دعوة للقراءة

موضوع: دعوة للقراءة الجمعة نوفمبر 06, 2009 5:51 pm

ازايكم يا شباب ..يا تري ايه اخبار القراءة معاكوا ..انا عارفه انها بعافيه شويه وده واضح في المنتدي خصوصا في المكتبه مفيش ردود علي الكتب الا بسيط جدا
المهم انا النهارده عايزه اعرض عليكم فكرة انشاء الله تعجبكم واتمني اننا ننفذها فعلا
الفكرة ببساطة ان كل حد يقرأ كتاب يجي يعرضه في المنتدي يعني يينزل صورة الكتاب ويكتب نبذه عنه للتعريف بالكتاب وياريت ينزل اللينك بتاعه ولو هو اشتري الكتاب يقول هو اشتراه منين او قرأه في اي مكتبه بحيث ان يبقي في مشاركه وياريت اللي يقرأ كتاب اتعرض قبل كده يدخل ويكتب ويقول رأيه فيه عشان نشجع بعض علي القراءه لانها مهمه فعلا ويبقي فيه مشاركه وتفاعل من الاعضاء
اتمني انها تتنفذ
هتقولوا مفيش وقت عشان الدراسة هقولك احسب انت بتضيع وقت اد ايه بتتفرج علي التليفزيون علي مسلسلات او افلام مش هتغذي فكرك بشئ او بترغي اد ايه في التليفون وهكذا
وافتكروا دايما ان وقت هتتحاسب عليه وعمرك وشبابك وعلمك
هاسالكوا سؤال اجابته انشاء الله هتساعدكوا علي المواظبه علي القراءة
هل تقدر تستغني عن الاكل او الشرب ؟؟؟؟؟؟ لو قدرت يوم او يومين مش هتقدر تعيش اكيد طول عمرك هتبقي ضعييييييييييييييييف ومش هتقدر تعمل اي حاجه في حياتك
تخيل هو ده حالك وانت من غير القراءة لان زي ما الاكل بيغذي جسدك فالقراءة بتغذي عقلك وروحك تخيليهم بقي من غير اكل هما عملين ازاي ؟؟!!!
يارب تكون فكرة كويسة وننفذها

انا هبدأ بعرض اخر كتب قراتها امبارح والنهاردة

الاول : حوار مع صديقي الملحد
للعبقري الراحل دكتور مصطفي محمود
فكرة الكتاب بتدور حول حوار يدور بين الكاتب وبين صديق له ملحد لا يؤمن بالله ولا بغيره ويقوم بطرح اسئله علي الكاتب ويجادله وكثير من الاسئلة التي قام بطرحها قد تتبادر الي ذهن البعض علي الرغم من انه مسلم مثل من الذي خلق الله ؟ الجنه والنار ؟؟ هل نحن مخيرون ام مسيرون ؟؟؟ لماذا نؤمن بالوحدانية ونرفض تعدد الالهه وما الي ذلك من تلك الاسئلة
ويجيب الكاتب عنها جوابا شافيا بالمنطق الذي يفهمه صديقه الملحد وهو الفلسفة يري الكاتب في عيني صديقه قرب انتهاء الحوار الخوف والحيره والشك علي الرغم من كبريائه والتظاهر بعدم الاقتناع ويتركه وقد اوجد داخله فجوه كبيرة وعلامات استفهام كثيرة

