انا انهاردة من الفجر لحد الضهر عمالة كعادة كل البنات فى العيد امسح واكنس
طبعا الشباب مريحين دماغهم خالص حتى فى المناسبات انما احنا طلعة عينينا طول السنة هههههههه
المهم وانا بنضف لاقيت ورقة كنت كتبها من حوالى سنتين وكنت كتبة فيها اهدافى
الموضوع مش فى اهدافى ، الموضوع انى اعجبت جدا بالورقة... ولاقيت ان فى حاجات كانت تايهة عن دماغى رغم ان انا اللى كتبت الاهداف اللى فى الورقة
فمن هنا جاتلى فكرة تفحص الماضى يمكن الاقى فيه حاجة تنفعنى فى الحاضر او المستقبل............اه معاكوا حق الاهداف اللى مصرة بجد على تحقيقها
بتفضل فى ذاكرتى
لكن ده ما منعنيش من انى انسى بعضها او اغير بعضها مع مرور الوقت وازدحام وتزايد الاراء والافكار
فقررت انى اعمل اجندة او كراسة او مفكرة اكتب فيها افكارى الجديدة اول باول ومقترحاتى فى الحياة وارائى واهدافى يمكن فى يوم ارجعلها واعجب بيها من تانى
لكن قررت قبل ما اعمل المفكرة ديه اتفحص الاول الماضى بجميع افكارى واهدافى والمواقف اللى استفدت منها
وممكن كمان يكون عندى عادة انى اقرأ الاجندة ديه من وقت للتانى
انا هقولكم حاجة وانا بجد عينيا بتدمع وحاسة انى عايزة ابكى
انا نفسى نكون فعلا كلنا شباب بكرة اللى هيقدروا يغيروا من الواقع ولو تغيير بسيط ......... معلش اللى هيجيى بعدينا هيكمل....... نفسى اموت وانا عاملة حاجة حاجة مفيدة اوى اوى تفيد البشر اوالامة اوالوطن او حتى فرد واحد اهو كلو بيقرب من النصرة وتحقيق المدينة الفاضلة والجو النقى
اللهم استخدمنا ولا تستبدلنا
آمين يا حى يا قيوم