لو كنت مسئولا...

سلام
دلوقت الناس إبتدت تاخد الاجازة
و أنا هقترح عليكو لعبة صغيرة
لعبة لو كنت مسؤل
كل واحد فينا هيقول الاول هل هو يحب فى يوم من الايام يكوون مسؤل كبير فى البلد و الا لا
و لو يحب
يا تري يكون فى أي مجال
و يبتدي يقولنا عن تصوره لمنصبه و التجديد اللى ممكن يعمله
و إحنا كمان نسأله و نتناقش معاه فى القرارات اللى ناوي يخدهها
فى البداية
أنا عن نفسي أحب دايما أفضل مواطن عادي
يعني لا أطمح فى أي منصب و إن كنت ليا مواقف و أراء
أنتوا ايه؟

اجازة سعيدة علي الجميع سبقتينى انت بالفكرة دي يا دكتور عبير انا كنت ناوية اعرضهاعليكوا اول ما اخلص امتحانات بس يالا خليها علينا احنا المرة دي انا نفسى ابقي المسئولة عن حل مشكلة البطالة اول حاجة هعملها هاطلب من وزير التعليم التعاون معاية بوضع خطة لتحسين التعليم والخطة دى تتضمن تطوير وتحسين قدرات الطلاب وتشغيل مخهم بدل الخفظ والصم وكمان الاهتمام بالثانوى الفنى لانه ثروة محتاجة الاهتمام بيها وهيفيدو البلد جدا وهخلى الطلاب اول مايوصلوا للمرحلة الثانوية يتعلموا شغلة او صنعة تنفعهم ولو بمرتبات بسيطة
اما بقي الشباب العاطل اللى قعدين على القهاوى هعمل حصر لعددهم واشوف نوع العمالة اللى ناقصة في مصر اعدهم احسن اعداد للوظائف دى وابعت منهم بعتات للخارج لتعلم الشغل واتقانه علي حق ويرجعوا يعلموا غيرهم بدل الاستعانة بالخبراء الاجانب بمرتباتهم الخيالية بصراحة انا اخدت الفكرة دي من محمد على باشا اصل في وقته عرف يشغل الكل علي حق استفاد منهم صح وكفاية كدة عليكوا وقولولى را يكو فى الافكار دي حلوة واكمل ولا استقيل من منصبي واقعد في البيت

أن شاء الله أجازة سعيدة ومثمرة على الكل ويااارب كله يحقق أهدافه في الأجازة
أنا كان ليا زمان حلم وأمنية
الحلم الشبه مستحيل هو رئاسة الجمهورية ولكن أنا مش بطلبها لأن
((من طلب شئ وكل إليه ومن طلب إلي شئ أعين عليه)) صدق رسول الله (ص)
بس أنا حاسس أني هقدر أعمل حاجة لبلدي وأغير سلبيات كتير فيها
ودا طبعا بمساعدة ربنا (سبحانه وتعالى) ثم الشعب اللي هو أنتو
التجديد اللي ممكن أعمله هو أني هتبع سياسة مصلحة بلدي أولاً
يعني هعمل اللي فيه مصلحة البلد من غير خوف ولا تهديد من دول عظمى أو صغرى
زى السادات(قدوتي)بطل الحرب والسلام ومحمد على والزعماء الكبار
أما عن أمنيتي فهي تقريبا أختفت بسبب مجموع الثانوية العامة
وهي أعلامي وده لأني أكتشفت في نفسي حاجات جميلة من صغري
زي اللباقة في الكلام والثقافه وحبي لنشرات الأخبار وقراءة الجرايد
هذا كل ما لدي من أحلام وأتمنى من الله أن يوفقكم ثم يوفقني فى حياتنا
وأن نكون عملا صالحا لبلدنا وأن نعمل على تقدمها والنهوض بها.

