تجديدات

ازيكم يا شباب
اولا انا ضفت المنتدى اللى ايناس طلبته
ثانيا غيرت الاستايل
ثالثا انا برشح مريم للاشراف ايه رايكم وهى ايه رايها وتحب تبقى مشرفة على قسم ايه
منتظرة ارائكم ولو فى حاجه عاوزنها فى المنتدى اية رايكم قفى الاستايل الجديد

الاستايل تحفه ياملك
وطبعا ترشيح مريم للاشراف دي حاجه تشررف المنتدي وتزوده

مرسي زينب على رايك

لا بجد جميلة التجديدات يا ملك

والاستايل الجديد جميل جدا وواضح فى كل حاجة

وطبعا مريم فعلا تشرف المنتدى بتعينها مشرفة وهى تستحق كدة بجدارة

ومستنيين نشوف القسم اللى هتختاريه مريم

اولا الاستايل الجديد ده جامد موووت تسلم ايدك عليه ياملك
وثانيا ميرسى جداا علشان عملتى القسم اللى انا اقترحته عليكم واوعدك والله ان شاء الله هأبذل أقصى ما فى وسعى علشان أكون أده وبرده تسلم إيدك
ثالثا بقى وده الأهم هو إنى موافقه جداااااااا على إن مريم تكون مشرفه وهى فعلا هتشرفنا لآن بجد ليها لمسه مميزة فى كل حاجه
ويللا يا مرمر قوليلنا هتختارى قسم إيه؟؟

مرسي ليكم انتم ياجماعة

lميرسى اوى يا جماعه انا بجد شاكره جدا لثقتكوا الغاليه
انا والله اتفاجأت جدا لما لقيت ملك رشحتنى كمشرفه
ده طبعا اسعدنى جدا ميرسى اوى يا ملك ولكل الاعضاء الى رحبوا بالفكره وبيا
وانا احترت جدا بصراحه اختار ايه لانكم عارفين انى بحب المنتدى جدا بكل اقسامه
ولكن اكتر قسم كنت مرحبه بيه هو Foreign forum واحب اكون مشرفه فيه
فكرته عجبتنى جدا مش بس لانها فكره ايناس بس لانى فعلا بحب اننا نقرب من كل لغه
بس انا جتلى فكره فى القسم انه متكنش الاخبار بالانجلش فقط ولا عن الغرب البريطانى
والاميريكىفقط بالايطالى وبالفرنساوى وعن كل البلاد اى خبر عجبنا او حبيناه فى اى بلد ننقله
واكيد كل الاعضاء ليهم المحاوله بالترجمه من جوجل لكل لغه واكيد ده هينمى عندنا ثقافات ولغات كتيره اوى
وانا بجد حبه اشارك ايناس لانى بعزها جدا وبحس انها اختى
وطبعا بشكر كل الاعضاء وعلى رأسهم ملك لترشيحى للاشراف ميرسى اوى ليكوا ولملك

وميرسى اوى يا ملك على الاستايل الجديد والجميل ده على رأى نور دلعتينا فعلا ههههههه

بصراحه اختيار موفق يامرمر انك تكونى مشرفه على القسم ده لأنه فعلا فكرة القسم حلوة جداا والله مش علشان انا اللى قلتلها لأ حتى لو كان اى حد فينا هو اللى قالها لأن الفكرة مفيده جداا وخصوصا لما مرمر أضافت ليها اللمسه دى (يالمساتك يامرمر) وصحيح زى ماهى بتقول كده ويمكن كمان لأن القسم اسمه Foreign يعنى مش محدد لغه معينه فأى حد عنده خبر بأى لغه او صور وعليها تعليق او اى حاجه ممكن تيجى على بالكم هيكون هو ده مكانها الصح وفى الاول والاخر المهم اننا كلنا نستفيد
وبعيدا عن الموضوع بقى بصراحه بصراحه انا لو مكانك يا مرمر كنت اختارت الاشراف على القسم ده وبما انى انا ومرمر واحد لأن ربنا يعلم انا بحبها أد إيه وانها كمان اختارت القسم ده علشان تكون مشرفه عليه فكأنى انا بقيت المشرفه عليه صح يامريومتى ربنا يوفقك ياحبيبتى يارب
ويللا ياملك واقفى ونصبيها على القسم وألف مبروووووووووك مقدما يا أجمل مريم فى الدنيا

وانها كمان اختارت القسم ده علشان تكون مشرفه عليه فكأنى انا بقيت المشرفه عليه صح يامريومتى ربنا يوفقك

طبعا يا ايناس انتى بتقولى ايه انت صاحبه القسم قبلى ده لو بقيت مشرفه فعلا عليه
احنا طبعا هنكمل بعض فيه وانا يشرفنى جدا انى اشاركك انتى عارفه انا بعزك اد ايه

ربنا يكرمك يامرمر يارب ولو تعرفى والله انه الشرف ليا انا وان شاء الله تكونى المشرفه عليه أكيد ملك مش هتقول لأ فى حاجه فيها فايده لينا يعنى وربنا يوفقك يا حبيبتى يارب

بجد يا ملك التجديدات تحفة ميرسى اوى اوى ليكى
ومبرووووووووووووووووووك مريومتى على الاشراف
وعلى فكرة يا مريم انتى بالذات محتاجة اشراف على قسم كمان النكش والشعننة
http://www.daralansar.com/</A>

ايه الكلام ده ياست مريم
طبعا مبروك ع الاشراف
ثانيا ايناس بقت اختك ونور حبيبتك
وانا ابقي ايه؟؟؟؟؟؟؟؟؟؟؟؟؟؟؟
وقعت من قعر القفه

مريم انتى معانا فى الدفعة وانا شفتك او اعرفك شكلا ؟؟؟؟؟؟؟؟؟؟؟؟؟؟

انتى حبيبتى يا زينب وانتى عارفه كده متستهبليش
اه يا ملك انا فى لغات شرقيه تانيه معاكوا بس انا سامى
بس والله مجتش الفرصه وقابلتك ان شاء الله
ربنا يجمعناعلى خير ونتقابل فى يوم