سؤال وجواب

بصوا الموضوع ده

هو ان يقوم كل مشترك بسؤال ويجاوب عليه العضو اللى يدخل بعده

بعد كده يحط هو سؤال يجاوب عليه اللى بعده

وانا هبدا بالسؤال واللى بعدى يجاوب ويسال سؤال للى بعدى وهكذا

انت زملكاوى ولا اسمعلاوى ؟

الحمد لله أنا مش زملكاوى علشان دمى متحرقش لما الزمالك أتغلب 6/1 من الأهلى ومؤخراً 7/1 من نادى سويسرى غير معروف
ولا أسمعلاوى لأن عندى روح رياضية وأخلاق تمنعنى من أنى أروح الأستاد علشان أشتم وأسب وأحرق زى الأسمعلاوية

أنا أهلاوى

السؤال / أيه أحلى حاجه وأوحش حاجه فى صفاتك وشخصيتك ؟

بشكرك دوحا على التوبيك
بجد حلو اوي
اما عن السؤال
احلى حاجة فى شخصيتي اني مش أنانية و مؤمنة ان الانسان علشان يعيش سعيد لازم يعيش فى وسط مجتمع سعيد
يعني لازم يسعد اللى حوليه الاول و بعمل من المنطلق ده
اوحش حاجة فى شخصيتي
اني مبعترفش بالغلط بسهولة
و يمكن دي فرصة حلوة اني ابتدي اصلح العيب ده بأني اعترف بيه
لانه عيب قاتل و نفسي اتخلص منه
سؤالى انا بقى للعضو اللى هيدخل
رد و بصراحة
كم مرة فى يومك العادي بتحس إن الدنيا بتعتنا دي رحلة
و انها ممكن تنتهي فى لحظة؟

صراحة يعنى موش كتير بحس بلاحساس دا
بس بحس بى اوى لمل بسمع عن اى حالت وفاة
زخصوصا لو اوريبة لينا
يعنى حد توفى ويقربلنا بخاف اوى وبعد افكر كدا فى ان ممكن فعلا
ان ينتهى امرى فى ثانية
وسؤالى للى بعدى
لو مكنتش انسان كنت تحب تكون اية ولية؟؟؟؟؟؟؟؟؟؟؟؟؟

بجد نايس توبيك يا دوحا
ميرسي لييييك

اجابتي بقي علي السؤال هو ان لو مش كنت انسانه كان نفسي اكون برده انسانه
لأن ربنا فضل الانسان علي باقي المخلوقات سواء بعقله او بتفكيره او بغيره والحمد لله اني انسانه

منكرش اني كتير بيكون نفسي ابقي اي نوع من الطيور علشان طول عمري نفسي او حلمي اني أنط من طيارة بالبراشوت وليه ؟
ده لأني هاموت واجرب احساس الطيران والحريه التحفه دي

مش عاوزة تريقه

لكن ده مش يمنع اني لو لم أكن انسانه لوددت أن أكون انسانه

سؤالي بقي معلش هايكون 2 مش 1 لاني عاوزة اعرف اجابتهم وهما ::

1/لو معاك بوكيه ورد وبوكيه شوك هاتدي كل واحد فيهم لمين ؟ (مش اسامي شخصيات طبعا ولكن للشخصيه اللي عامله ازاي ؟ )

2/ ايه الجريمه اللي بتتمني انك ترتكبها لو هي مش حرام ؟ (استغفر الله العظيم يعني بس احنا بنفترض )



وتسلم ايدك يا دوحا تاني

ومستنيه الاجابه







sheroo

البوكيه الورد هديه لحبيبة قلبى خطيبتى فى المستقبل انشاء الله


الشوك هديه لواحدة خدعتنى وكنت فكرها صديقتى اللى مفيش زيها

الصراحة السرقة ليه معرفش يمكن اكون حرامى معرفش



سؤالى؟ ما هو الشئ الذى يؤلمك بشدة؟ نفسيا

الشئ اللى يؤلمني نفسيا هو إن الرجالة مبقاش عندهم رحت الدم
هاهاههاههاها
تتصورا ركبة ميكروباس كل اللى فيه شباب زي الورد
و ست عجوزة وقفة محدش معبرها
قلت اقوملها أنا يمكن حد يحس على دموا
و الا حد عبرني
المشكلة بقي إن الست دي كان معاها بنتها
لما الكرسي اللى جنبها فضي
بدل متخليني اقعد عليه اقعدت بنتها
سؤالى بقه للى بعدي
ماذا تفعل لو كنت مكاني؟

انا بالنسبة انى ولد كنت غلست على بنتها يعنى عاكستها ضايقتها باى طريقة


السؤال بقى نفس السؤال ماذا تفعل لو كنت مكانها؟

انا عن نفسى كنت هقوملها من الاول

والطبيعى بقى علشان انا ولد ولما يفضى الكرسى بنتها هى اللى تقعد فدا عادى جدا بالنسبالى

سؤالى بقى للى بعدى

ايه اكتر كلمة بتكرهها او مش بتحب تسمعها خالص فى حياتك وليه؟!!!!