وده لينك الكتاب
http://www.4shared.com/file/81226812/cf0d3e16/__-____.html?s=1

في انتظار الردود
ونكمل باقي الكتب بكرا انشاء الله لضيق الوقت
والسلام

اها نسيت اقولكم معلومه وهي ان القراءة عادة يعني تعود يعني الانسان هو اللي بيعود نفسه عليها ودي حاجه بتحصل بشكل تدريجي يعني لو انت مش بتحب القراءه او مش بتقرا خالص ابدا بصفحه او صفحتين في اليوم وسيب الكتاب وبعدين كمل في اليوم التاني وهكذا لحد ما هتتعود عليها وكل ما هتتعود عليها هتقرا بشكل اسرع من الاول يعني ممكن الاول تقرا صفحتين في اليوم دلوقت هتقرا اربعه وهكذا لحد ما توصل انك تبقي قادر تخلص كتاب في يوم او في ساعتين وبعدين هتبقي القراءة عادة عندك متقدرش تستغني عنها
خليها القراءة فرض كل يوم في حياتك يعني زي ماانت لازم تفطر ولازم تنام ولازم تصلي ( طبعا مع الفارق الكبير) لازم تقرا اي حاجه حتي ولو نصف صفحة لحد ماتتعود
وافتكر دايما ان اول ما نزل سيدنا جبريل علي الرسول صلي الله عليه وسلم قاله اقرأ ..اقرأ
يارييييييييييييت نقرأ ونفتح صفحه جديدة لحياتنا وتكون دي البداية

بجد شكرا ليكى يا ريم على الكلام الرائع ده وفعلا القرءاة مهمة جدا انا حاليا بقرا كتابين حلوين اوى ابتديت بيهم كتاب اسمة عظمة الرسول صلى الله عليه وسلم وكتاب تحفة اسمه معنى الكلام لانيس منصور لو لقتهم ععلى النت هنزلهم

مرسي ياريم علي الموضوع الجميل وانا انشاء الله هبدا بالكتاب ده

انا حملته بسالمشكله اني معنديش اوفيس فمش راضي يشتغل

ياريت لو تقولي موقع سهل انزل منه نسخه اوفيس

لووووووووووولي ..ازغرط يا اخواتي اخيرا حد جبر بخاطري ..ايه يا عيال هو مفيش غيركوا فين الخلق يا ناااااااااااااس
ماعلينا نحمد ربنا ..المهم جميل قوي يا ملك ..يسلام عليكي انيس منصور يا سلام I love you

اما انتي بقي يا زوبه هاقولك علي معلومه خطيره هتقلب حياتك راسا علي عقب ههههههههههههههه
وهو ان الكتاب مش وورد يعني مش اوفيس الكتاب يا بيضا برنامج PDF عارفاه يا بياضه ؟؟؟ههههههه
المهم ممكن تكتبيه في جوجل وتصطبيه ماشي يا بطه
يالا همتكوا معانا والنبي وياريت يا ملك تصحصحي الناس اقولك اعملي منشورات للمنتدي في القسم
انا كل ما دخل المنتدي بتاع عين شمس اتقهر ..وانا عندي مراره واحده ..ربنا يستر هههههه
ربنا معاكوا

هههههههههههههههههههه

ماشي ياريمو بيضه وبطه

ايه يابنتي انتي جعانه ع طوووووووووووووووووووووووووووووول

لما تيجي الجامعه قوليلي

علشان اجبلك اكل معايا I love you

ههههههههههههههههه ليه جايا من مجاعه يا وزه هههههههه Wink

יפה יפה
أزيك يا ريا Twisted Evil

؟؟
بجد موضوع جمييييل جدااا وان شاء الله انزل كام كتاب كدا قريتهم كانوا عجبينى موووت بس عندى حاجات كتييييييير فى العبرى لسه مخلصتهاش اول ما اخلصها هتلاقونى مقيمة هنا فى المنتدى وفعلا منتدى عين شمس دا كل لما ادخل فيه احقد عليهم Evil or Very Mad

بجد ماشاء الله عليهم شغل جميل جدااا وكله جديد يارب اشوف المنتدى بتاعنا زيه واحسن كمان
وسلميلى على سكينة كتييييير وقوليلها مش بتدخل المنتدى لييييه ؟؟؟ دا أنتوا اللى مشغالين المنتدى كدا هيتقفل خالص Crying or Very sad