شكرا سلمي و شكرا مصطفى
كلامكم جميل
بس على رأي المثل اللى أيدو فى المية مش زي اللى أيدو فى النار
و علشان بقى يبقى أيديكم فى النار بما إنكم شايفين نفسكم تنفعوا مسئولين
ممكن كل واحد فيكم يقدملنا برنامج نمشي عليه فى الاجازة على شان نحقق أكبر استفادة ممكنة من الاجازة
و أنا عن نفسي لو عجبني الكلام
هكون أول واحدة تنفذوا بالحرف الواحد
أظن ده أسهل بكتير من حل مشكلة البطالة
أو تغيير سياسة البلد
مش كدة و الا ايه؟

هاي بيرو : دايما موضوعاتك جميلة ومهمة . وردودك كمان مناسبة فعلا لأن الواحد أول ما يكون مسئول هيكون مش مسئول عن الناس خالص هيكون مسئول عن أسرته ومحاسيبه عشان يوفر لهم كل حاجة .
أنا فعلا كان نفسي أكون مسئول كبير ومهم وعارف ان عاوز أعمل إيه لو بقيت مسئول فعلا لكن هيبقى في ناس كتير معترضة ناس أقوى مني جدا جدا وأنا عارف أنا بأقول إيه.
بس المهم أنا عندي اقتراح أتمنى تسمعوه والرد ليكم أنتم . طبعا اكيد كل إنسان عنده موهبة ربنا من عليه بها وكمان عندنا خبرات في مجالات مختلفة ودا من أجل التكامل بن البشر لأننا كبشر لسنا كاملين بل لدينا مواهب في نواحي وعدم معارف في نواحي أخرى. أنا بأقترح عليكم اللي عنده موهبة زي الشعر أو التأليف أو حتى الموسيقي أو من يملك معلومات في أي مجال يبعت لنا يعرفنا بموهبته ونماذج منها وكمان يدلنا على مواقع تعرفنا اكتر بالمجالات دي. كمان ممكن نعمل حلقات نقاشية على المنتدى وليكن مثلا حديث عن رؤية كل واحد فينا مثلا لزيارة أوباما لمصر وخطابه في جامعتنا العريقة أو نجاح نجاد في ايران او صعود اليمين الإسرائيلي . ممكن ولا طلبي مش هيعجبكم؟
أنا عن نفسي زي ما وعدتكم هاكلمكم عن الديانة اليهودية واسقاطاتها على السياسة مع الفلسطينيين والعالم كله وكمان التيارات المختلفة والمجتمع الإسرائيلي من الداخل فلنتعاون جميعا
عادل

هاي بيرو : دايما موضوعاتك جميلة ومهمة . وردودك كمان مناسبة فعلا لأن الواحد أول ما يكون مسئول هيكون مش مسئول عن الناس خالص هيكون مسئول عن أسرته ومحاسيبه عشان يوفر لهم كل حاجة .
أنا فعلا كان نفسي أكون مسئول كبير ومهم وعارف ان عاوز أعمل إيه لو بقيت مسئول فعلا لكن هيبقى في ناس كتير معترضة ناس أقوى مني جدا جدا وأنا عارف أنا بأقول إيه.
بس المهم أنا عندي اقتراح أتمنى تسمعوه والرد ليكم أنتم . طبعا اكيد كل إنسان عنده موهبة ربنا من عليه بها وكمان عندنا خبرات في مجالات مختلفة ودا من أجل التكامل بن البشر لأننا كبشر لسنا كاملين بل لدينا مواهب في نواحي وعدم معارف في نواحي أخرى. أنا بأقترح عليكم اللي عنده موهبة زي الشعر أو التأليف أو حتى الموسيقي أو من يملك معلومات في أي مجال يبعت لنا يعرفنا بموهبته ونماذج منها وكمان يدلنا على مواقع تعرفنا اكتر بالمجالات دي. كمان ممكن نعمل حلقات نقاشية على المنتدى وليكن مثلا حديث عن رؤية كل واحد فينا مثلا لزيارة أوباما لمصر وخطابه في جامعتنا العريقة أو نجاح نجاد في ايران او صعود اليمين الإسرائيلي . ممكن ولا طلبي مش هيعجبكم؟
أنا عن نفسي زي ما وعدتكم هاكلمكم عن الديانة اليهودية واسقاطاتها على السياسة مع الفلسطينيين والعالم كله وكمان التيارات المختلفة والمجتمع الإسرائيلي من الداخل فلنتعاون جميعا
عادل