اكتر كلمة بكرهها إن حد يشكك فى معتقادات حد تاني
لان مفيش انسان مهما كان ليه الحق إنه يحكم على انسان زيه
ممكن يعطي رأي و يقول إنه وجهة نظره
إنما إنه يصدر احكام
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

بصراحه اكتر كلمه بكرهها او مش بحب اسمعها وهي حقيقه ولازم هانواجهها في يوم من الايام

للاسف هي الموت

ليه؟ لأني بحس اني لسه مش عملت حاجه بجد تستاهل اني اقف قدام ربنا ويسألني انتي عملتي ايه
محترمه ومؤدبه وبصلي ؟ وايه يعني ما فيه كتير كده لكن حاجه ممكن ربنا يرحمني بيها وادخل الجنه مش عارفه عملتها ولا لأ

بس ربنا كبير وان شاء الله نتقابل في الجنه

لكن كل اللي اتمناه ان ربنا يحسن ختامنا بأذن الله

سؤالي للي بعدي ايه اكتر موقف وحش حصلك في حياتك وبجد حسيت انك لازم تسيب المكان وتمشي ؟؟






sheroo

سوري يا د/ عبير مخدش بالي انك جاوبتي

بس انتي مش سيبتي سؤال

يلا جاوبي بقي علي سؤالي ؟ ههههههه






sheroo

اكتر موقف وحش حاصلي كان في سنه رابعة وكانت مشكلة ادبست فيها انا واسراء من ناس زمايلنا وكانت مشكلة كبيرة ..وكنت هموت واخرج من المدرج عشان اعيط لاني مش بحب اعيط قدام حد مهما كنت حزينه بس مقدرتش طبعا احتراما لدكتر ايمان عشان كانت بتربينا في المدرج ..طبعا لزقت في مكاني وانفجرت مقدرتش استحمل وكانت اول مرة حد يشوفني بعيط طول الاربع سنين والدكتر زعقتلي اني عيطت لأن انا المجني عليها ..الله لا يعدها الايام دي
سؤالي بقي للي بعدي ..ايه الموقف اللي حسيت فيه بخوف شديد لدرجة الاحساس بانك علي وشك الموت من كتر الخوف؟؟

أكتر موقف حسيت فيه بخوف لدرجة الموت
موقف حصلى من شهر لما والدتى تعبت وجلها
هبوط حاد فى الدورة الدموية وأزمة قلبية مرة واحدة
بصراحه أنا مكنتش حاسس بنفسى غير أنى بجرى زى التايه
مش عارف أنده على قرايبى وأصحيهم الساعة 4 الفجر
ولا أنزل أجيب دكتور وحسمت الأمر بأنى أنزل أجيب دكتور
وجبته بالبيجامة من عيادته وأنا أساسا كنت نازل بلبس البيت
بس بجد جريت بسرعة جامدة بجد أول مرة فى حياتى أجرى كده
وكنت خايف جدااا لأمى أحلى حاجه فى حياتى تروح منى وكنت هموت بجد

انا عن نفسي مش هاعمل حاجة ..الموضوع ده صعب قوي بالنسبة للبنات رغم ان في بنات جريئة وبتعملها ..بس ممكن الواحد يحاول يفهمه باسلوب محترم يعني بالتلميح او باشاره ازاي بقي معرفش الصراحة وده هيتوقف علي درجة فهمه ..
او بقي الواحد يلجأ لربنا ملناش غيره ..والواحد يقضيها دعا بقي انه يحس ولا يفهم ..ويا يحس يا ميحسش ..ههههههههه
او ممكن بقي آخر ما تزهق قوي يعني ..ممكن تخبطه بحاجه وتستريح هههههه
سؤالي بقي ..ايه الحاجة اللي عملتها وندمت فعلا عليها وقلت يا ريتني معملت كده ؟؟؟

