هتعمل ايه؟؟؟

موضوع: هتعمل ايه؟؟؟ الإثنين فبراير 15, 2010 7:58 am

هو التوبيك سؤال واحد نابع من فكرة غريبه بس مش سهل بصراحه ومش اى حد يجاوب عليه وللأسف انا كمان مش عارفه اجاوب عليه السؤال هو:
لو فى واحد اعمى طلب منك انك توصف له الدنيا عامله ازاى هتقوله ايه؟؟؟؟؟

سؤال فعلا صعب يا ايناس
لو اتجاوب عليه هيخلى كل الناس تتمنى العمى
هقوله احمد ربنا اذا كنت انت اعمى البصر فالدنيا فيها اعمى العقل
وفيها اعمى القلب وفيها اعمى الضمير
وفيها اعمى الاخلاق والمبادىء
و فيها اللى بيتعمدوا يعموا نفسهم ويحجبوا بصرهم عن الحقيقة
عشان المادة او عشان جبناء
وفيها اللى بيعمى بصر وعقول الناس بالتضليلات
والكذب والخداع

وافتكر بعد ده كله صعب اقوله ومع ذلك لسة فيها
الانسان اللى بجد اقدر اقول انه يحمل كل معانى وقيم الانسانية
لانه فعلا النوع ده لسة موجود

وفى آخر اقوله هى ديه دنيانا زى ما اراد الله سبحانه وتعالى
خير وشر ...ظلم وعدل ...باطل وحق
هذا هو الصراع منذ الخليقة
والفائز هو من ارتضاه الله فائز فى الدنيا والاخرة
حتى وان طالت حياة الخاسر امدا

هتعمل ايه؟؟؟ Amal

ايه يا بنتى ماردتيش ليه
وما قولتيش ردك انتى ايه حتى ولو مش عارفة هتقولى ايه

هتعمل ايه؟؟؟ Mysign

معلش يانورا انا اسفه والله بجد انا من يومها وانا فعلا بفكر لو اتسألت هجاوب اقول ايه؟؟
هقوله انها دنيا كدابه ومش بتدى حد اللى هو عاوزه احيانا واحيانا تانيه بتديلك اللى انت عاوزه بس بتاخد منك مقابل ليه طبعا وبيكون اكبر بكتير من اللى هى اديتهولك؟؟؟
ولا اقوله انت فى نعمه انك مش بتشوف؟؟ ولا اقوله ايه؟؟
معلش يانور والله غصب عنى انى مش رديت لأنى بجد مش لاقيه كلام اقوله وميرسى ليكى اصلا انك رديتى

ولا يهمك يا جميل انا قلت انتى نسيتى خالص
وهو حقيقى سؤال فى غاية الصعوبة

لا طبعا انا مقدرش انسى يانور بس كنت بفكر زى ما قلتلك