انا نفسي اكون دكتورة في الجامعه احاول اغير حاجة في طريقة الشرح

كالعادة ليكي افكار متميزة ..
انا لي رأي في الموضوع ده هو هل لازم الانسان يوصل لمنصب ما عشان يصبح مسئول؟ اعتقد مش لازم ..وقصدي من كده ايه ؟ هو ان مش المسئولين او الجهات الرسمية هي اللي هتغيرنا ..انا شايفة ان كل انسان لازم يكون مسئول علي نفسه قبل ما يبقي مسئول علي غيره لان فيه حجات كتيره مهما المسئولين عملوا وصلحوا مش هاتتغير ..الا لما نغير احنا من نفسنا ولما احنا نبقي مسئولين عن نفسنا اعتقد مش هنحتاج او مش هنستني تغيير المسئولين
يعني مثلا فيه حاجات كتيره في حياتنا ليها قوانين واحنا بنتعمد نخرج عنها ..يبقي المسئول هيعملنا ايه ؟
والحقيقة انا مش عارفه لو انا بقيت مسئولة هل هاقدر اطور واجدد في كل حاجة يعني هاكون مثالية ولا لا ..الحقيقة مش عارفة ..بس اللي اعرفه اني هابذل كل جهدي ..وعشان كده لازم يكون فيه تغيير دائم للمسئولين ..يعني مش الواحد يفضل في المنصب لحد ما يموت مثلا ..وده لان الواحد لما بيكون داخل الموضوع مش بيبقي شايف الايجابيات والسلبيات صح ..يعني بيبقي معتقد انه صح تماما وانه مش مقصر ..بس اللي بعيد عن المسئولية بيراقب وبيكون شايف ايه الايجابيات والسلبيات ..وبيعرف فين مواطن الضعف ..والمفروض علي المسئول الجديد يغير مواطن الضعف دي ويبعد عن اخطاء اللي سبقه ..وكده تتقدم الدولة او المؤسسة وهكذا

انا لو كنت مسؤلة فهبأ مسؤلة على القمامة الى موجودة فى الشوارع لانى اعتقد ان وجدها هو السبب فى الامراض الكتير الموجودة حاليا وبجد يا جماعة لو كل واحد بدا بنفسه هنحس بالفرق

بناء علي طلب الجماهير اللي طلبو منى خطط لاستفادة من الاجازة علي الرغم من ان الجماهير دى هى د/عبير بس
اولا انا مش شايفة مشكلة في الخطط ولكن شايفة المشكلة في المثابرة على التنفيذ
وادي شوية اقتراحات اولا مثلا لية منخليش الاجازة دي اختبار لقوة ارادتنا ازاى ؟ يعني نحدد حاجة نعملها في الاجازة دى تكون من اختيارنا وبنحبها يعنى زي رياضة جديدة نتعلمها حفظ جزء معين من القران الكريم مع التفسير لغة جديدة عمل جديد بشرط اننا نكون ف ي اخر الاجازة انجزنها فعلا وتقدر تقول انا في الاجازة دى فعلا عملت حاجة مفيدة
ثانيا اكتشف بلدك وانا عارفة ان الفكرة دى تم عرضها مسبقا وجرب احساس السائح في بلدك
ثالثا دى اقتراح لو تم الموافقة عليه هفرح جدا وهتخلينا بدل ما نقرا مثلا 5-6 كتب في الاجازة ممكن يوصلوا 19 مثلا ازاى؟ هقاقوللكوا ازاى يعنى مثلا انا قريت كتاب وسمر كتاب ورفيدة كتاب وريم واسراء كل واحدة كتاب وكل واحدة فينا كتب الفكرة العامة والخطوط العريضة في الكتاب والافكار المستفادة بكدة بدل مااكون قريت كتاب واحد واستفدت منه اكون ستفدت من افكار 5 كتب ولا ايه رايكو وفي لسة افكار تانية بس الاول انا مستنية ردكوا على الافكار دى ولكم منى جزيل الشكر مع حبي لكم