الحاجه اللي عملتها وندمت عليها بجد

ان كان فيه في امتحان الثانويه العامه سؤال مش كنت عارفاه بس مش فاكرة كان في ماده ايه تقريبا كان امتحان ألماني
المهم قلت اني احله علي حسب ما انا فاهماه وبعدين كان فيه بنت شاطرة اوووووووووي معايا في اللجنه وسألتها عليه وهي جاوبتني وقلت اكتب الاجابه دي بقي بما اني كده كده مش عارفاه وبلاش اجابتي اللي من دماغي

لما خرجت بقي بسأل المستر بتاعي واكتشفت ان الاجابه اللي انا كنت هاعملها هي الصح

دي مش مشكله بس المشكله بقي ان كان عليه درجه كبيرة وكانت ممكن تفرق معايا في التنسيق

علشان كنت هاموت وادخل كليه الألسن وفرقت معايا علي واحد في الميه بس لأن هي بتاخد 93 وانا جبت 92

علشان نبطل نغش في الامتحاااااان
بس مع العلم اني قلت ان السؤال ده كده كده بايظ والحمد لله انا دلوقتي مبسوطه اوي بالقسم اللي انا فيه مع اني كنت ندمانه اوي وبجد زعلت اني مش دخلت الكليه اللي بحلم بيها في الوقت ده

وعرفت برده ان الانسان مش بيتعلم بالساهل

طولت عليكوا اوووووووووووي بس كان لازم افضفض


سؤالي بقي ايه اكتر خبر وحش واكتر خبر حلو سمعتهم / سمعتيهم في حياتك ؟؟






sheroo

فارسة !!!!!!!! هههههههههههههههههههههههه


اهم حاجة فى (<فارسة >) احلامى الطيبة

الصفة دى مش ممكن استغنى عنها فى احلامى وبالنسبالى دى اهم صفة


السؤال


لو قولتلك تختار/ى شخصية مش عايشة معانا دلوقتى وكانت عايشة قبلنا فى اى زمن من الازمان هتختار مين تحب انه يكون موجود معانا فى زمنا دا ؟ ( دا مجرد سؤال للخيال )

ههههههههههههههههههه ..فارسة احلامك يا باسم اسمها فتاة احلامك يا فالح
بهزر يا باسم .
بس حلوة والله فارسة جاية من فارسي برضوا او من الفرسة ..ههههههههههه

مواصفاته انه يكون بيتحمل المسئولية ،اهم حاجة ميكونش كداااااااااااااااااب ..يعترف بغلطه بس ميكدبش
يكون علي قدر من التدين ، ويكون طموح ،محب للعلم ، يحترم شخصيتي وتفكيري وكمان طموحاتي ويشجعني ..يكون فاهم كويس ان الحياة مشاركة
مش مهم يكون غني ولا وسيم ..كله بيطلع في الغسيل ..هههههههههههههههههههه

ها اديني قلت عندك عريس بقي ؟؟؟؟؟

سؤالي بقي للي بعدي : تعمل ايه لو في يوم خارج من الأودة بتاعتك لقيت حرامي في وشك هههههههه؟؟؟

هارد علي سؤالك يا كاسو وحد يرد علي سؤالي اللي فوق بعدي
الشخصية هي سميرة موسي ..يمكن كان حال البنات انصلح شويه ..اكيد في شخصيات كتيره الواحد يتمني تبقي معانا

يالا جاوبوا علي سؤال الحرامي
نقوله تاني ...
تعمل ايه لو في يوم خارج من الأودة بتاعتك لقيت حرامي في وشك ؟؟؟

اوك ريم

هعمل زى بلدياتنا اللى لما الحرامى سرق تلفزيونه جرى وراه وقاله استنى انت نسيت الريموت ههههههههههههههههه

لا والله مش عارف هعمل ايه بس هبقى اجرب ههههههههههه

السؤال


ما مدى رضاك /ى عن نفسك هل انت شايف/ة انك فى الطريق الصحيح لحياتك ؟

انا عن نفسي الحمد لله راضية عن مشواري وطريقي تقريبا ميه في المية الحمد لله

السؤال بقي : لو شفت / ي الرسول صلي الله عليه وسلم تحب تقوله/ تقولي ايه او تسأله/ تسأليه ايه ؟؟؟

الله يا ريم حلو اوي السؤال ده
أنا نفسي أسأله هل فعلا هو أوصي لسيدنا على بالولاية من بعده؟
أصل الموضوع ده يفرق معايا أوي
سؤالى
لو كانت أقوي بلد فى العالم بالانتخاب هتختار أي بلد و ليه؟
و النبي مش عايزين مجاملات من اولها يعني لو حد هيقول مصر يبقي الجواب مقنع