعمل اي حاجه بيكون هو ده هدفي الوحيد وبعدين الشهرة دي بتيجي لوحدها من عند ربنا يعني مش عشان الناس تتكلم وتقول دي كذا وكذا..ومنتهي سعادتي لما بحس ان حد اتعلم مني او استفاد مني ..يعني حلمي اني افيد اللي حواليا علي اد مااقدر يعني اني اكون من الشخصيات اللي تكون اثرت فعلا في حد ويكون تأثير ايجابي او اني اكون سبب في ان حد يتغير ..بس اكيد ليا اماني شخصية واهداف بحاول احققها يعني مثلا اني اسافر ايران وتركيا والهند ، وفي حاجات كتير نفسي اتعلمها ..يعني مهما بتعلم مش بحس اني شبعت من العلم واني ممكن اقول كفاية ..وفعلا بحاول اتعلم حاجات كتير وفي مجالات مختلفه يعني بحب ادخل مجالات جديده ..
وربنا يحقق للجميع احلامه

أنا نفسي أقوم من النوم فى يوم يقولولى إن الحدود بين الدول اتلغت
و إن أي حد ممكن يسافر أي بلد من غير مشاكل
ياااااااااااااااااااااااااه

نفسى احقق ذاتى وخلى اهلى يتشرفو بيا ------- ونفسى العراق وفلسطين وافغانستان وايران
وباقى الدول الاسلاميه ميبقاش فيها حروب ومشاكل ونفسى مصر تعيش فى امن وسلام
وامصريين يحبو بعضهم وميسرقوش بعض وميغشوش بعض ويخافو على مصلحه بعض