وأستجابة لطلب د/ عبير مع أنك مردتيش عليا في موضوع خطاب أوباما
أنا بقول أن الأجازة هى ورشة عمل للدراسة بحيث نحاول نقوى لغتنا
ونحاول نستفاد منها فى أعمال تانية كتير زى الخروج وصلة الرحم
والأستمتاع بيها أكبر وقت ممكن فى أوقات الراحة والعمل وخاصة العمل
لأن بجد أكبر حاجة تفيدك خبرات فى الحياة هي النزول للعمل والتجارة
ومعرفة الناس والأستفادة من خبراتهم وأهم حاجة أنك تعرف متطلبات سوق العمل
علشان لما تتخرج تعرف أنت هتنجح في أي مجال وتحدد مصيرك من دلوقت

اشكرك يا مصطفى
بس بالنسبة لموضوع اوباما
انت قلت انا كنت محضر حجات و اتمسحت قبل منزلها
المفروض بقى اني اعرف انت كنت ناوي تقول ايه و ارد عليه
هاهاهاههاهاهاهاهاهاه
بس فكرة العمل دي جامدة مووت
يا ريت لو تحكيلنا على تجربتك الشخصية فى الموضوع ده
و بجد كنا مفتقدينك فى رحلة الهرم
انت مجتش ليه؟؟؟؟؟؟
اما بالنسبة لسلمي الجميلة
افكارك فعلا كلها هايلة
و فيما يخص مشروع اعرف بلدك احنا مشين فيه فعلا
و لسه كنا فى الهرم امبارح
انا نزلت اعلان على المنتدي
بس المكسليين كتير فى بلدنا
و على العموم المجموعة اللى طلعت قضت يوم تحفة

