كليه الأداب
اهلا وسهلا بك فى منتدى كلية الاداب




 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 مقال لاستاذة جيهان الغرباوي !!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Reem abu elkhir

avatar



انثى الابراج : السمك الأبراج الصينية : القط
عدد الرسائل : 836
العمر : 30
السٌّمعَة : 0
نقاط : 1377
تاريخ التسجيل : 18/03/2009

مُساهمةموضوع: مقال لاستاذة جيهان الغرباوي !!!   الأربعاء ديسمبر 09, 2009 8:36 pm

حسرة عليا وعلي شبابي من بدري
أنا كل ما أفكر‏..‏ ألاقي نفسي خسارة وعمري رايح هدر في البلد دي‏.‏
وأكبر دليل امبارح‏:‏ وصلتني علي الموبايل رسالة كلها قلوب ودباديب وحركات‏,‏ بمناسبة عيد الحب الشهير بالـ فالنتاين داي‏.‏
قطع وقطعت سيرته‏,‏ مابحبوش من يوم ما اخترعوه‏.‏
وامبارح بالذات بقي‏,‏ كرهته أكثر‏,‏ خصوصا عندما تتبعت اسم صاحب الرسالة الرومانسية الرقيقة ام قلوب ودباديب‏,‏ واكتشفت انها واحدة صاحبتي‏!‏
ياختي فرحانة علي إية؟
اتكسفي واتوكسي انتي والفالنتاينز داي بتاعك في ساعة واحدة‏!‏
انا لومكانك استخبي‏,‏ واتلهي علي عيني وأقول ياحيطة داريني‏.‏
علي كل حال‏,‏ انا مش هاسكت‏,‏ ومن منبري هذا وموقعي ذاك‏,‏ اطالب وأهيب بالسادة المسئولين‏,‏ خاصة في الوزارات السيادية والجهات الرسمية واذاعة الـ‏f.m100‏ فاصل‏6‏ بضرورة الغاء مايسمي بعيد الفالنتاين داي مع نبذ هذه البدع الشبابية المارقة‏,‏ وتلك المظاهر الغربية المضلة والعياذ بالله‏.‏ بلا فالنتاين بلا مياعة وقلة حيا‏..‏ ثم انا لو من السادة المسئولين‏,‏ أعمل عيد واقعي يناسب الأحداث الأخيرة في حياتنا اليومية‏,‏ ويفخر ويباهي بالمواطن المصري وكفاحه برا‏,‏ وبحرا‏,‏ وحرقا‏,‏ وغرقا‏,‏ داخل بلاده وخارجها وعبر الحدود والمياه الاقليمية‏.‏
وحيث ان الأمر كذلك‏,‏ اقترح ان نسميه عيد الملطشة‏.‏
فهو ـ كما ترون ـ اسم رومانتيكي معبر وخلاب‏,‏ يعكس ببلاغة وبساطة معاناة الانسان المصري المعاصر
وهانروح بعيد ليه؟ الف رحمة ونور علي ضحايا عبارة الموت‏,‏ وتغمد الله برحمته ومغفرته المواطنين الحرقي في قطار الصعيد‏.‏
والشباب الغرقي علي سواحل إيطاليا‏,‏ والمتفحمين في قصر ثقافة بني سويف‏,‏ والمدهوسين علي طريق المطار‏,‏ والمختفين في حوادث غامضة في ليبيا والأردن وقطر‏.‏
معلهش احنا جايين نهدي النفوس
وبالمناسبة بقي‏:‏ لوسألتك‏..‏ انت مصري؟
تقولي اييييه؟‏!‏ تقول مصري‏..‏ ابن مصري وكل مصري‏..‏ ربنا يستر عليه‏!!‏

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
NOUR

avatar

مشرفة القسم العام
مشرفة القسم الاسلامى











انثى الابراج : العذراء الأبراج الصينية : القرد
عدد الرسائل : 2018
العمر : 25
الموقع : http://www.quran-m.com/
العمل/الترفيه : التأليف
المزاج : التثقيف الذاتى
السٌّمعَة : 3
نقاط : 2969
تاريخ التسجيل : 30/10/2009

مُساهمةموضوع: رد: مقال لاستاذة جيهان الغرباوي !!!   الأربعاء ديسمبر 09, 2009 9:57 pm

هههههههههههههه هههههههههههههههه هههههههههههههههههههه هههههههههههههههههههههههههه ههههههههههههههههههههه ههههههههههههههههههههههههه هههههههههههههههههههههه هههههههههههههههههههههههه
يا عينى دا انتى مفقوع مرارتك
فعلا عندك حق والله .....الفلانتين ده بقى حاجة مستفزة اوى اوى وخاصتا ان حكمه الشرعى بدعة مكروهة يعنى كل بدعة ضلالة وكل ضلالة فى النار
وانا هنزل لكم توبيك بيتكلم التفصيل عن البتاع ده
ده حتى نص اللى بحتفلو بيه بينطقوا غلط
الحق اشوف جدتى لحسن تكون هى كمان بتحتفل بيه ولا حاجة هههههههههههه
اصل ضبطها قبل كدة بتتفرج على مهند ههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.quran-m.com/
 
مقال لاستاذة جيهان الغرباوي !!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كليه الأداب :: المنتدى العام-
انتقل الى: