تعبانة اوى

بصى يا نور اولا كون انك تدخلى علشان تفضفضى مع الناس هنا دى ثقة كبيرة منك ونابع من حبك للمنتدى والناس اللى فيه ودا بجد شئ كلنا لازم نشكرك عليه

وكمان لانك بالتوبيك دا انتى بتاكدى اد ايه ان الكل هنا اخوات ويهمهم مشاكل بعض والا مكنتيش هتقوليلنا انك متضايقة لو حاسة اننا مش هنهتم لموضوع زى دا

ثانيا انتى مخلية المشكلة غامضة علينا وشغلتينا بجد ويارب يارب تكون مشكلة بسيطة تاخد وقتها وتنتهى

وانا بس عايز اقولك بشكل عام ان مفيش مشكلة منغير حل

لو المشكلة منك حاولى تغيرى من نفسك وانتى بتقولى ان المشكلة مش منك

يبقى متشيليش نفسك زنب مش زنبك ولو كان فيه ضرر واقع عليكى فى موضوع معين فوضى الامر لله لانه مش بيضيع حق حد

واللى اعرفه عنك انك ما شاء الله متدينة و عارفة دينك كويس وعارفة ان المؤمن دايما كسبان فى الخير بيحمد ربنا وفى الابتلاء بيصبر وبيحتسب

والاحسن يا نور لو المشكلة دى مش فيها احراج تحكيها ومتخافيش ومتقلقيش انك تشيلى همك لحد لاننا زى ما قولتلك كلنا هنا اخوات ولو مشلناش هم بعض يعنى يبقى ايه لازمتنا

وحابب بس اقولك وافكرك بحاجة

" اذا ضاقت بك الدنيا ففكر في "ألم نشرح ".. فعسر بين يسرين متى تذكرهما تفرح "

ربنا يخليك يا طارق انا فعلا حاسيت براحة
بس بجد المشكلة مش هقدر اقولها مش عشان انعدام ثفة لا سمح الله لانها اسرية جدا
وانا فعلا الضرر واقع عليا وتاعبنى اوى
وانا عارفة انها مشكلة وهتعدى لكن ها تسيب فى نفسى الم لو اتصطدمت بمشكلة تانية تصحى الالم ده
وانا المشاكل اللى من النوع ده ببقى مش طايقة نفسى وساعات كتير بتحسسنى بضياع

بس ارتاحت اوى لما اتكلمت
متشكرة جدا يا طارق على ردك
وطبعا ومسلم بيه انكم هنا كلكم اخواتى وربنا يخليكم ليا

والله يانور خدتيني عليكي

بس يارب المشكله تكون اتحلت

او علي الاقل قدرتي تخرجي نفسك من الموود الوحش ده

لاننا متعودناش نشوفك كده

وبجد كان نفسي اساعدك

يا حبايبى ربنا بجد مايحرمنى منكم ومش عارفة اقولك ايه يازينب ياروح قلبى....... والحمد لله فعلا بعدت عن المود ده
ويارب دايما يا انووووس مايحرمنيش من صداقتكم وربنا يخليكى ليا يا زوزا

الحمد لله يانور
انك بعدتي عن المود الوحش ده

معلش يا نور لو انا اتاخرت فى الرد لانى
مكنتش بدخل لفتره قريبه اتمنى يا حبيبى
تفضلى دايما بخير وتكونى معانا مستريحه
وكلنا قريبين منك
وميرسى على ثقتك بينا يارب دايما تفضلى بخير

يا حبى يا قمرى
ربنا ما يحرمنى منك ابدا
و ولا يهمك يا جميل
وميرسى اوى يا مريم على ردك
وانا سعيدة اوى برابطة الاخوة اللى بنا ديه
وان شاء الله تستمر على طول حتى بعد التخرج