ميرسي عبير ويارب تكون الفكرة عجبت ناس كتير
بس أحب أوضح لحضرتك 3 حاجات /
أولا/ موضوع خطاب أوباما عدى خلاص وأنا كنت عاوز رأيك هل أكتب تقرير مفصل تاني ولا أستنى رأى الإدارة فى الشكوى اللي بعتها ولسه مردوش عليا لحد دلوقت ولكن قضي الأمر .
ثانيا/ أعتذر عن عدم حضوري ووجودي معكم فى رحلة الهرم بسبب ظروف الشغل بس ربنا يقدرني وأكون معاكو فى رحلات تانية وصدقيني ياعبير أنا بكتب الرسالة دى وأنا ميت من التعب
بس قولولى صحيح عملتوا أيه فى الحر ده وأيه أخبار أبو رامي (أبو الهول سابقا)
ثالثا/ أنا أساسا مولود فى محل يعني تاجر من صغرى وده لأن بابا كان عاوز يأمن مستقبلنا بس مش حكاية فقر الحمد لله أحنا عايشين مستريحين بس لحبي الشديد للتجارة ولأني توليت مهمة الوقوف فى المكتبة من سن 6 سنوات تقريبا بسبب أني الكبير وأنشغال أبي وأمي بالوظائف الحكومية فأبى موجه أول ووكيل إدارة التدريب والمتابعة بالوزارة وأمي مدرسة أولى أنجليزى وهما أصروا على أني أعتمد على نفسي وأتعلم الشغل من صغري بدل ما يوقفوا حد غريب وأستمريت فى المحل والسوق والتجارة لحد لما حسيت أني أستكفيت من الخبرات والقدرات اللى تخليني أشتغل بره وتركت الراية لأخواتي الصغار فى المحل بتاعنا بس بجد يا عبير أحلى أيام وفترات حياتي لما كنت بروح المحل أشتغل وأذاكر وأحس بقيمة القرش وفى الأخر أنجح وأجيب أحسن مجموع سعادة الدنيا كلها تبقى عندى و لما نزلت شغل بره كنت بلاقي المعاملة الكويسة والوحشة وحسيت أكتر بقيمة الفلوس وقيمة الكرامة وأنا في محلي بس كنت بتعامل مع الشغل شغل وأهي فترة وتعدي وأنظر لمحاسنها زى الخبرة وتعلم حرفة وصنعة جديدة ومعرفة طباع الناس وأزاي تتعاملي مع كل واحد فيهم وحاجات تانية كتير بس كنت عنيد شوية وعندى حتة الكرامة والشخصية في الشغل جامد ودا سبب تركي لوظائف كتيرة وأشتغلت كذا حاجة من بائع إلى بقال لكهربائي ثم ظابط أمن في فندق سوفتيل على النيل بعد أختبارات شخصية قوية وشغل كتير فى الأجازات ثم أخيرا مساعد شيف وحاليا بقالي سنة جرسون (ويتر) وعلى الرغم من أنها حاجه مش تشرف قوى بس أنا لاقي نفسي ومتعتي وحلال وبعدين كمان هتنفعني مع العبرى وتعمل أحلى شغل فى طابا وشرم ودهب يبقى أيه المانع أني أستمر فيها وبس
أخيرا أتمنى أن أكون عند حسن ظنكم ومعذرة إذا كنت طولت عليكم والسلام عليكم جميعا

ربنا معاك انا مبسوطه جدا من كلامك لان اي شغل شريف بيدي قيمه لصاحبه

علی فكرة يا مصطفى
الشغلنات اللى انت بتقول عليها دي هي الشغلنات اللى تشرف بجد
لانها بتقوم على مجهودات بدنية
يعني المكسب من عرق الجبين زي مبيقولو
مش واحد قاعد على مكتب و اخر الشهر ياخد مرتب
انا فخورة بيك جدا
و مستنين نسمع منك حكايات اتعرضتلها فى حياتك
عرفتك ازاي تعرف الانسان الكوييس من الوحش
شكرا ليك

أنا مش ناسيكى يا عبير والله بس الموضوع ده طويل قوى وأنا أجلته شوية
حكاية أنك تعرفى الأنسان الكويس من الوحش موضوع مهم وكبير لأن دلوقت فى ناس كتير مش بتظهر على حقيقتها وبتبان طيبه وكويسه وصاحبك وحبيبك ومعاكى على الحلوة والمرة ولكن فى الحقيقة هما لابسين قناع دنئ علشان مصلحتهم أو غرض معين أو حتى يعملولك مشاكل وحوارات ويوقعوكى فى الغلط وبصراحه قابلت منهم كتير فى حياتى وشغلى وصحابى حتى أقرب الناس ليا طلعوا كده وأتصدمت فيهم مرة وأتنين بس بعد كده أتعلمت أنى أفرض جميع الأفتراضات وأحسبها بعقلى شوية بدل قلبى اللى تعب من كتر الصدمات والقسوة والغدر وخاصة الأخيرة لأن فى ناس كتير الغدر فى طبعها
يعني مثلاً أنا عن نفسي لقيت مرة قريبي بيقولى وهو ماشى معايا أنا كل واحد أعرفه فى الدنيا بعرفه علشان مصلحة طب أنتو لو مكانى تعملوا ايه لأ وكمان بيقولها فى وشى وواحد صاحبي مرة تانية يقولى لازم تبقى (سيس) يعني شرانى وواحد تالت ألاقيه بيعمل مواقف ندالة كتيرة أدام عنيا ومن ورايا واللى تلاقيه يضربك فى ظهرك يعني يكلم عليكي من وراكى كلام مش كويس وحاجات تانية كتييييير
أما بقا الأنسان الكويس ده قليل لما تلاقيه وأنا عن نفسي لازم ألاقى فيه صفات معينة ده طبعاً بعد لما أعمله كذا أختبار ومواقف والرجالة بتتعرف من المواقف أما الصفات فلازم يكون محترم وطيب ودماغه كويسة والحقيقة ملقتش لحد دلوقت غير صاحب واحد بس بمعنى الصحوبية والأخوة والصداقة وإذا كان فينا حاجات مش حلوة بنصلحها لبعض وبنتقبل بعض بس أنا من رأيى أن أوحش حاجه فى الشباب الندالة وفى البنات الغيرة اللى عاوزة موضوع لوحده وعموماً نحاول نتقبل صحابنا بعيوبهم ومحاسنهم والأحسن من ده أننا نصلح عيوبنا الأول ولو فى حد شايف عيب فى صاحبه يقوله علشان يحاول يصلحه وبكده مش هيبقى فى أنسان واحد وحش
وبعدين كلنا فينا عيوب بس الذكى اللى يصلحها
والكمال لله وحده

