ازيكم يا جماعة يارب تكونوا بخير
انا حبيت احكلكم عن يومى انهاردا قضيته فين انا قضيت يومى انهاردا بين مجموعة من الاطفال ملهمش اهل !!! لان ببساطه اهلهم خلفوهم ورموهم فى الملاجأ او حتى رموهم فى الشارع كمان بجد حاجه مؤثرة جدا وانا قاعده وسط اللاطفال دوول الل ىمحتاجين ذرة حنان بيدوروا عليها فى حضن اى حد يروح يزرهم
بصراحه انا اتعلقت بيهم جدا ونفسى اروح لهم كل يوم هى مؤسسة فى ستة اكتوبر عاملها ساويرس للاطفال الشوارع واللى ملهوش اهل بجد مهتميين بيهم اخر اهتمام وتعليم واكل ولبس بس ياترى الاطفال دول محتاجين اكل ولبس بس ؟؟؟؟ انا انهاردا شفت فى عيونالاطفال دى الحرمان بجد بس مش الحرمان المادى لاء حرمان اكبر من كده بكتير الحرمان المعنوى بجد حاجه تقطع القلب لما طفل يكون عنده سنة وميكنش فى حضن امه
المهم انا خت بنوتة بتاع 3 سنين شلتها وطبطت عليها والله العظيم بقت ماسكة فيا مش عاوزة تسبنى شوفوا لدرجه ايه انها لقيت حد حنين عليها بجد انا كنت متأثرة اوى وانا ماشية بودعها قعدت تعيط مش عاوزة تسبنى رحت رجعت لها تانى حضنتها بقيت انا اعيط وهى تعيط والله بقيت اعيط زى الاطفال بجد ياجماعة احنا لازم يكون لينا دور فى حياة الاطفال دى لازم نعود نفسنا ااننا نروح نزرهم باستمرار فى المؤسسات دى
وانا هاقترح عليكم اقتراح لو عاوزيين ترحوا المؤسسة اللى انا كنت فيها انهاردا دى انا ممكن اوديكم ونقضى يوم جميل مع الاطفال دى لان بجد الاطفال احباب الله
قال رسول الله صلى الله عليه وسلم
أنا وكافل اليتيم في الجنة هكذا وأشار بالسبابة والوسطى وفرج بينهما ) رواه البخاري
وعن أبي الدرداء رضي الله عنه قال: ( أتى النبي صلى الله عليه وسلم رجل يشكو قسوة قلبه ؟ قال: أتحب أن يلين قلبك وتدرك حاجتك؟ ارحم اليتيم وامسح رأسه وأطعمه من طعامك يلن قلبك وتدرك حاجتك ) رواه الطبراني
الخميس مارس 04, 2010 10:30 am
