اختبار لمعرفه نوع ذاكرتك

السلام عليكم و رحمة الله و بركاته ياشباب:

ذاكرة الإنسان حقل لا زال العلماء يستكشفونه و يلقون الأضواء على خفاياه , يحدد هذا الإختبار نوع ذاكرتك

ما الذي يحركك و يبقى في ذاكرتك من فيلم تشاهده ؟

1. الموسيقى و المؤثرات الصوتية ( 5 نقاط )
2. وجوه الممثلين و تعبيراتهم ( 3 نقاط )
3. أطرف ما في حواره من عبارات ( نقطة واحدة )

فيم تفكر بعد جلسة أو سهرة مع أصدقائك ؟

1. الأسرار و الإشاعات و المعلوملت الشخصية التي سمعتها ( 5 نقاط )
2. الملابس التي كان يرتديها أصدقاؤك ( 3 نقاط )
3. المكان الذي كنتم فيه ( نقطة واحدة )

ما الذي تقوله لصديق لك عندما تفترقا ؟

1. إلى لقاء قريب ( 3 نقاط )
2. فلنبق على إتصال ( 5 نقاط )
[color=violet]3. سأمر عليك أو أتصل بك غداً =green]]( نقطة واحدة )

إذا قضيت ليلة بغرفة فندق , ما أكثر ما يستدعي إلتفاتك ؟

1. رائحة عطرها ( نقطة واحدة )
2. تنظيم أثاثها ( 3 نقاط )
3. أصوات جهازالتكييف بها و الشارع أسفلها ( 5 نقاط )

في المدرسة ، ما أكثر ما يساعدك على فهم درس أستاذك ؟

1. ان يشرحه على السبورة ( 3 نقاط )
2. أن يعطي أمثلة عملية ( نقطة واحدة )
3. أن يعيد شرحه أكثر من مرة ( 5 نقاط )

إحسب مجموع نقاطك لتتعرف على نوع ذاكرتك ...


النتيجة :

من ( 5 - 11 ) نقطة : ذاكرة حسية

يجب أن تحس بالأشياء لتتذكرها , أن تشعر و تدرك كل ما حولك , لذا حينما تتحدث تلوح عادةَ بيديك و تعطي أمثلة لما تقوله , تفضل ألا تحرك او تسير أثناء المذاكرة لتستوعب ما تذاكره , لا تتذكر وجوه الأشخاص الذين تقابلهم لكنك لا تنسى الكلام او العبارات التي قيلت

من ( 12 - 18 ) نقطة : ذاكرة بصرية

تبقى المناظر و المشاهد و الصور و الكتابات و كل ما تراه عينك محفوراً فى ذاكرتك , أنت تتذكر ما تراه من رسوم ، فاكسات ، مذكرات ، خطابات ، جداول ... و غالباً ما تحتفظ بما تدونه بخط يدك لأنك تتذكره , تفضل أن يكون المكان الذي يحيط بك منظماً و أوراقك مبوبة في أرشيف خاص بها

من ( 19 - 25 ) نقطة : ذاكرة سمعية

لتتذكر شيئاً تفضل أن تسمعه و تعيده أكثر من مرة , و حينما تتحدث مع شخص تلاحظ نبرة صوته و التعبيرات و الكلمات التي يختارها للتعبير عن آرائه , و عندما تواجه مشكلة تبحث عن حل تناقشه معه . الأصوات الهادئة ( كالموسيقى ) تساعدك على التركيز و أنت تذاكر او تعمل , بينما تقلل الأصوات القوية المزعجة انتاجيتك و تثير أعصابك , ما تتذكره بسهولة هو الكلمات و المحادثات و المكالمات الهاتفية و كلام الأغاني


وابقوا قولولى ذاكرتكم نوعها ايه؟؟؟؟؟؟

( 19 - 25 ) نقطة : ذاكرة سمعية

لتتذكر شيئاً تفضل أن تسمعه و تعيده أكثر من مرة , و حينما تتحدث مع شخص تلاحظ نبرة صوته و التعبيرات و الكلمات التي يختارها للتعبير عن آرائه , و عندما تواجه مشكلة تبحث عن حل تناقشه معه . الأصوات الهادئة ( كالموسيقى ) تساعدك على التركيز و أنت تذاكر او تعمل , بينما تقلل الأصوات القوية المزعجة انتاجيتك و تثير أعصابك , ما تتذكره بسهولة هو الكلمات و المحادثات و المكالمات الهاتفية و كلام الأغاني

من عنيا يا حبيبتى

تسلم عيونك ياعيونى

مرسی یا انوس علی الاختبار ده

هههههههههههه بس انا بقی فی الاختبار ده فی حاجه غریبه

وفقا للدرجات دی فانا 23 یعنی سمعیه واللی مکتوب صح فیا ....العجیب بقی انی اللی مکتوب فی البصریه ..برضوا فیا
لانی لو شفت حاجه فعلا بتتحفر فی دماغی ..حتی لو ورقه وقریتها شکلها بتفاصیلها بیکون فی دماغی ..اقولک علی حاجه هههههههه
فی الامتحانات لما کنت باجی احل کنت بفتکر الاجابه بشکل الورقه ..یعنی احیانا وانا بکتب وانسی حاجه کنت اغمض وافتکر شکل الورقه اعرف انهی سطر ولا ای معلومه اللی ناقصه هههههههههه
ولو شفتینی وانا بذاکر یمکن تستغربی ..هتلاقینی بصه للورقه وبس ..کانی بصورها ولا بنسخها فی دماغی ..بدون ای صوت ههههههه