الموضوع دا جميل جدا انا بحب جدا مساعدة الناس وخاصة عندما ارى الفرحه تلمع فى عيونهم وتظهر على وجوههم وممكن ان اساعد الناس من جهه غير ان اكون فيها مسئوله فلكل شخص منا دور فى الحياه لابد ان يستغله فى احسن الطرق تجاه نفسه وتجاه اسرته واتجاه مجتمعه وبلده
ولو احببت ان اكون فى مجال وهو الطب نرى الكثير من الناس لايكون معها ثمن التوجه الى المستشفى وحتى العلاج فى مجتمعنا هذا لايوجد رحمه وان وجدت فهى قليله كثير من الناس تمت بسبب ذلك لعدم توافر المال معها وانا احب ان اساعد الناس فى هذه الحاله لما يحدث لهم من الالام وانا لااستطيع ان ارى احد امامى يتألم ولا اساعده وفى النهايه اتمنى ان تكون مشاركتى وكلامى قد اعجبكم

عندك حق يامصطفى انا اتعرضت لكل اللى انت اتعرضتله بالظبط وكانت صدمات صعبه جدا واثرت فى نفسيتى جدا وخلتنى مش عارفه اثق فى اى احد مش عارفه اذا كان الشخص بيعرفنى عشان مصلحته ولا لأ مبقتش عارفه احكم على الناس بس برده اكيد فى ناس كويسه بس بصراحه قليل وبجد انا مبسوطه جدا بكلامك عن تصليح العيوب ياريت نعمل دا فعلا ونتقبله بروح حلوه ومحدش يزعل لان الاغلب اللى قابلتهم بيدايقوا جدا وبيزعلوا

بجد ردك أنسانى ولبق جداُ ميرسي أوى يا دينا على مرورك الرائع
وعجبتنى أوى حكاية أنك تساعدى الناس اللى عندهم مرض أو ألم لأن بجد الطب دي مهنة الرحمة وليست الشهرة
بس سورى فى السؤال أنتى دينا مين بالضبظ
مع جزيل الأحترام والتقدير ومستنين مشاركات أكتر

بصراحه انا مش فاهمه قصدك فى دينا مين بالضيط انا من قسم اجتماع واول مره ادخل على موقع يخص كليتنا اتمنى انى اكون وصلتلك اللى انت تقصده

أهلا بيكى يا دينا ونورتى المنتدى
وعلى فكرة أنا مش قصدى حاجه بس أفتكرتك معانا فى لغات شرقية
ونورتى المنتدى بجد