لو سالتك انت مصري تقولى ايه؟

طبعا مش عايزاكو تقولوا ايوة مصري وابن مصري وابن مصر الله عليه زى ما بتقول ست نانسي ولكن عايزاكوا تقولولي لو كنتوا في اي بلد اجنبي وسالوك عن بلدك وطلبوا منك توصفا يا تري ايه الصورة اللي هتوصلهاعن مصر ويا ترى هتبقي فخور وانت بتقول انا من مصر ولا ايه ويا ريت الكل يرد علي الموضوع ده ضرو رى اما راى انا هتلاقوه في الاغنية دي مع حبي
https://www.youtube.com/watch?v=nvsA4mZSdRA

هقول اني مصرية حتي النخاع
وهفتخر وانا بقولها، عشان دي بلدي مصر اللي عشت وتربيت فيها ، مهد الحضارات والأديان والأنبياء
وكان مصطفي كامل بيقول ( لو لم أكن مصرياً لوددت أن أكون مصرياً)
عشان كده لازم اننا نعتز بقوميتنا ، لان القومية لو ضاعت هتضيع معاها الهوية
وانا فعلا بلاحظ ان المصريين معندهمش انتماء لبلدهم !!! مش عارفه ليه!!! تقريباً الشعب الوحيد اللي فيه الصفة دي
واحنا مصرين ودايما مصرين
I am Egyptian and I am proud of it

اکید هاقول انی مصریه وهافتخر بده لان ای دوله فیها مساؤي وعيوب واي مجتمع بيعاني من امراض وعشان تتحل لازم نعترف بيها ولازم نتمسك بقوميتنا وهويتنا عشان نغير من احوالنا مهما كانت علي قد ما نقدر ...انا مع اسراء اننا مش متمسكين بهويتنا واتفرقنا بقينا جماعات اللي بيقلد العرب واللي بيقلد الغرب وهكذا المهم انه يبعد عن كونه مصري وبيبقي نفسه يهرب من الحقيقه دي باي وسيله وكانها عار انه مصري ..ولو فعلا هي بقت عار انك تقول انك مصري فيبقي العيب فينا ويبقي احنا العار مش مصر هي اللي عار لان احنا اللي بنبني مصر ..شوفوا الايرانيين لو سالت اي حد هايقولك انا ايراني وهو في منتهي الفخر ويقولك انا آري ..رغم ان الشباب حاليا متجه للغرب بس بيقول انا ايراني وهو فخور وما يستحملش حد يقول كلمه في حق ايران ..يعني هو يشتمها ماشي لكن انت لا
يعني لو كانت مصر في ازمه حاليا فاحنا السبب ..مصر مش هتتقدم او هاتتغير الا لما احنا نفوق ونتغير
نعيب زماننا والعيب فينا وما لزماننا عيب سوانا

اشكرك سلمي على الموضوع الجميل ده
بس علشان اتكلم بأمانة
لو كنتي سألتيني السؤال ده من تلت سنين بس
كنت هقولك ان بلدنا متخلفة و انا مش فخورة بكوني مصرية
لكن بعد مقريت تاريخ بلدي
و اتعرفت عليها
و زرت اماكن سياحية
و خصوصا بعد مروحت لقصر و اسوان
دلوقتي و من كل قلبي بقول انا مصرية
و بجد و فعلا لو مكنتش مصرية
كنت اتمنيت اني اكون مصرية
يا ريت كلمنا ميبقاش واجب و بنأديه
لازم يبقى نابع من احساس حقيقي بالانتماء
و ده مش هيحصل الا لو عرفنا بلدنا بجد
مش مجرد كلام

الصراحة مصر فيها كثير من الايجابيات اللى مو موجودة فى اى بلد اخرى


بس ايجابتى ستكون للاسف انا مصرى

للاسف انت مصري !!!!يبقي من فضلك غير اسمك يا مدحت بلاش دوحا المصري ..ممكن تخليها دوحا اللبناني او السوري لان واضح انك متاثر بلهجتهم بدليل "مو" اللي ملازمة كلامك ..حقيقي عندي سؤال يا مدحت هو انت مش لغة عربية برضوا ليه "مو" دي ..يعني قصدي المفروض انك تكون اكثرنا تمسكا وانتماءا للغة العربية وقبلها لمصريتك ..ولا انت رأيك ايه ؟؟؟؟