فی نفس الوقت لو حد بیکلمنی وبعدها اجی افتکر کلامه ..بفتکر نبرت الصوت وکمان تعبیرات الوجه کانت ایه واحلل بقی الکلام وافهمه ... عشان کده احیانا بحس ان الشخص اللی بیکلمنی بیجیله احساس انی متنحه مش فاهمه الکلام مثلا او انی ببص له اوی هههههه والافلام برضوا ...یعنی تعبیرات الفنان والموسیقی دایما افتکرهم سوا .....
یا تری بقی فیه ذاکره سمعیه بصریه مثلا ...
وهکذا یعنی ممکن تبقی الذاکره مزدوجه ولا هی اما بصریه ولا سمعیه او .......
یاریت تبحثی فی الموضوع ده یا انوس ..وتجبیلنا ای معلومه ..مرسی علی الموضوع ..اسفه علی الاطاله

ميرسى يا انوس على الاختبار الجميل ده
انا ( 12 - 18 ) نقطة : ذاكرة بصرية
بصراحه انا لما برجع من مكان ببقى فاكره كل تفاصيله حتى الدقيقه اوى
وفعلا انا اودتى مترتبه ترتيب حتى مش زى اخواتى يعنى بحط ورقى بشكل معين وفى حته معينه وبذاكر بالكتابه لان ده اكتر حاجه بتقدر تفكرنى وتفضل فى ذاكرتى وذاكرتى السمعيه تعتبر منعدمه

اولا ميرسى ياريما على مرورك وردك
ثانيا معتقدش ان فى حاجه اسمعها ذاكرة سمعيه بصريه بس لو عاوزة من عينيا حالا يبقى فى نوع رابع علشان خاطرك انتى بس يعنى واحده بس من 80 مليون شخص ماشاء الله بتجمع بين النوعين هههههههههههههههههه
تشخيصى انا لحالتك انه انتى عندك ملكه من عند ربنا كده انه انتى ما شاء الله بتجمعى بين النوعين وعملتيلنا نوع رابع بجد مش بهزر ما شاء الله الله اكبر عليكى ربنا يحميكى ياااااااارب
وشكرا مرة تانيه على مرورك

ميرسى ليكى انتى يامرمر يا قمر على مرورك

هههههههههه لا یا شیخه ..والله اول مره احس انی عبقریه اوی کده ونابغه هههههههه ..انا بتکلم بجد ..بس ابحثی بس فی الموضوع کویس

ههههههههههههه
انتى مش مصدقه ولا ايه؟؟؟
ربنا يهديكى ياريم وتصدقى والله انا رجعت للموضوع تانى وملقيتش حاجه بخصوص حالتك دى هههههههههههه

يعنى مفيش امل ههههههههههه

هههههههههههه لا فی امل علی فکره وجارتی وصحبتی کمان ایه رایک بقی

ايه ده؟؟ هما عملوا نفس الاختبار يعنى وطلعوا زيك كده؟؟؟
ربنا يستر الموضوع بدأ يتوسع ويكبر مننا والحالات بتزيد
ربنا يستر علي الباقيين ههههههههههههههههههه
خلاص ياستى اوعدك انى هبحث فى الموضوع وبعدين هقولك
بس المشكله فى انى هجيبك منين انتى بتدخلى كل فييييييين وفييييين
وعلى ما اجيبلك النتيجه اللى وصلتلها هتكون الحالات زادت ههههههه
خلاص والله اوعدك انى ان شاء الله هبحث فى الموضوع
(الله يخرب بيته اختبار اللى يكبر الموضوع كده هههههههههه )
بهزر طبعا ميرسى ياريم مؤقتا على ما ابحث فى الموضوع وهمتك معايا برده اوك؟

هههههههههههه الامتحانات لحست عقلک یا انوس باین صح هههههههه

هههههههههههههههه عندك حق ياريما وربنا يستر

اولا مرسى يا انوس على الاختبار اللذيذ دة
انا بقى طلعت 11 يعنى ذاكرتى حسية
بس فى اسألى اجابتها عندى حاجة تانية خالص غير المكتوبة فكنت ساعات بختار الاجابة الاقرب

ميرسى يا عيودتى على المرور ياحبى نورتينى

ميرسى انوستى
انا طلعت 11 ذاكرة حسية... كل خصائصها موجودة فيا ماعدا الجزء الاخير
لا تتذكر وجوه الأشخاص الذين تقابلهم لكنك لا تنسى الكلام او العبارات التي قيلت
بالعكس انا ممكن انسى الكلام لكن مانساش الاشخاص
وبرضوا خصائص البصرية موجودة فيا ما عدا الجزء الاخير
بصراحة انا مش منظمة وماعرفش اذاكر الا اذا كانت الكتب كلها كدة مفتوحة
بستلذ انا افضل ادور على الكتاب فى الكركبة اللى بذاكر فيها هههههههه
ماما دايما تقولى انتى بتذاكر فى سور الازبكية

وبرضوا خصائص السمعية موجودة فيا ماعدا الجزء بتاع الموسيقى
ممكن اكون بتعصب فعلا من الاصوات العالية والدوشة
لكن عمرى ماذكرت او عشان اركز فى حاجة اشغل موسيقى


شكرا يانووووس بجد الموضوع جميل جدا جدا جدا