لا انتى صح

بس دى تعتبر دردشة ولو اتكلمت باللغة العربية مو هتفهمونى

انا مقصدش يا مدحت اهانتك ..وكمان مش قصدي انك تتكلم باللغة العربية الفصحي ...انا كل قصدي اننا نتمسك شوية بهويتنا يعني نتكلم بالعامية المصرية بس

اسمحولي اتدخل في النقاش يا دوحا المصري و يا ريم لانه اثارني جدا
انا لماا شوفت كلمة "مو" دي بتاعت العرب اعتقدت انك تكون من العرب مش مصري
ولما عرفت انك مصري اتعجبت اوي
ليه متبقاش عندك انتماء وافتخار بلغتنا العاميه اللي بتميزنا احنا يا مصريين عن العرب
اكيد انت متعرفش ان اللهجة المصرية وبشهادة العالم كله هي افضل واسهل اللهجات علي الاطلاق
واعرف ايرانيين كتير اوي نفسهم يتكلموا باللهجة المصرية مش بلهجة العرب
يبقي ليه احنا بنتشبه بالعرب دول
انا عن نفسي مش بحب لهجة العرب ولا حتي بفهمها ومش عايزه افهمها


وليه للأسف انت مصري !!!!!!!!!!!!!!!!!!!!!!!!!!!!!!!!
اعرف ناس كتيره اوي نفسها تشوف عن قرب ذره من تراب مصر
وناس كتيره اوي مغتربة ونفسها ترجع لبلدها ولو لدقيقة واحدة
اظاهر انك مش عارف قيمة مصر
او انك بتخلط الامور بين الارض والحكومة!!!!!!!!!!!!!!!!!
يا ريت توضحلنا

بصراحة انا بحب بلدى جامد سواء كانت حلوة او وحشة اوحتى فيها سلبيات اكتر من الايجابيات وبزعل جدا لما بشوف حد بيقول لاسف انى مصرى واى حد مش عجباة البلد يمشى منها

طبعا انا مصرى

ومش هقول دلوقتى ليه

لان الكلام بجد يطول

بس كل اللى عايز اقوله انى سعيد جدا بكونى مصرى

الحقيقة انا نفسي كل واحد بيتكلم عن مصر يسأل نفسه الاول هو عمل ايه لمصر؟
اول على الاقل بيخطط انه يعملها ايه؟

مصر أم الدنيا
أنا بحب بلدى ولكن بـ تيييت حكومتها
وبعشق نيلها وشمسها
وخيرها وبحرها
ورجالتها وأرضها
وتاريخها وشعبها
وأظن حضرتك عارفه يا د/ عبير أنا نفسى أعمل وأحقق وأطور أزاى فى البلد دى

انااااااااااااااا مصرية مهما كان فى مصر من عيوب انا بردو مصرية
و حسيت بكدة اوى لما سافرت برة مصر و شفت ان كل بلد ليها مميزات و عيوب
و الفترة الى عشتها برة دى خلتنى افتخر بجد انى مصرية و شفت ازاى الناس بتتمنى بس تنزل تشوف مصر و الاثار الى فيها
بجد مصر دى حاجة كبيرة اوىىىىىىىىى و غالية اوى مش بيحس بقيمتها غير الى بيبعد عنها بس
موضوع جميل جدا بجد

مرسي اسراء على ردك
و انا فخورة بيكي و بأي حد يكون بيفكر تفكيرك و حاسس انه بيشتغل علشان بلده مش بس علشان الفلوس
و شكرا تقي على ردك الجميل
بس يا ريت لو تقوللنا انتي كنتي مسافره فين
و تحكيلنا شوية عن تجربت الحياة فى بلد غريبة